យោធាបន្ទាន់ដោយចាត់ទុកថា ជាមធ្យោបាយបញ្ជាក់ថា កងទ័ពត្រៀមប្រយុទ្ធហើយបានចេញបញ្ជាឱ្យមានសមយុទ្ធយោធា៥ ចាប់ពីខែឧសភាទៅ។ ម្យ៉ាងទៀត លោកស័រហ្គេយឆយហ្គូ ថ្លែងនាថ្ងៃទី២៦ កុម្ភៈដែរថា ប្រទេសរុស្ស៊ីគ្រោងពង្រីកវត្តមានយោធារបស់ខ្លួនក្នុងតំបន់គន្លឹះទាំងឡាយនៃពិភពលោក ។ លោកថ្លែងទៅកាន់ក្រុមអ្នកកាសែតថា យើងនឹងពង្រីកវត្តមានយោធារបស់យើង ។ លោក
ប្រធានាធិបតីរុស្ស៊ីលោកវ៉្លាឌីមៀរពូទីន កាលពីថ្ងៃទី២៦ កុម្ភៈ បានចេញបញ្ជាដល់កងទ័ពឱ្យបើកធ្វើសមយុទ្ធយោធាបន្ទាន់មួយនៅតាមយោធភូមិភាគខាងលិច និងកណ្តាលប្រទេស ។យោងតាមរដ្ឋមន្ត្រីការពារប្រទេសរុស្ស៊ីលោកស័រហ្គេយឆយហ្គូ ថា សមយុទ្ធយោធាដែលចូលរួមដោយកងនាវាចរណ៍សមុទ្របាល់ទិក និងកងនាវាចរណ៍សមុទ្រខាងជើង ព្រមទាំងកងទ័ពអាកាសបានចាប់ផ្តើមហើយនាថ្ងៃទី២៦ កុម្ភៈ ចាប់ពីម៉ោង១៤ ម៉ោងនៅក្រុងមូស្គូទៅ ហើយត្រូវបញ្ចប់ដល់ថ្ងៃទី៣ មីនា ។
សមយុទ្ធយោធានោះរួមមាន ការហ្វឹកហ្វឺនក្នុងការតស៊ូប្រឆាំងភេរវកម្ម ។ លោកពូទីន កាលពីឆ្នាំ២០១៣ ធ្លាប់បញ្ជាឱ្យធ្វើសមយុទ្ធយោធាបន្ទាន់ដោយចាត់ទុកថា ជាមធ្យោបាយបញ្ជាក់ថា កងទ័ពត្រៀមប្រយុទ្ធហើយបានចេញបញ្ជាឱ្យមានសមយុទ្ធយោធា៥ ចាប់ពីខែឧសភាទៅ។ ម្យ៉ាងទៀត លោកស័រហ្គេយឆយហ្គូ ថ្លែងនាថ្ងៃទី២៦ កុម្ភៈដែរថា ប្រទេសរុស្ស៊ីគ្រោងពង្រីកវត្តមានយោធារបស់ខ្លួនក្នុងតំបន់គន្លឹះទាំងឡាយនៃពិភពលោក ។ លោកថ្លែងទៅកាន់ក្រុមអ្នកកាសែតថា យើងនឹងពង្រីកវត្តមានយោធារបស់យើង ។ លោកបញ្ជាក់ថា រុស្ស៊ីចាប់ផ្តើមចរចាជាមួយបណ្តាប្រទេសដូចជា សិង្ហបុរី នីការ៉ាហ្គា វេណេស៊ុយអេឡា និងសីសែល ហើយលទ្ធផលនានាអាចសម្រេចបាន ។
យោងតាមរដ្ឋមន្ត្រីរូបនោះថា រុស្ស៊ីស្វះស្វែងបង្កើតមូលដ្ឋានយោធាទាំងឡាយនៅជិតខ្សែបន្ទាត់អេក្វាទ័រសម្រាប់ការផ្គត់ផ្គង់ដល់កងកម្លាំងអាកាសយុទ្ធសាស្ត្ររបស់ខ្លួន ។កាលពីឆ្នាំ២០១៣ ប្រទេសរុស្ស៊ីបានដាក់ពង្រាយបណ្តាយន្តហោះប្រយុទ្ធនៅបេឡារុស ហើយគ្រោងដាក់ពង្រាយបន្ថែមទៀតនាឆ្នាំនេះ។ ប្រទេសរុស្ស៊ីក៏ពង្រឹងផងដែរនាពេលថ្មីៗនេះនូវវត្តមានយោធារបស់ខ្លួននៅតាហ្ស៊ី គីស្ថាន និងនៅគៀរហ្គីស៊ីស្ថាន ។
លោកឆយហ្គូ ក៏ថ្លែងផងដែរថា រុស្ស៊ីចាត់វិធានការនានាដើម្បីធានាសន្តិសុខរបស់បណ្តាទីតាំងយោធារបស់ខ្លួននៅឧបទ្វីបគ្រីមេប្រទេសអ៊ុយក្រែន ដែលមានទីតាំងកងនាវាចរណ៍សមុទ្រខ្មៅរបស់ខ្លួន ។រីឯសហរដ្ឋអាមេរិកវិញ កាលពីថ្ងៃទី២៦ កុម្ភៈ បានព្រមានរុស្ស៊ីប្រឆាំងរាល់អន្តរាគមន៍យោធានៅអ៊ុយក្រែន ហើយបានសន្យាផ្តល់ជំនួយឱ្យប្រទេសនោះដោះស្រាយវិបត្តិហិរញ្ញវត្ថុចំនួន១.០០០លានដុល្លារសម្រាប់ប្រាក់កម្ចីអន្តរជាតិ ។
បន្ទាប់ពីរយៈពេលប៉ុន្មានថ្ងៃចុងក្រោយនេះប្រកាន់យកភាសាស្លូតៗចំពោះក្រុងមូស្គូទាក់ទិនសំណុំរឿងអ៊ុយក្រែនមក រដ្ឋមន្ត្រីការបរទេសអាមេរិកលោកចនគ័ររី កាលពីថ្ងៃទី២៦ កុម្ភៈ បានដំឡើងសំឡេង ។ លោកថ្លែងថា ខ្ញុំជឿថា នឹងគ្មានអន្តរាគមន៍យោធាណាមួយដែលនឹងរំលោភបំពានដល់អធិបតេយ្យភាព និងបូរណភាពដែនដីអ៊ុយក្រែនឡើយ រួចអន្តរាគមន៍បែបនោះនឹងជាការយល់ច្រឡំដ៏ធ្ងន់ធ្ងរមួយ ។ មុននេះសេតវិមានបានអំពាវនាវដល់បណ្តាតួអង្គខាងក្រៅឱ្យបញ្ឈប់រាល់ការបង្កហេតុក្នុងវិបត្តិអ៊ុយក្រែន ដែលចង់និយាយសំដៅយ៉ាងច្បាស់លើរុស្ស៊ីដែលបានប្រកាសថា នឹងចាត់វិធានការយោធានានានៅក្នុងតំបន់ ៕
ចែករំលែកព័តមាននេះ