ខេត្តព្រះសីហនុ៖ សេចក្តីរាយការណ៍បឋមឱ្យដឹងថា មនុស្ស៣នាក់បានស្លាប់ភ្លាមនៅនឹងកន្លែង និង២នាក់ទៀតរងរបួសធ្ងន់ ក្នុងហេតុការណ៍គ្រោះថ្នាក់ចរាចរណ៍រវាងរថយន្តធុនធំ និងម៉ូតូ កើតឡើងថ្ងៃត្រង់ថ្ងៃទី២៣ សីហា នេះ ស្ថិតត្រង់លើផ្លូវឯករាជ្យ…
ខេត្តព្រះសីហនុ៖ សេចក្តីរាយការណ៍បឋមឱ្យដឹងថា មនុស្ស៣នាក់បានស្លាប់ភ្លាមនៅនឹងកន្លែង និង២នាក់ទៀតរងរបួសធ្ងន់ ក្នុងហេតុការណ៍គ្រោះថ្នាក់ចរាចរណ៍រវាងរថយន្តធុនធំ និងម៉ូតូ កើតឡើងថ្ងៃត្រង់ថ្ងៃទី២៣ សីហា នេះ ស្ថិតត្រង់លើផ្លូវឯករាជ្យ ចំណុចផ្កាឈូកវិមានឯករាជ្ ក្នុងភូមិ២ សង្កាត់លេខ៣ ក្រុងព្រះ
សីហនុ ដោយគេដឹងថា បង្កឡើងដោយភាគីខាងរថយន្ត ហើយអ្នកបើកបរបានដាក់មេប្រូចរត់បាត់ស្រមោល ដែលហេតុការណ៍បង្កការភ្ញាក់ផ្អើលមនុស្សមកចោមរោមមើល ហើយពិសេសនោះ អ្វីដែលកាន់តែក្តុកក្ឌួល គឺសាច់ញាតិជនរងគ្រោះស្រែកយំឡើងទ្រហឹង នៅពេលបាត់បង់ជីវិតគ្រួសាររបស់គាត់។
សេចក្តីរាយការណ៍បន្តថា រថយន្តធុនធំខាងលើ ម៉ាកហ៊ីយ៉ាន់ដាយ ពាក់ផ្លាកលេខព្រះសីហនុ3A-2331 អ្នកបើកបរមិនស្គាល់អត្តសញ្ញាណ តែរថយន្តត្រូវគេដឹងជាកម្មសិទ្ធិរបស់ក្រុមហ៊ុន រាជសីហ៍ ឡូជីស្ទីក ។ ដោយឡែកភាគីខាងម៉ូតូម៉ាកវ៉េវ គ្មានផ្លាកលេខជិះគ្នា៥នាក់ (សុទ្ធតែក្មេង) ។ ក្នុងនោះ មានស្រីម្នាក់ជា
ឌុប ។
ប្រភពបន្តថា បច្ចុប្បន្ន អ្នករងរបួសត្រូវបានដឹកបញ្ជូនទៅសង្គ្រោះនៅមន្ទីរពេទ្យបង្អែកខេត្តព្រះសីហនុ ។ (សម្រួលដោយ៖ ស្រីណា)
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ