មេខ្លោងបាតុកម្មប្រឆាំងថៃ លោកស៊ូថេបធឿកស៊ូបាន ប្រកាសកាលពីយប់ថ្ងៃទី២៨ កុម្ភៈ កន្លងមកនេះថា លោកនឹងបញ្ចប់នាថ្ងៃទី៣ មីនា នូវប្រតិបត្តិការរាំងខ្ទប់រាជធានីបាងកក ដែលចាប់ផ្តើមពីថ្ងៃទី១៣ មករា មក ។
នៅមុខពួកបាតុករលោកស៊ូថេប និយាយថា ពួកបាតុករនឹងចាកចេញពីកន្លែងប្រមូលផ្តុំគ្នាទាំងអស់នៅក្រុងបាងកក លើកលែងតែ
មេខ្លោងបាតុកម្មប្រឆាំងថៃ លោកស៊ូថេបធឿកស៊ូបាន ប្រកាសកាលពីយប់ថ្ងៃទី២៨ កុម្ភៈ កន្លងមកនេះថា លោកនឹងបញ្ចប់នាថ្ងៃទី៣ មីនា នូវប្រតិបត្តិការរាំងខ្ទប់រាជធានីបាងកក ដែលចាប់ផ្តើមពីថ្ងៃទី១៣ មករា មក ។
នៅមុខពួកបាតុករលោកស៊ូថេប និយាយថា ពួកបាតុករនឹងចាកចេញពីកន្លែងប្រមូលផ្តុំគ្នាទាំងអស់នៅក្រុងបាងកក លើកលែងតែនៅឧទ្យានលុមពីនីមួយប៉ុណ្ណោះ ។ រាល់សកម្មភាពទាំងអស់នឹងផ្ទេរទៅកាន់ឧទ្យាននោះ ។
ប្រតិបត្តិការរាំងខ្ទប់ក្រុងបាងកក ដែលក្នុងអំឡុងពេលនេះវិមានរដ្ឋាភិបាល និងបណ្តាផ្លូវបំបែកសំខាន់ៗត្រូវពួកបាតុករកាន់កាប់សំដៅរុញច្រានឱ្យនាយករដ្ឋមន្ត្រីលោកស្រីយីងឡាក់ ស៊ីណាវ៉ាត្រា លាលែងចេញពីតំណែង ក៏ប៉ុន្តែលោកស្រីបានបដិសេធយ៉ាងម៉ឺងម៉ាត់ ហើយប្រាប់ថា លោកស្រីដាច់ខាតមិនចុះញ៉មឡើយ ។
ទោះបីយ៉ាងណា លោកស៊ូថេប បញ្ជាក់ថា ការចាកចេញពីទីតាំងប្រមូលផ្តុំគ្នាទាំងឡាយពុំមានន័យថា ជាការបញ្ចប់ការប្រយុទ្ធដើម្បីទម្លាក់រដ្ឋាភិបាលបច្ចុប្បន្នឡើយ ។
យោងតាមកាសែតបាងកកប៉ុស្តិ៍ លោកស៊ូថេប ថ្លែងថា យើងនឹងបន្តរាំងខ្ទប់ការិយាល័យ និងបណ្តាកិច្ចការជំនួយរបស់គ្រួសារស៊ីណាវ៉ាត្រា ដូចតាមទម្លាប់ ហើយការប្រយុទ្ធរបស់យើងនឹងបង្កើនថែមទៀត ។
ការបាញ់ប្រហារ និងការវាយប្រហារដោយគ្រាប់បែកមួយចំនួនលើបណ្តាទីតាំងបោះជំរំតវ៉ា រយៈពេលប៉ុន្មានថ្ងៃចុងក្រោយនេះបណ្តាលឱ្យមនុស្សស្លាប់ជាច្រើននាក់ ក្នុងនោះមានកុមារ៤នាក់ផង ហើយមនុស្សជាច្រើនសិបនាក់ទៀតត្រូវរបួស ។ បណ្តាជនដៃដល់ដែលធ្វើការវាយប្រហារទាំងនោះពុំឃើញមានចាប់ខ្លួនបានឡើយ។
លោកស៊ូថេប សុំទោសពលរដ្ឋក្រុងបាងកកចំពោះការរំខានបណ្តាលមកពីប្រតិបត្តិការរាំងខ្ទប់ ។ លោកនិយាយថា ខ្ញុំប្តេជ្ញាចិត្តបញ្ចប់សកម្មភាពនេះសម្រាប់ខែមីនា ដើម្បីយើងអាចចាប់ផ្តើមការកែទម្រង់ជាតិ ។
មុននេះលោកស៊ូថេប ស្នើសុំជួបតទល់គ្នាជាមួយលោកស្រីយីងឡាក់ ដោយស្នើថា ការជួបចរចាគ្នានោះត្រូវផ្សាយបន្តផ្ទាល់តាមទូរទស្សន៍។ ឆ្លើយតបនឹងសំណើនេះ លោកស្រីយីងឡាក់ បានយល់ព្រមធ្វើការចរចាដោយសន្តិវិធី ក្នុងលក្ខខណ្ឌដែលការចរចានោះសមស្របទៅតាមរដ្ឋធម្មនុញ្ញ ហើយឱ្យលោកស៊ូថេប ត្រៀមបញ្ចប់បាតុកម្មអូសបន្លាយពេលយ៉ាងយូរដើម្បីសម្រួលដល់ដំណើរការបោះឆ្នោត ៕
ចែករំលែកព័តមាននេះ