គួរ​ធ្វើ​ដូច​ម្តេច​ពេល​អាជីវកម្ម​កំពុង​ជួប​បញ្ហា?


សហគ្រិន​ជា​ច្រើន​តែងតែ​ភ័យ​ព្រួយ​ថា អាជីវកម្ម​របស់​ពួក​គេ​នឹង​ជួប​វិបត្តិ​នៅ​ថ្ងៃ​ណាមួយ​ដែល​អាច​ធ្វើ​ឲ្យ​ពួក​គេ​ខ្ជះខ្ជាយ​ថាមពល និង​ពេលវេលា​ជាដើម ។ វា​គួរ​ឲ្យ​ព្រួយបារម្ភ​ពិតមែន​ព្រោះ​វា​អាច​បង្ក​ឲ្យ​សហគ្រិន​ខាតបង់​ថវិកា​ជា​ច្រើន ។

ប៉ុន្តែ​វិបត្តិ​មិនមែន​តែងតែ​ជា​រឿង​មិនល្អ​ទេ ។ ប្រសិនបើ​ក្រុមហ៊ុន​អ្នក​នៅ​តែ​រក​ប្រាក់​ចំណូល​បាន​ច្រើន​ទៅ​ៗ​ដដែល​នោះ​វិបត្តិ​នោះ ស្ថិត​ក្រោម​ការ​គ្រប់គ្រង​បាន​ល្អ​នៅឡើយ ។ ហើយ​ក្នុង​កំឡុង​ពេល​មាន​វិបត្តិ​នេះ​អ្នក​នៅ​តែ​អាច​សម្រេច​ការងារ​បាន​ឲ្យ​មាន​ប្រសិទ្ធិ​ភាព និង​បន្ត​ពង្រីក​អាជីវកម្ម​របស់​អ្នក​ទៅ​មុខ​ដដែល ។ ខាងក្រោម​នេះ គឺជា​គន្លឹះ​ចែករំលែក​ដោយ​លោក Bedros Keuilian ដែល​ជានា​យក​ប្រតិបត្តិ និង​ស្ថាបនិក​របស់ Fit Body Boot Camp ដែល​អាច​ជួយ​ដល់​អាជីវកម្ម​អ្នកមាន​ពេល​ដែល​កំពុង​ជួប​វិបត្តិ​ណាមួយ ៖

១. គ្រប់គ្រង​ខ្លួនឯង​ជា​មុន​សិន ៖ ប្រសិនបើ​អ្នក​មិន​មាន​សមត្ថភាព​ក្នុង​ការ​គ្រប់គ្រង​ខ្លួនឯង​ជា​មុន​ទេ​នោះ អ្នក​មិន​អាច​សម្រេច​កិច្ចការ​ដទៃ​បាន​ទេ ។ លើស​ពី​នេះ​ទៅ​ទៀត​រាល់​អ្វី​ៗ​ដែល​កើត​មាននៅ​ជុំវិញ​អ្នក​នឹង​ធ្វើ​ឲ្យ​អ្នក​ខឹង ឬ​រំខាន់​អារម្មណ៍​របស់​អ្នក​មិន​ឲ្យ​ផ្តោត​ទៅ​លើ​ដំណោះស្រាយ និង​ការ​សម្រេចចិត្ត​សំខាន់​ៗ​នានា​ជាដើម ។

២. ដក​ដៃ​ខ្លះ ៖ អាជីវករ​ជា​ច្រើន​ចូល​ចិត្ត​ធ្វើ​អ្វី​គ្រប់យ៉ាង​ដោយ​ខ្លួនឯង ព្រោះ​ពួក​គេ​ដឹង​ថា ពួក​គេ​យល់​ច្បាស់​ពី​អាជីវកម្ម​ច្រើន​ជាង​នរណា​ទាំងអស់ ។ ប៉ុន្តែ​អ្នក​ត្រូវ​យល់​ដឹង​ថា មនុស្ស​ដែល​ធ្វើការ​ឲ្យ​អ្នក​សុទ្ធតែ​មាន​សមត្ថភាព​ធ្វើការ​ទើប​អ្នក​ជ្រើស​យក​ពួក​គេ ។ ប្រសិនបើ​អ្នក​មិន​ពេញចិត្ត​នឹង​បុគ្គលិក​របស់​អ្នក​ទេ​នោះ អ្នក​អាច​ផ្តល់​ការ​ហ្វឹកហាត់ ទូន្មាន ឬ​ប្តូរ​បុគ្គលិក​ជាដើម ។​កត្តា​សំខាន់​ដែល​អ្នក​ត្រូវធ្វើ​គឺ​រៀន​ចេះ​ដក​ដៃ​ចេញពី​អាជីវកម្ម​ខ្លះ និង​ចាប់ផ្តើម​ឲ្យ​អ្នក​ដទៃ​ធ្វើការ​ឲ្យ​ខ្លួន​វិញ ។ មនុស្ស​ច្រើន ខួរក្បាល​ច្រើន​អាច​ជួយ​គិត​ឃើញ​វិធីសាស្ត្រ និង​ដំណោះស្រាយ​ល្អ​ៗ​ជាង​អ្នក​គិត​ម្នាក់ឯង ។

៣. បង្កើត​បរិស្ថាន​ដែល​អ្នក​អាច​គ្រប់គ្រង​បាន ៖ វា​មិនមែន​ជា​ការងារ​របស់​អ្នក​ក្នុង​ការ​គ្រប់គ្រង​មនុស្ស​ដទៃ​ទេ ហើយ​អ្នក​ក៏​មិន​មាន​សមត្ថភាព​ក្នុង​ការ​ធ្វើ​ដូច្នេះ​ដែរ ។ ដោយហេតុ​ដូចនេះ អ្នក​ត្រូវ​តែ​គ្រប់គ្រង​បរិស្ថាន​ជុំវិញ​អ្នក​វិញ​។

ប្រសិនបើ​អ្នកមាន​អារម្មណ៍​ធុញថប់​ខ្លាំង អ្នក​គួរតែ​ប្រាប់​ដល់​បុគ្គលិក​ទាំងអស់​មិន​ឲ្យ​ទាក់ទង​ទៅ​អ្នក​ក្រៅ​ម៉ោង​ធ្វើការ​ជាដើម ។ អ្នក​ត្រូវ​ចេះ​គ្រប់គ្រង​ការ​ដែល​អ្នក​ប្រើប្រាស់​ពេលវេលា ៕ កែសម្រួល​ដោយ ៖ សុ​ឃា​ក់

Facebook Google Twitter Email

គួរ​យល់​ដឹង

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ