កងទ័ពបេឡារុសកាលពីថ្ងៃទី២៦ កុម្ភៈ បានធ្វើការសាកល្បងប្រព័ន្ធមីស៊ីលការពារអាកាសធុន TOR-M2 ។ ក្រសួងការពារប្រទេសបេឡារុសគូសបញ្ជាក់ថា នេះជាលើកដំបូងដែលប្រព័ន្ធមីស៊ីល TOR-M2 ត្រូវបានបា.ញ់សាកល្បងនៅបេឡារុស ។ ការសាកល្បងនេះធ្វើឡើងដោយកងពលតូចការពារអាកាសលេខ១២០ សំដៅជាពិសេសសាកប្រព័ន្ធគ្រឿងសព្វាវុធដោយខ្លួនឯងផ្ទាល់ ព្រមទាំង
កងទ័ពបេឡារុសកាលពីថ្ងៃទី២៦ កុម្ភៈ បានធ្វើការសាកល្បងប្រព័ន្ធមីស៊ីលការពារអាកាសធុន TOR-M2 ។ ក្រសួងការពារប្រទេសបេឡារុសគូសបញ្ជាក់ថា នេះជាលើកដំបូងដែលប្រព័ន្ធមីស៊ីល TOR-M2 ត្រូវបានបាញ់សាកល្បងនៅបេឡារុស ។ ការសាកល្បងនេះធ្វើឡើងដោយកងពលតូចការពារអាកាសលេខ១២០ សំដៅជាពិសេសសាកប្រព័ន្ធគ្រឿងសព្វាវុធដោយខ្លួនឯងផ្ទាល់ ព្រមទាំងហាត់ប្រើបណ្តារថយន្តពិសេសដឹក និងមានជើងទម្របាញ់មីស៊ីល ។
រដ្ឋមន្ត្រីការពារប្រទេសបេឡារុស លោកអុីអ៊ូវី ហ្សាដូប៊ីន ថ្លែងថា សមយុទ្ធយោធានោះក៏សំដៅរៀបចំកងទ័ពសម្រាប់បំពេញបេសកកម្មបណ្តុះបណ្តាលនានា ព្រមទាំងបំពេញសកម្មភាពយោធាកាន់តែស្វយ័តបំផុតរបស់ខ្លួន ។ លោកហ្សាដូប៊ីន គូសបញ្ជាក់ថា គោលដៅ៤ ត្រូវរងការកម្ទេចជាមួយការបាញ់សាកមីស៊ីលនោះ៤គ្រាប់ ។ លោកបន្តថា សមយុទ្ធគឺត្រួតពិនិត្យភាពសុក្រឹត្យរបស់គ្រឿងសព្វាវុធដែលអ្នកផលិតបានផលិតជាពិសេស ព្រមទាំងពីសមត្ថភាពរបស់បុគ្គលិកគ្រប់គ្រងគ្រឿងសព្វាវុធថ្មី ។
កងពលតូចការពារអាកាសលេខ១២០ ទើបទទួលប្រព័ន្ធមីស៊ីលការពារអាកាសធុន TOR-M2 ទី៣ កាលពីខែធ្នូ ឆ្នាំ២០១៣ ។ សមយុទ្ធបាញ់សាកលើកនេះជាដំណាក់កាលចុងក្រោយនៃការដាក់ពង្រាយកងពលតូចការពារអាកាសលេខ១២០ ៕
ចែករំលែកព័តមាននេះ