យោងតាមប្រភពព័ត៌មានពីគេហទំព័របរទេសចេញផ្សាយកាលពីពេលថ្មីៗនេះ បានឱ្យដឹងថា ស្រោមដៃរបស់អតីតស្តេចប្រដាល់មហាម៉ាត់អាលី លក់ដេញថ្លៃបានតម្លៃ៨៣៦.៥០០ដុល្លារអាមេរិក ។ ស្រោមដៃនេះត្រូវបានដាក់លក់ក្នុងព្រឹត្តិការណ៍លក់ដេញថ្លៃទីក្រុងញូវយ៉ក សហរដ្ឋអាមេរិក កាលពីចុងសប្តាហ៍កន្លងទៅ ។
យោងតាមប្រភពព័ត៌មានពីគេហទំព័របរទេសចេញផ្សាយកាលពីពេលថ្មីៗនេះ បានឱ្យដឹងថា ស្រោមដៃរបស់អតីតស្តេចប្រដាល់មហាម៉ាត់អាលី លក់ដេញថ្លៃបានតម្លៃ៨៣៦.៥០០ដុល្លារអាមេរិក ។ ស្រោមដៃនេះត្រូវបានដាក់លក់ក្នុងព្រឹត្តិការណ៍លក់ដេញថ្លៃទីក្រុងញូវយ៉ក សហរដ្ឋអាមេរិក កាលពីចុងសប្តាហ៍កន្លងទៅ ។
គេហទំព័រដដែលនោះបានឱ្យដឹងទៀតថា ស្រោមដៃមួយគូនេះមានអាយុកាលជាង៥០ឆ្នាំ ហើយវាគឺជាស្រោមដៃដែលធ្វើឱ្យអាជីពប្រដាល់របស់មហាមា៉ត អាលី ទទួលបានជោគជ័យយ៉ាងត្រចះត្រចង់ ។ ដោយឡែក អ្នកទិញស្រោមដៃស្តេចប្រដាល់វ័យ៧២ឆ្នាំរូបនេះ មិនត្រូវបានគេបង្ហាញឱ្យស្គាល់អត្តសញ្ញាណនោះទេ ។
គួររំលឹកដែរថា ឈ្មោះពិតរបស់មហាម៉ាត់ អាលី គឺ Cassius Clay កើតក្នុងឆ្នាំ១៩៤២នៅរដ្ឋ Kentucky សហរដ្ឋអាមេរិក ។ លោកបានប្តូរឈ្មោះពី Cassius Clay មកជាមហាម៉ាត់ អាលី ក្នុងឆ្នាំ១៩៦៤ បន្ទាប់ពីលោកផ្តួលកីឡាករទម្ងន់ធ្ងន់ Lisbton ។ មូលហតុដែលនាំឱ្យលោកប្តូរឈ្មោះ គឺដោយសារតែលោកគោរពសាសនាអីុស្លាម ។ មហាមា៉ត អាលី គឺជាអ្នកប្រដាល់ដែលកម្រជួបការបរាជ័យ ។ ប្រវត្តិ៦១ប្រកួតគឺឈ្នះ៥៦ ចាញ់៥ មិនធ្លាប់ស្មើ តែធ្លាប់ផ្តួលដៃគូឱ្យសន្លប់៣៧លើក ៕
ចែករំលែកព័តមាននេះ