អគ្គនាយកស៊ីម៉ាក់ បានប្រកាសថា ហេតុអីថៃបំពានអនុសញ្ញាអន្តរជាតិជាច្រើន ដូចជា អនុសញ្ញាការហាមឃាត់ប្រើប្រាស់អាវុធគីមី អនុសញ្ញាការហាមឃាត់ប្រើប្រាស់គ្រាប់បែកចង្កោម សន្ធិសញ្ញា/អនុសញ្ញាស្តីពីការកំណត់ព្រំដែនកម្ពុជា-សៀម ។ ជាក់ស្តែង លោក…
អគ្គនាយកស៊ីម៉ាក់ បានប្រកាសថា ហេតុអីថៃបំពានអនុសញ្ញាអន្តរជាតិជាច្រើន ដូចជា អនុសញ្ញាការហាមឃាត់ប្រើប្រាស់អាវុធគីមី អនុសញ្ញាការហាមឃាត់ប្រើប្រាស់គ្រាប់បែកចង្កោម សន្ធិសញ្ញា/អនុសញ្ញាស្តីពីការកំណត់ព្រំដែនកម្ពុជា-សៀម ។
ជាក់ស្តែង លោក ហេង រតនា អគ្គនាយកស៊ីម៉ាក់ បានប្រកាសនាព្រឹកថ្ងៃទី១៤ ខែធ្នូ ឆ្នាំ២០២៥នេះថា ៖ ក្នុងនាមប្រជាពលរដ្ឋខ្មែរមួយរូប ខ្ញុំសូមសំដែងនូវអំណរគុណឯ.ឧប្រធានាធិបតី Donald J. Trump ដែលបានខិតខំលះបង់ និងជំរុញ ឱ្យមានការគោរពដល់ស្មារតីសន្តិភាព ដែលមានស្រាប់! ។
លោក ហេង រតនា បានបញ្ជាក់ថា ជាមួយនេះ ឯ.ឧប្រធានាធបតី ក៏បានបញ្ជាក់ កាពិតខ្លីពីបញ្ហាគ្រោះថ្នាក់មីនរបស់ទាហានសៀម នានាកន្លងមកជា«ឧបទ្ទេវហេតុ» !! ប៉ុន្តែពួកមេដឹកនាំចោរឈ្លានពានសៀមឆ្លើយតបវិញថា មិនអាចទទួលបានឡើយ!! ហើយអ្វីដែលពួកចោរឈ្លានពាន បែរជាអាចទទួលបាន«ចំពោះការសម្លាប់ជនកម្ពុជាមិនរើសមុខ រួមមានទារក ក្មេងៗ ប្រជាជន និងអាចារ្យវត្តជាដើម… ។ ល។ សម្រាប់ប្រជាជនកម្ពុជា នរណាៗក៏បានយល់ដឹងច្បាស់ថា បញ្ហាផ្ទុះគ្រាប់មីន គ្រាន់តែជាយុទ្ធសាស្ត្រ និងឧបាយកលប្រើកម្លាំងធ្វើសង្គ្រាមឈ្លានពាន និងកាន់កាប់បូរណភាពទឹកកម្ពុជាទាំងកំរោល និងសំដែងក្លែងខ្លួនជាតួអង្គ ជាអ្នកគោរពច្បាប់អន្តរជាតិល្អគ្មានពីរប៉ុណ្ណោះ ។
លោក ហេង រតនា បានបន្តថា យើងទាំងអស់គ្នា មិនពិបាកយល់ទេ ប្រសិនជាចោរឈ្លានពានពិតជា អ្នកគោរពច្បាប់អន្តរជាតិយ៉ាងល្អពិតប្រាកដមែននោះ ហេតុអីពួកគេបំពានអនុសញ្ញាអន្តរជាតិជាច្រើន ដូចជាអនុសញ្ញាការហាមឃាត់ប្រើប្រាស់អាវុធគីមី អនុសញ្ញាការហាមឃាត់ប្រើប្រាស់គ្រាប់បែកចង្កោម សន្ធិសញ្ញា/អនុសញ្ញាស្តីពីការកំណត់ព្រំដែនកម្ពុជា-សៀម….. និងអនុសញ្ញាអន្តរជាតិស្តីពីសិទ្ធិមនុស្ស ការការពារជនស៊ីវិលពេលមានសង្គ្រាម….ជាដើម។ ល។
លោក ហេង រតនា បានបន្ថែមថា ហើយថ្មីៗចុងក្រោយនេះ មេដឹកនាំគ្មានសភាសៀមនេះ មិនស្តាប់តាមស្មារតីអំពាវនាវឱ្យមានសន្តិភាពរបស់អន្តរជាតិណាឡើយ ដូចជាUN, ASEAN ដោយរួមទាំងការអំពាវនាវរបស់ពិភពលោក នេះនិងការលះបង់ចូលរួមរបស់ឯ.ឧប្រធានាធិបតី Donald J. Trump ផ្ទាល់ផងដែរ ។
ទន្ទឹងនឹងនេះ ពួកចោរឈ្លានពាន បានបន្តទាមទារឱ្យកម្ពុជាដាក់អាវុធ ដកកម្លាំងប្រយុទ្ធ និងសុំចរចារជាមួយសៀមផ្ទាល់ ដែលវិញ្ញាសារសាមញ្ញៗបែបនេះមនុស្សម្នាលើពិភពលោកនេះ អាចយល់ដឹងបានគ្រប់គ្រាន់ហើយ ពីអស់លោកមេដឹកនាំសៀមឈ្លានពាននេះ ៕
ចែករំលែកព័តមាននេះ