ខេត្តបន្ទាយមានជ័យ ៖ សិស្សស្រីវ័យ ៧ឆ្នាំ ម្នាក់ត្រូវបានរថយន្តកាមរី ១គ្រឿង បុកស្លា.ប់ ខណៈពេលដើរឆ្លងផ្លូវក្រោយចេញពីសាលារៀនលើដងផ្លូវជាតិលេខ៥ នៅភូមិកូនដំរី សង្កាត់និមិត្ត ក្រុងប៉ោយប៉ែត កាលពីវេលាម៉ោង ១០ និង ៤០នាទី ព្រឹកថ្ងៃទី២៦ កុម្ភៈ ២០១៤។ សិស្សរងគ្រោះឈ្មោះ អូន ស្រីអូន ជាសិស្សរៀននៅសាលាបឋមសិក្សាកូនដំរី មានទីលំនៅក្នុងភូមិកើតហេតុ។
ខេត្តបន្ទាយមានជ័យ ៖ សិស្សស្រីវ័យ ៧ឆ្នាំ ម្នាក់ត្រូវបានរថយន្តកាមរី ១គ្រឿង បុកស្លាប់ ខណៈពេលដើរឆ្លងផ្លូវក្រោយចេញពីសាលារៀនលើដងផ្លូវជាតិលេខ៥ នៅភូមិកូនដំរី សង្កាត់និមិត្ត ក្រុងប៉ោយប៉ែត កាលពីវេលាម៉ោង ១០ និង ៤០នាទី ព្រឹកថ្ងៃទី២៦ កុម្ភៈ ២០១៤។ សិស្សរងគ្រោះឈ្មោះ អូន ស្រីអូន ជាសិស្សរៀននៅសាលាបឋមសិក្សាកូនដំរី មានទីលំនៅក្នុងភូមិកើតហេតុ។
រថយន្តបង្កហេតុ ម៉ាកកាមរីសេរីឆ្នាំ១៩៩៥ ពណ៌ទឹកប្រាក់ ចង្កូតស្ដាំ ពាក់ស្លាកលេខ សៀមរាប ២A.៣៦៦៧ បើកបរដោយឈ្មោះ អៀ ស៊ីនហេង ភេទប្រុស (ឈ្មោះនេះ ប៉ូលិសប្រាប់ថា ឃើញនៅក្នុងនាមបណ្ណក្នុងរថយន្ត) ជារថយន្តរត់ឈ្នួលប៉ោយប៉ែត-បាត់ដំបង និងសៀមរាប។
លោក ម៉ារិន នាយប៉ុស្តិ៍ប៉ូលិសរដ្ឋបាលនគរបាលប៉ុស្តិ៍សង្កាត់និមិត្ត បានប្រាប់ថា មុនហេតុការណ៍កើតឡើងក្មេងស្រីរងគ្រោះបានដើរមកពីទិសខាងកើតខាងស្ដាំដៃរបស់រថយន្ត ហើយរថយន្តបង្កបោះពួយមកពីទិសខាងលិច ដោយផ្ទុកមនុស្សពេញ លុះដល់ចំណុចកើតហេតុ ក៏បុកក្មេងស្រីដែលឆ្លងផ្លូវពេញទំហឹងបណ្ដាលឲ្យសិស្សរងគ្រោះរបួសធ្ងន់ ហើយបានស្លាប់ពេលបញ្ជូនទៅគ្លីនិកឯកជន។
លោកមេប៉ុស្តិ៍បន្តថា ក្រោយហេតុការណ៍កើតឡើងអ្នកបើកបររថយន្តបង្កបានគេចខ្លួនបាត់។ សពក្មេងស្រីរងគ្រោះត្រូវបានឪពុកម្ដាយទទួលយកទៅធ្វើបុណ្យតាមប្រពៃណី ឯរថយន្តបង្កប៉ូលិសនាំយកទៅរក្សាទុកនៅប៉ុស្តិ៍រដ្ឋបាលសង្កាត់និមិត្ត ដើម្បីរង់ចាំធ្វើការដោះស្រាយក្រោយវាស់វែងរួច៕
ចែករំលែកព័តមាននេះ