ថ្មីៗនេះក្រុមហ៊ុនផលិតរថយន្តដែលមានឈ្មោះបោះសំឡេងមួយរបស់ប្រទេសអីុតាលីយីហោAlfa Romeo បានបង្អួតរថយន្តស៊េរីថ្មីរបស់ខ្លួនម៉ូដែល Giulietta និង MiTo ជាមួយនឹងការកែទម្រង់នៃរូបឆោមដ៏តូចច្រឡឹងអមដោយម៉ាស៊ីនដែលប្រើបច្ចេកវិទ្យាស៊ីសាំងតិច ដើម្បីប្រកួតប្រជែងទីផ្សាររថយន្តខ្នាតតូចនៅលើពិភពលោក ។
ថ្មីៗនេះក្រុមហ៊ុនផលិតរថយន្តដែលមានឈ្មោះបោះសំឡេងមួយរបស់ប្រទេសអីុតាលីយីហោAlfa Romeo បានបង្អួតរថយន្តស៊េរីថ្មីរបស់ខ្លួនម៉ូដែល Giulietta និង MiTo ជាមួយនឹងការកែទម្រង់នៃរូបឆោមដ៏តូចច្រឡឹងអមដោយម៉ាស៊ីនដែលប្រើបច្ចេកវិទ្យាស៊ីសាំងតិច ដើម្បីប្រកួតប្រជែងទីផ្សាររថយន្តខ្នាតតូចនៅលើពិភពលោក ។
រថយន្តទាំងពីរមូ៉ដែលទើបនឹងចេញថ្មីខាងលើនេះនៅតែមានភាពទាក់ទាញដដែលជាមួយនឹងរូបរាងនៃផ្នែកខាងក្រៅដ៏ស្រស់សង្ហារបស់វា ដែលរំលេចចេញនូវស្ទីលម៉ូដកាន់តែជក់ចិត្ត ដោយចាប់ផ្តើមពីការរចនាម៉ូដផ្នែកខាងមុខ ដែលស័ក្តិសមទៅនឹងតួគ្រោងជាប្រពៃ ណី របស់យីហោនេះ ។ ក្រៅពីការរចនាម៉ូដ Giulietta និង MiTo មានបំពាក់នូវបច្ចេកវិទ្យាការពារសុវត្ថិភាពស្របតាមលក្ខណៈស្តង់ដាដែលរក្សាបានកម្រិតពិន្ទុអតិបរមាលើការធ្វើេតស្តសុវត្ថិភាពអសកម្ម និងសកម្ម ។ បន្ថែមលើនេះរថយន្តទាំងពីរមានប្រើប្រាស់ប្រព័ន្ធគ្រប់គ្រងលំនឹងរថយន្តក្នុងស្ថានភាពល្បឿនលឿនខណៈពេលនៃការជាន់ហ្វ្រាំងរថយន្តដែលមានប្រសិទ្ធភាពទប់ទល់នឹងកម្លាំងទំនាញដែលជាហេតុមិនបណ្តាលឱ្យរថយន្តក្រឡាប់ដោយងាយបានឡើយ ។
សរុបមក Alfa Romeo Giulietta និង MiTo ស៊េរីថ្មីឆ្នាំ២០១៤ គឺជារថយន្តដែលមានលក្ខណៈសុវត្ថិភាពបំផុតនៅក្នុងសែស្រឡាយរបស់ខ្លួននិងនៅក្នុងវិស័យរថយន្តទាំងមូល ។
លក្ខណៈពិសេស ម៉ូដែល Giulieta
-ម៉ាស៊ីន ៈ ម៉ាសូ៊តទំហំ២លីត្រ ប្រភេទ Turbodiesel JDIM
-កម្លាំងថាមពល ៈ ១៥០សេះ
-អត្រារមួល ៈ ៣៥០ញូវតុនម៉ែត្រ
-កម្លាំងសន្ទុះ ៈ ពី០-១០០គីឡូម៉ែត្រក្នុងមួយម៉ោងក្នុងរយៈពេល៧,៨វិនាទី
-ល្បឿនអតិបរមា ៈ ២១៩ គីឡូម៉ែត្រក្នុងមួយម៉ោង
-អត្រាស៊ីប្រេងឥន្ធនៈ ៈ ៤,៤លីត្រក្នុងរយៈចម្ងាយ១០០គីឡូម៉ែត្រ
-អត្រាបញ្ចេញឧស្ម័នកាបូនិច ៈ ១១៦ក្រាមក្នុងរយៈពេល១គីឡូម៉ែត្រ
ម៉ូដែលMiTo
-ម៉ាស៊ីន ៈ ប្រភេទ Turbo MultiAir ទំហំ១,៤លីត្រ ប្រើប្រអប់លេខអំប្រាយ៉ាភ្លោះ
-កម្លាំងថាមពល ៈ ១០៥សេះ
-កម្លាំងរមួល ៈ ១៤៥ ញូវតុនម៉ែត្រ ក្នុងអត្រាសន្ទុះ២.០០០ជុំក្នុងមួយនាទី
-ថាមពលអគ្គិសនី ៈ ៧២គីឡូវ៉ាត់
-អត្រាសន្ទុះ ៈ ១០០គីឡូម៉ែត្រក្នុងមួយម៉ោងក្នុងរយៈពេល៨,១វិនាទី
-ល្បឿនអតិបរមា ៈ ២០៩ គីឡូម៉ែត្រក្នុងមួយម៉ោង
-អត្រាស៊ីសាំង ៈ ៥,៤លីត្រក្នុងរយៈចម្ងាយ១០០គីឡូម៉ែត្រ
-អត្រាបញ្ចេញឧស្ម័នកាបូនិច ៈ ១២៤ក្រាមក្នុងរយៈពេល១គីឡូម៉ែត្រ
តម្លៃលក់ ២៨.៩៨២ដុល្លារអាមេរិក ។
សម្គាល់ លក្ខណៈសុវត្ថិភាពអសកម្មមានពោងខ្យល់ រីឯប្រព័ន្ធហ្វ្រាំងABS…៕
ចែករំលែកព័តមាននេះ