អ្នកទទួលខុសត្រូវមូលដ្ឋានម្នាក់ និងប្រជាជនរាយការណ៍កាលពីថ្ងៃទី២៧ កុម្ភៈថា មនុស្សយ៉ាងតិច៣៧នាក់បានត្រូវស្លា.ប់ក្នុងការវាយប្រហារ៣ របស់បណ្តាសមាជិកក្រុមអ៊ិស្លាមនិយមបូកូហារ៉ាមនៅភាគឦសាននីហ្សេរីយ៉ា ។ ការវាយប្រហារទាំង៣នោះដែលមានការវាយប្រហារមួយប្រឆាំងសាលាគ្រឹស្តមួយកើតមានចាប់តាំងពីយប់ថ្ងៃទី២៦ កុម្ភៈ មកជាស្នាដៃរបស់ក្រុមសំខាន់មួយនៃចលនាបូកូ
អ្នកទទួលខុសត្រូវមូលដ្ឋានម្នាក់ និងប្រជាជនរាយការណ៍កាលពីថ្ងៃទី២៧ កុម្ភៈថា មនុស្សយ៉ាងតិច៣៧នាក់បានត្រូវស្លាប់ក្នុងការវាយប្រហារ៣ របស់បណ្តាសមាជិកក្រុមអ៊ិស្លាមនិយមបូកូហារ៉ាមនៅភាគឦសាននីហ្សេរីយ៉ា ។ ការវាយប្រហារទាំង៣នោះដែលមានការវាយប្រហារមួយប្រឆាំងសាលាគ្រឹស្តមួយកើតមានចាប់តាំងពីយប់ថ្ងៃទី២៦ កុម្ភៈ មកជាស្នាដៃរបស់ក្រុមសំខាន់មួយនៃចលនាបូកូហារ៉ាម ។ ការវាយប្រហារទាំងនេះកើតមាន២៤ម៉ោងបន្ទាប់ពីការវាយប្រហារលើកន្លែងស្នាក់នៅរបស់សិស្សនៃសាលាអនុវិទ្យាល័យមួយនៅរដ្ឋយូ៉បេ បណ្តាលឱ្យមនុស្សស្លាប់៤៣នាក់ ហើយក៏ជាស្នាដៃរបស់ពួកបូកូហារ៉ាមដែរ ។
មូលដ្ឋានស៊ូវ៉ា គៀរជីនហ្គា និងមីជីកា ជាគោលដៅនៃការវាយប្រហារលើកចុងក្រោយនេះ ។ នៅក្រុងស៊ូវ៉ា អគារជាច្រើនរងការដុតបំផ្លាញ ក្នុងនោះរួមមានសាលាអនុវិទ្យាល័យគ្រឹស្តមួយ និងមួយផ្នែកនៃសាលាមធ្យមសិក្សាមួយ ។ តុល្យការអ្នកស្លាប់នៅស៊ូវ៉ាពេលនេះឡើងដល់២៥នាក់ក្រោយការរកឃើញសាកសពមនុស្សថ្មី៨នាក់ទៀតមក ។
នៅគៀរជីនហ្គា បើតាមសម្តីប្រជាជនថា ពួកអ្នកវាយប្រហារបានស្លៀកពាក់ឯកសណ្ឋានយោធា ជាវិធីសាស្ត្រដែលក្រុមបូកូហារ៉ាមប្រើពេលវាយប្រហារកន្លងមក ។ ពួកនេះបានសម្លាប់មនុស្ស៨នាក់ក្នុងភូមិនោះ ហើយដុតផ្ទះជាច្រើនខ្នង ។ ប្រជាជនក្រុងមីជីការាយការណ៍ពីមនុស្សស្លាប់៤នាក់ ហើយនិយាយថា ប្រជាជនបាននាំគ្នារត់គេចខ្លួនទៅកាន់កូនភ្នំទាំងឡាយដែលនៅជុំវិញគេចពីពួកអ្នកវាយប្រហារដែលលើកគ្នាមកដោយជិះរថយន្ត និងម៉ូតូ ។ យោងតាមកងទ័ពថា ការប្រយុទ្ធគ្នាមានរយៈពេលជាង៤ម៉ោង ។ ធនាគារ៤ រងការបំផ្លាញ រួមទាំងហាងទំនិញប្រមាណជា១០០ ព្រមទាំងទីតាំងប៉ូលិសមួយកន្លែង បណ្តាអគាររដ្ឋ និងផ្ទះជាច្រើនសិបខ្នង៕
ចែករំលែកព័តមាននេះ