រាជធានីភ្នំពេញ ៖ កាលពីវេលាម៉ោង៧ព្រឹកថ្ងៃទី២ មីនា ២០១៤ នេះ ស្ថិតនៅចំណុចវត្តស្លែង ក្នុងភូមិខ្ចៅ សង្កាត់បឹងធំ ខណ្ឌពោធិ៍សែនជ័យ មានហេតុការណ៍ភ្ញាក់ផ្អើលមួយបានកើតឡើង ដោយកម្លាំងប៉ូលិសខណ្ឌដង្កោ និងខណ្ឌពោធិ៍សែនជ័យ សហការគ្នាចេញអន្តរាគមន៍ស្ទាក់ចាប់ បន្ទាប់ពីមានបុរសម្នាក់ជិះម៉ូតូក្នុងល្បឿនយ៉ាងលឿនដេញតាមម៉ូតូមួយគ្រឿងទៀត ដែលកំពុងជិះខាងមុខ
រាជធានីភ្នំពេញ ៖ កាលពីវេលាម៉ោង៧ព្រឹកថ្ងៃទី២ មីនា ២០១៤ នេះ ស្ថិតនៅចំណុចវត្តស្លែង ក្នុងភូមិខ្ចៅ សង្កាត់បឹងធំ ខណ្ឌពោធិ៍សែនជ័យ មានហេតុការណ៍ភ្ញាក់ផ្អើលមួយបានកើតឡើង ដោយកម្លាំងប៉ូលិសខណ្ឌដង្កោ និងខណ្ឌពោធិ៍សែនជ័យ សហការគ្នាចេញអន្តរាគមន៍ស្ទាក់ចាប់ បន្ទាប់ពីមានបុរសម្នាក់ជិះម៉ូតូក្នុងល្បឿនយ៉ាងលឿនដេញតាមម៉ូតូមួយគ្រឿងទៀត ដែលកំពុងជិះខាងមុខ ហើយស្រែកថាចោរៗ មិនដាច់ពីមាត់ ។
ប្រភពបានឱ្យដឹងថា ខណៈនោះប្រជាពលរដ្ឋមួយចំនួនបានជួយដេញតាម និងមួយចំនួនទៀត បានត្រៀមដំបងព្រនង់ប្រុងការពារខ្លួន លុះមួយសន្ទុះក្រោយមក ម៉ូតូដែលព្យាយាមបើករត់គេចនោះ ត្រូវបានកម្លាំងប៉ូលិសប៉ុស្ដិ៍បឹងធំ ខណ្ឌពោធិ៍សែនជ័យ ឃាត់បាននាំយកទៅសាកសួរទើបដឹងថា មិនមែនជារៀងដេញតាមចោរលួច ឬចោរប្លន់នោះឡើយ គឺជារឿងស្នេហាត្រីកោណ ។
បុរសដែលត្រូវប្រពន្ធផិតក្បត់មានប្រុសថ្មីនោះ ឈ្មោះនូវ សំណាង អាយុ៣៨ឆ្នាំ ជាអ្នករត់ម៉ូតូឌុប មានទីលំនៅក្នុងភូមិពានអន្សារ ឃុំព្រះនិព្វាន ស្រុកគងពិសី ខេត្តកំពង់ស្ពឺ ។ ចំណែកឯស្រ្តីជាប្រពន្ធឈ្មោះសូត្រ មន អាយុ៣៦ឆ្នាំ ជាកម្មការិនីរោងចក្រកាត់ដេរ មានទីលំនៅក្នុងភូមិជាមួយគ្នា រីឯបុរសម្នាក់ទៀតដែលជាប់ចោទថា ជាប្រុសសហាយនោះឈ្មោះលី ហៀង អាយុ៥៧ឆ្នាំ មាន ទីលំនៅក្នុងភូមិថ្មគោល សង្កាត់ចោមចៅ ខណ្ឌពោធិ៍សែនជ័យ ។
ចែករំលែកព័តមាននេះ