រាជធានីភ្នំពេញ ៖ រថយន្ដហ៊ីយ៉ាន់ដាយមួយគ្រឿងចំណុះ១តោន ដែលអ្នកបើកបរអះអាងថា បានគេចរថយន្ដមួយគ្រឿងទៀតទាំងតក់ក្រហល់ក៏ជ្រុលឡើងចិញ្ចើមផ្លូវបុករះចូលផ្ទះគេ បណ្ដាលឱ្យផើងផ្ការបស់របរនៅមុខផ្ទះខូចខាត និងបុកលោកយាយ អាយុ៧៣ឆ្នាំ ម្នាក់ដែលកំពុងអង្គុយលេងមុខផ្ទះ ប៉ើងបោកផ្ទប់ជញ្ជាំងស្លា.ប់នៅនឹងកន្លែងយ៉ាងអាណោចអាធ័ម ហើយរថយន្ដបានជ្រុលទៅបុក
រាជធានីភ្នំពេញ ៖ រថយន្ដហ៊ីយ៉ាន់ដាយមួយគ្រឿងចំណុះ១តោន ដែលអ្នកបើកបរអះអាងថា បានគេចរថយន្ដមួយគ្រឿងទៀតទាំងតក់ក្រហល់ក៏ជ្រុលឡើងចិញ្ចើមផ្លូវបុករះចូលផ្ទះគេ បណ្ដាលឱ្យផើងផ្ការបស់របរនៅមុខផ្ទះខូចខាត និងបុកលោកយាយ អាយុ៧៣ឆ្នាំ ម្នាក់ដែលកំពុងអង្គុយលេងមុខផ្ទះ ប៉ើងបោកផ្ទប់ជញ្ជាំងស្លាប់នៅនឹងកន្លែងយ៉ាងអាណោចអាធ័ម ហើយរថយន្ដបានជ្រុលទៅបុកបង្គោលភ្លើងកៀបជាប់ ជួយទប់ដំណើរ ។
គ្រោះថ្នាក់ចរាចរណ៍នេះកើតឡើងកាលពីវេលាម៉ោង៣និង៣០នាទីរសៀលថ្ងៃទី២៧ កុម្ភៈ នៅតាមបណ្ដោយផ្លូវជាតិលេខ៥ ស្ថិតក្នុងភូមិឡកំបោរ សង្កាង់ស្វាយប៉ាក ខណ្ឌឫស្សីកែវ បង្កឡើងដោយរថយន្ដហ៊ីយ៉ាន់ដាយ ពណ៌ខៀវ ពាក់ស្លាកលេខ តាកែវ2A-0996 បើកបរដោយឈ្មោះ ហែម ហុង អាយុ ៣៩ឆ្នាំ ជាជាងដែក ស្នាក់នៅផ្ទះលេខ៤១០ ផ្លូវលំ ភូមិក សង្កាត់ច្រាំងចំរេះទី១ ខណ្ឌឫស្សីកែវ។
បន្ទាប់ពីបង្កគ្រោះថ្នាក់ អ្នកបើកបរត្រូវអ្នកនៅទីនោះចាប់ខ្លួនប្រគល់ឱ្យនគរបាលរដ្ឋបាលស្វាយប៉ាក ដាក់ខ្នោះដៃជាប់ចំរឹងបង្អួច ព្រោះខ្លាចរត់ ។ សាក្សីនៅកន្លែងកើតហេតុឱ្យដឹងថា មុនពេលកើតហេតុ រថយន្ដហ៊ីយ៉ាន់ដាយធ្វើដំណើរតាមផ្លូវជាតិេលខ៥ ក្នុងទិសដៅចូលរាជធានីភ្នំពេញ ។ នៅពេលមកដល់កន្លែងកើតហេតុ ស្រាប់តែរថយន្ដរេចង្កូតមកខាងស្ដាំដៃឡើងចិញ្ចើមផ្លូវ ហើយបុករះចូលផ្ទះ និងបុកលោកយាយម្នាក់កំពុងអង្គុយនៅមុខផ្ទះប៉ើងបោកនឹងជញ្ជាំងផ្ទះបណ្ដាលឱ្យបែកក្បាល បាក់ដៃ ស្លាប់នៅនឹងកន្លែង ហើយរបស់របរផើងផ្កាជញ្ជាំងផ្ទះរងការខូចខាត ។ ខណៈនោះរថយន្ដបានជ្រុលទៅបុកបង្គោលភ្លើងថ្ម និងបង្គោលភ្លើងគោមបំភ្លឺផ្លូវក្រពឹតជាប់ទៅមុខលែងរួច ដែលសំណាងល្អបានបង្គោលភ្លើងជួយទប់ទាន់ពេល កុំអីធ្លាយចូលក្នុងផ្ទះមិនខាន ។
អ្នកបើកបរឈ្មោះ ហែម ហុង ឱ្យដឹងថា មូលហេតុដែលបណ្ដាលឱ្យកើតមានគ្រោះថ្នាក់ ដោយសារគេចរថយន្ដ១គ្រឿងក៏បានជ្រុលឡើងចិញ្ចើមផ្លូវ ។ នៅមុខពេលគ្រោះថ្នាក់រូបគាត់រួមជាមួយជាងទាំងអស់៤នាក់ធ្វើដំណើរមកពីអង់តែនក្រុមហ៊ុនមិត្ដហ្វូន នៅសាលាលេខ៥ ក្នុងខេត្ដកំពង់ឆ្នាំង គោលបំណងត្រឡប់មករាជធានីភ្នំពេញវិញ ហើយបើកពីក្រោយរថយន្ដកូរ៉េ ចំណុះ៣តោនដឹកទឹកក្រូច១គ្រឿង ។
ពេលមកដល់ចំណុចកើតហេតុ មានរថយន្ដ១គ្រឿងឈប់លើចិញ្ចើមផ្លូវ ហើយរថយន្ដនៅខាងមុខបើកវ៉ាហួសទៅ ខណៈនោះគាត់វាក់រថយន្ដកូរ៉េមួយគ្រឿងទៀតដែលបើកក្នុងទិសដៅបញ្ច្រាសគ្នា ក៏ទាញចង្កូតគេចទៅខាងស្ដាំដៃហក់ឡើងចិញ្ចើមផ្លូវតែម្ដង។ រថយន្ដរួមទាំងអ្នកបើកបរត្រូវនគរបាលនាំទៅកាន់ការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ ចាត់ការតាមនីតិវិធី ៕
ចែករំលែកព័តមាននេះ