ទីភ្នាក់ងារព័ត៌មានចិនស៊ីនហួ រាយការណ៍កាលពីថ្ងៃទី១ មីនា ថា មនុស្សយ៉ាងតិច២៩នាក់ បានត្រូវស្លា.ប់ក្នុងការវាយប្រហារភេរវកម្មយ៉ាងសាហា.វមួយរបស់ក្រុមមនុស្សប្រដាប់ដោយកាំបិតប្រឆាំងនឹងស្ថានីយរថភ្លើងមួយ នៅទីក្រុងគុនមិញ ជាទីក្រុងមួយស្ថិតនៅភាគនិរតីប្រទេសចិន ។
ទីភ្នាក់ងារព័ត៌មានចិនស៊ីនហួ រាយការណ៍កាលពីថ្ងៃទី១ មីនា ថា មនុស្សយ៉ាងតិច២៩នាក់ បានត្រូវស្លាប់ក្នុងការវាយប្រហារភេរវកម្មយ៉ាងសាហាវមួយរបស់ក្រុមមនុស្សប្រដាប់ដោយកាំបិតប្រឆាំងនឹងស្ថានីយរថភ្លើងមួយ នៅទីក្រុងគុនមិញ ជាទីក្រុងមួយស្ថិតនៅភាគនិរតីប្រទេសចិន ។
ប៉ូលិសដែលធ្វើអន្តរាគមន៍បានសម្លាប់ពួកអ្នកវាយប្រហារ៥នាក់ ហើយដេញតាមរកពួកអ្នកវាយប្រហារយ៉ាងតិច៥នាក់ទៀត ។ ស៊ីនហួ រៀបរាប់ម៉្យាងទៀតពីមនុស្សជាង១៣០នាក់ របួសក្រោយការវាយប្រហារប្រឆាំងស្ថានីយរថភ្លើងនៅឯទីប្រជុំជនខេត្តយុនណាន់នោះ ។ នេះជាការវាយប្រហារភេរវកម្មយ៉ាងសាហាវមួយដែលមានការគ្រោងទុក ។
ប្រជាជនក្រុងគុនមិញ ម្នាក់ រៀបរាប់ថាគាត់កំពុងតែទិញសំបុត្រជិះ ស្រាប់តែឃើញមនុស្សមួយក្រុមភាគច្រើនស្លៀកពាក់ខ្មៅ លុកចូលស្ថានីយ ហើយកាប់ចាក់ពួកអ្នកដំណើរ ។ ខ្ញុំឃើញសមាជិកក្រុមនោះកាន់កាំបិតវែងមកក្បែរខ្ញុំ ហើយខ្ញុំក៏រត់គេចចេញយ៉ាងរហ័ស ។ ចំពោះអ្នករត់មិនទាន់ ត្រូវពួកអ្នកវាយប្រហារសម្លាប់។
ប្រធានាធិបតីចិន លោក ស៊ី ជីនពីង ថ្លែងថា គេត្រូវធ្វើការខិតខំប្រឹងប្រែងខ្លាំងបំផុត ដើម្បីតាមរកពួកអ្នកប្រព្រឹត្តអំពើនេះ ។ អគ្គលេខាធិការ អ.ស.ប លោក បាន គីមូន កាលពីថ្ងៃទី១ មីនា បានថ្កោលទោសដោយប្រើពាក្យធ្ងន់ៗចំពោះការវាយប្រហារនោះប្រឆាំងបណ្តាជនស៊ីវិល ដោយលោកសម្តែងនូវក្តីសង្ឃឹមថា ពួកអ្នកទទួលខុសត្រូវនឹងទទួលការកាត់ទោសទៅតុលាការ ៕
ចែករំលែកព័តមាននេះ