ដោយមានការព្រួយបារម្ភចំពោះវិបត្តិនយោបាយនៅប្រទេសថៃ អគ្គលេខាធិការ អ.ស.ប លោក បាន គីមូន កាលពីថ្ងៃទី២៦ កុម្ភៈ បានអំពាវនាវយ៉ាងម៉ឺងម៉ាត់ដល់ភាគីផ្សេងៗរបស់ថៃឱ្យចូលរួមក្នុងការចរចាដ៏សំខាន់ និងបើកចំហមួយឱ្យបានឆាប់រហ័សបំផុតតាមដែលអាចធ្វើបាន ។
ដោយមានការព្រួយបារម្ភចំពោះវិបត្តិនយោបាយនៅប្រទេសថៃ អគ្គលេខាធិការ អ.ស.ប លោក បាន គីមូន កាលពីថ្ងៃទី២៦ កុម្ភៈ បានអំពាវនាវយ៉ាងម៉ឺងម៉ាត់ដល់ភាគីផ្សេងៗរបស់ថៃឱ្យចូលរួមក្នុងការចរចាដ៏សំខាន់ និងបើកចំហមួយឱ្យបានឆាប់រហ័សបំផុតតាមដែលអាចធ្វើបាន ។
សេចក្តីប្រកាសមួយចេញផ្សាយដោយអ្នកនាំពាក្យរបស់អគ្គលេខាធិការ អ.ស.ប នៅក្រុងញូវយ៉កគូសបញ្ជាក់ថា លោក បាន គីមូន មានការព្រួយបារម្ភកាន់តែខ្លាំងឡើងចំពោះវិបត្តិនយោបាយនៅថៃ ។ លោកបានថ្កោលទោសដល់ការបង្កើនអំពើហិង្សានាពេលថ្មីៗនេះ ក្នុងតំបន់ផ្សេងៗរបស់ប្រទេស ។
លោក បាន គីមូន អះអាងយ៉ាងម៉ឺងម៉ាត់ថា ពុំត្រូវមានអំពើហិង្សា ទោះចេញពីក្រុមណាក៏ដោយ ដើម្បីដោះស្រាយទំនាស់ និងការប្រឆាំងគ្នាខាងនយោបាយ ។ ក្នុងសេចក្តីប្រកាសនេះលោកអំពាវនាវដល់ភាគីផ្សេងៗ នឹងដល់មនុស្សទាំងអស់ដែលទាក់ទិនឱ្យគោរពសិទ្ធិមនុស្ស និងនីតិរដ្ឋ ។
ដោយមានប្រសាសន៍ថា លោកត្រៀមជួយភាគីផ្សេងៗ ព្រមទាំងប្រជាជនថៃតាមគ្រប់វិធីដែលអាចទៅរួច លោក បាន គីមូន អំពាវនាវយ៉ាងម៉ឺងម៉ាត់ឱ្យគ្រប់ភាគីចូលរួមឱ្យបានឆាប់រហ័សបំផុតក្នុងការចរចាសំខាន់ និងបើកចំហមួយ ដើម្បីបញ្ចប់វិបត្តិ ហើយឈានឆ្ពោះទៅរកការកែទម្រង់ដោយស្របច្បាប់នានា ។ ប្រទេសថៃកំពុងតែប្រឈមមុខនឹងអំពើហិង្សានានា តាំងពីចាប់ផ្តើមចលាចលខាងនយោបាយពីដំណាច់ឆ្នាំ២០១៣មក ៕
ចែករំលែកព័តមាននេះ