ខេត្តប៉ៃលិន ៖ បុរសម្នាក់ត្រូវសមត្ថកិច្ចឃាត់ខ្លួន បន្ទាប់ពីបុរសរូបនេះ យកគ្រាប់បែកដែលរើសបានពីចម្ការ មកបង្ហាញមិត្តភក្តិ ភ្លាត់ស្នៀតធ្លាក់ផ្ទុះរងរបូសម្នាក់ ខណៈផឹកស្រវឹង។ ហេតុការណ៍នេះ កើតឡើងកាលពីវេលាម៉ោង១១និង២៥នាទីយប់ថ្ងៃទី២៧ កុម្ភៈ ២០១៤ ស្ថិតក្នុងភូមិសំបូរ ឃុំសាលាក្រៅ ស្រុកសាលាក្រៅ ។
ខេត្តប៉ៃលិន ៖ បុរសម្នាក់ត្រូវសមត្ថកិច្ចឃាត់ខ្លួន បន្ទាប់ពីបុរសរូបនេះ យកគ្រាប់បែកដែលរើសបានពីចម្ការ មកបង្ហាញមិត្តភក្តិ ភ្លាត់ស្នៀតធ្លាក់ផ្ទុះរងរបូសម្នាក់ ខណៈផឹកស្រវឹង។ ហេតុការណ៍នេះ កើតឡើងកាលពីវេលាម៉ោង១១និង២៥នាទីយប់ថ្ងៃទី២៧ កុម្ភៈ ២០១៤ ស្ថិតក្នុងភូមិសំបូរ ឃុំសាលាក្រៅ ស្រុកសាលាក្រៅ ។
ជនរងគ្រោះឈ្មោះ ហេង ភេទប្រុស អាយុ២០ឆ្នាំ រងរបួសភ្លៅ ពោះ និងដៃ ធ្ងន់ធ្ងរ ត្រូវគេបញ្ជូនទៅសង្គ្រោះនៅមន្ទីរពេទ្យខេត្តបាត់ដំបង ចំណែកជនបង្កឈ្មោះ មុត ភេទប្រុស អាយុ៤៩ឆ្នាំ ជាអ្នកសុំគ្រាប់បែកមើល បណ្តាលឱ្យរបូតដៃផ្ទុះរបួសបុរសខាងលើ ។ ដោយឡែកបុរសដែលត្រូវសមត្ថកិច្ចឃាត់ខ្លួនឈ្មោះ រឹត ផេន ភេទប្រុស អាយុ៣២ឆ្នាំ ជាកសិករ និងជាអ្នករើសគ្រាប់បែកមកពីចម្ការ ត្រូវឃាត់ខ្លួន កាលពីវេលាម៉ោង១១និង០៦នាទីព្រឹកថ្ងៃទី២៨ កុម្ភៈ ៕
ចែករំលែកព័តមាននេះ