ខេត្តកំពង់ឆ្នាំង ៖ មនុស្ស០២នាក់បានស្លា.ប់នៅនឹងកន្លែង និងម្នាក់ទៀតស្លា.ប់ពេលដឹកទៅសង្គ្រោះនៅមន្ទីរពេទ្យខេត្ត ខណៈដែលពួកគាត់ទាំង៣នាក់ជិះម៉ូតូ២គ្រឿងបុកគ្នាយ៉ាងពេញទំហឹង។ ហេតុការណ៏គ្រោះថ្នាក់ដ៏រន្ធត់នេះបានកើតឡើង កាលពីវេលាម៉ោង ៨និង៣០នាទីយប់ថ្ងៃទី២៨ កុម្ភៈ ឆ្នាំ២០១៤ នៅលើកំណាត់ផ្លូវជាតិលេខ៥
ខេត្តកំពង់ឆ្នាំង ៖ មនុស្ស០២នាក់បានស្លាប់នៅនឹងកន្លែង និងម្នាក់ទៀតស្លាប់ពេលដឹកទៅសង្គ្រោះនៅមន្ទីរពេទ្យខេត្ត ខណៈដែលពួកគាត់ទាំង៣នាក់ជិះម៉ូតូ២គ្រឿងបុកគ្នាយ៉ាងពេញទំហឹង។ ហេតុការណ៏គ្រោះថ្នាក់ដ៏រន្ធត់នេះបានកើតឡើង កាលពីវេលាម៉ោង ៨និង៣០នាទីយប់ថ្ងៃទី២៨ កុម្ភៈ ឆ្នាំ២០១៤ នៅលើកំណាត់ផ្លូវជាតិលេខ៥ ត្រង់ចំណុចសួនច្បារនិមិត្តសញ្ញារូបឆ្នាំង ស្ថិតក្នុងភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង ។
មន្ត្រីប៉ូលិសចរាចរក្រុងកំពង់ឆ្នាំង បានឱ្យដឹងថា មូលហេតុដែលម៉ូតូទាំង០២គ្រឿងបុកគ្នា បណ្តាលឱ្យមានមនុស្សស្លាប់ដល់ទៅ០៣នាក់នេះ គឺមិនបានដឹងច្បាស់នោះទេ គ្រាន់តែដឹងថា ពួកគេជិះម៉ូតូបញ្ច្រាសទិសគ្នា ដែលម៉ូតូមួយគ្រឿងម៉ាកឌ្រីមសេ១២៥ ស៊េរី២០១០ ពណ៌ខ្មៅ ពាក់ស្លាកលេខកណ្តាល 1F.2465 ជិះគ្នា០២នាក់ ម្នាក់ឈ្មោះ ព្រីន ប្រុស អាយុ២០ឆ្នាំ និងម្នាក់ទៀតឈ្មោះ ផាយ ឆោវ័ន្ត អាយុ២០ឆ្នាំ យុវជនទាំង២នាក់មានទីលំនៅ ភូមិល្វា ឃុំស្វាយរំពារ ស្រុកកំពង់លែង និងមួយគ្រឿងទៀតម៉ាក ឌ្រីមសេ១២៥ ស៊េរី២០០៥ ពណ៌ខ្មៅ ពាក់ស្លាកលេខ កណ្តាល 1H.3669 ជិះដោយឈ្មោះ ហ៊ាន សុផល អាយុ២០ឆ្នាំ ជាសន្តិសុខរោងចក្រ មានទីលំនៅភូមិត្របែក ឃុំត្រងិល ស្រុកកំពង់លែង ។
ប្រភពដដែលបន្តថា មុនពេលកើតហេតុ ជនរងគ្រោះដែលជិះម៉ូតូ២០១០ បានធ្វើដំណើរ តាមបណ្តោយផ្លូវជាតិលេខ៥ ពីជើងទៅត្បូង ក្នុងល្បឿនយ៉ាងលឿន លុះមកដល់ចំណុចកើតហេតុ ស្រាប់តែជនរងគ្រោះដែលជិះម៉ូតូ២០០៥ ម្នាក់ឯង ក្នុងដំណើរបញ្ច្រាសទិសគ្នាក្នុងល្បឿនយ៉ាងលឿនដូចគ្នា បានរេចង្កូតមកខាងឆ្វេងដៃ ដែលតាមការសន្និដ្ឋានរបស់ប៉ូលិស សង្ស័យបត់ចូលសួនច្បារ បណ្តាលឱ្យបុកគ្នាយ៉ាងពេញទំហឹងតែម្តង ។ ក្នុងហេតុការណ៏នេះ សូម្បីតែមួកសុវត្ថិភាពដែលបុរសឈ្មោះ ហ៊ាន សុផល ពាក់ក៏មិនអាចជួយការពារបានដែរ ធ្វើអោយគាត់ស្លាប់នៅនឹងកន្លែង រួមជាមួយអ្នករួមដំណើរពីក្រោយ ចំណែកយុវជនម្នាក់ទៀតបានស្លាប់ពេលដឹកមកសង្គ្រោះនៅមន្ទីរពេទ្យខេត្ត ។
ប៉ូលិសបាននិយាយថា ម៉ូតូទាំង០២គ្រឿងសុទ្ឋតែបើកលឿនខ្លាំងណាស់ ហួសល្បឿនកំណត់ ទើបបណ្តាលឱ្យស្លាប់ទាំងអស់គ្នាបែបនេះ ៕
ចែករំលែកព័តមាននេះ