ប្រភពពីបរទេសកាលពីពេលថ្មីៗនេះ បានបង្កនូវភាពភ្ញាក់ផ្អើល ខណៈមាននារីម្នាក់ឈ្មោះ Chen Siyuan អាយុ២៤ឆ្នាំ ជាអ្នករស់នៅក្នុងខេត្ត Hebei នៃប្រទេសចិន បានបង្ហាញនូវទេពកោសល្យដ៏អស្ចារ្យបំផុត ពោលគឺនាងអាចសរសេរដោយដៃទាំង២របស់នាងក្នុងពេលដំណាលគ្នា ។ នាង Chen ប្រើដៃទាំងពីររបស់នាងសរសេរបានពីរភាសាក្នុងពេលតែមួយ គឺដៃម្ខាងសរសេរជាភាសាចិន និងដៃ
ប្រភពពីបរទេសកាលពីពេលថ្មីៗនេះ បានបង្កនូវភាពភ្ញាក់ផ្អើល ខណៈមាននារីម្នាក់ឈ្មោះ Chen Siyuan អាយុ២៤ឆ្នាំ ជាអ្នករស់នៅក្នុងខេត្ត Hebei នៃប្រទេសចិន បានបង្ហាញនូវទេពកោសល្យដ៏អស្ចារ្យបំផុត ពោលគឺនាងអាចសរសេរដោយដៃទាំង២របស់នាងក្នុងពេលដំណាលគ្នា ។ នាង Chen ប្រើដៃទាំងពីររបស់នាងសរសេរបានពីរភាសាក្នុងពេលតែមួយ គឺដៃម្ខាងសរសេរជាភាសាចិន និងដៃម្ខាងទៀតសរសេរជាភាសាអង់គ្លេស ។
នាង Chen ត្រូវបានគេទទួលស្គាល់ថា គឺជាមនុស្សដំបូងបង្អស់ដែលមានទេពកោសល្យ ពិសេសកម្ររកបានដែលអាចប្រើដៃទាំងពីរសរសេរអក្សរបានយ៉ាងស្ទាត់ជំនាញ ហើយមិនថា ដៃឆ្វេង ឬដៃស្តាំទេ គឺនៅពេលតែមួយនាងអាចសរសេរអក្សរបានស្អាត និងត្រឹមត្រូវជាទីបំផុត ។ សកម្មភាពសរសេរអក្សរដែលនាងថតជាវីដេអូដាក់បង្ហោះនៅលើបណ្តាញហ្វេសប៊ុកពិតជាទទួលបានការចាប់អារម្មណ៍យ៉ាងខ្លាំងពីសំណាក់មហាជន ។
នាង Chen បាននិយាយរៀបរាប់ឱ្យដឹងថា «សព្វថ្ងៃនាង គឺជាអ្នកបកប្រែភាសា ដូច្នេះរវាងភាសាចិន និងភាសាអង់គ្លេស គឺនាងអាចប្រើប្រាស់បានល្អដូចគ្នា ។ ចំពោះសកម្មភាពសរសេរអក្សរប្រើដៃទាំងពីរក្នុងពេលដំណាលគ្នា ហើយអាចធ្វើឱ្យគេទទួលស្គាល់នូវស្នាដៃរបស់នាង វាមិនមែនជារឿងងាយស្រួលសម្រាប់នាង ។ នាងបានចាប់ផ្តើមរៀនសរសេរប្រើដៃទាំង២ក្នុងពេលដំណាលគ្នា គឺតាំងពីនាងរៀននៅវិទ្យាល័យម៉្លេះ។
ដោយសារពេលនោះនាងមានកិច្ចការច្រើនត្រូវចសរសេរ ហេតុនេះហើយទើបនាងសាកល្បងរៀនសរសេរដៃឆ្វេងម្ខាងទៀត មិនយូរប៉ុន្មាននាងអាចសម្រេចដូចបំណង ។ នាងអាចធ្វើកិច្ចការដែលគ្រូដាក់ឱ្យបានយ៉ាងឆាប់រហ័ស ហើយសព្វថ្ងៃនេះការងារបកប្រែរបស់នាងអាចដំណើររលូនដោយការប្រើដៃម្ខាងសរសេរជាភាសាចិន និងដៃម្ខាងទៀតសរសេរជាភាសាអង់គ្លេស ។ ដូច្នេះនាងអាចបំពេញការងារជូនអតិថិជនរបស់នាងបានយ៉ាងរហ័សទាន់ចិត្ត» ។
នាង Chen បាននិយាយបន្ថែមទៀតថា «ឥឡូវនេះនាងពិតជាមានអារម្មណ៍សប្បាយចិត្ត ព្រោះមានមនុស្សជាច្រើនបានចាប់អារម្មណ៍ និងសរសេរពីទេពកោសល្យដ៏អស្ចារ្យរបស់នាង ។ ជាពិសេសនាងសង្ឃឹមថា ការបង្ហាញនូវសមត្ថភាពខុសប្លែកពីអ្នកដទៃនេះ នឹងអាចធ្វើឱ្យនាងបានគ្រងតំណែងនៅក្នុងកំណត់ត្រាពិភពលោក Cuinness ជាក់ជាមិនខាន» ៕
ចែករំលែកព័តមាននេះ