នេះជាអ្វីដែល Bill Gates ធ្វើដំបូងគេពេលរកលុយបាន៣៥០លានដុល្លារ
ពេលដែល Microsoft ចូលក្នុងទីផ្សារជាផ្លូវការនៅខែមីនា ឆ្នាំ១៩៨៦ លោក Bill Gates និង Pual Allen…
ពេលដែល Microsoft ចូលក្នុងទីផ្សារជាផ្លូវការនៅខែមីនា ឆ្នាំ១៩៨៦ លោក Bill Gates និង Pual Allen…
ពេលដែល Microsoft ចូលក្នុងទីផ្សារជាផ្លូវការនៅខែមីនា ឆ្នាំ១៩៨៦ លោក Bill Gates និង Pual Allen ដែលជាសហស្ថាបនិករបស់ក្រុមហ៊ុនបានក្លាយទៅជាមហាសេដ្ឋីទាំងពីររូប ។
បើទោះជាលោក Allen បានចាកចេញពីក្រុមហ៊ុនក្នុងរយៈពេលប៉ុន្មានឆ្នាំក្រោយ ព្រោះតែមានបញ្ហាសុខភាពពិតមែនក្តី លោក Gates ដែលពេលនោះមានអាយុ៣០ឆ្នាំ បន្តធ្វើជានាយកប្រតិបត្តិ និងបានចូលក្នុងចំណោមមហាសេដ្ឋីធំៗក្នុងសហរដ្ឋអាមេរិក ។ ពេលនោះភាគហ៊ុនដែលលោកមានក្នុងដៃមានតម្លៃដល់ទៅ៣៥០លានដុល្លារទៅហើយ ។
ដើម្បីអបអរភាពជោគជ័យរបស់ខ្លួន នាយកប្រតិបត្តិរូបនេះបានធ្វើការសម្រេចចិត្តដ៏សមហេតុសមផលមួយ គឺលោកបានសងបំណុល១៥០,០០០ ដុល្លារសម្រាប់ទិញផ្ទះរបស់លោក ។
អ្នកជំនាញហិរញ្ញវត្ថុ Kevin O’Leary និង អ្នកស្រី Suze Orman ដែលជាអ្នកជំនាញផ្នែកហិរញ្ញវត្ថុបាននិយាយថា វាជាការសម្រេចចិត្តដ៏វៃឆ្លាតមួយ ហើយអ្នកទាំងពីរជំរុញឲ្យមនុស្សគ្រប់រូបសងបំណុលដែលខ្លួនមានឲ្យបានលឿនតាមសមត្ថភាពដែលអាចធ្វើបាន ។
លោក O’Leary បានប្រាប់ថា មនុស្សមិនគួរបន្តនៅជាប់បំណុលទេ ។ ជីវិតមិននឹងនឡើយ ហើយអ្នកក៏មិនដឹងដែរ ប្រសិនបើសុខៗអ្នកបាត់បង់ការងារ ឬត្រូវចំណាយលើអ្វីមួយដែលមិនបានគ្រោងទុកមុន ។ ប៉ុន្តែមុនពេលធ្វើការសម្រេចចិត្តនេះលោកក៏បានចាយវាយលើរថយន្តទំនើបមួយដែរ គឺ Prsche 911 Supercar ប៉ុន្តែវាជារថយន្តជជុះ ។
ទ្រព្យសម្បត្តិរបស់លោក Gates បានបន្តលូតលាស់រហូតដល់កើនឡើងបាន១២.៩ ប៊ីលានដុល្លារក្នុងឆ្នាំ១៩៩៥ ដែលធ្វើឲ្យលោកក្លាយទៅជាមហាសេដ្ឋីដែលមានទ្រព្យសម្បត្តិច្រើនជាងគេលើពិភពលោក ។
បច្ចុប្បន្ននេះ លោកមានទ្រព្យសម្បត្តិសរុបប្រមាណ៩៥ប៊ីលានដុល្លារ ហើយលោកជាមហាសេដ្ឋីដែលមានទ្រព្យសម្បត្តិច្រើនជាងគេលេខពីរលើពិភពលោក ដែលនៅក្រោយលោក Jeff Bezos ដែលជាស្ថាបនិកក្រុមហ៊ុន Amazon ៕ កែសម្រួលដោយ ៖ សុឃាក់
ចែករំលែកព័តមាននេះ