យោងតាមឯកសារនានាដែលរ៉យទ័រ អាចទទួលបានថា ប្រទេសអុីរ៉ង់បានចុះហត្ថលេខាលើកិច្ចព្រមព្រៀងមួយដើម្បីលក់អាវុធ និងគ្រាប់រំសេវឱ្យដល់រដ្ឋាភិបាលអុីរ៉ាក់ ដែលកំពុងតែប្រឈមមុខតតាំងជាមួយបណ្តាក្រុមប្រដាប់អាវុធស៊ុននីត ។ កិច្ចព្រមព្រៀងនោះមានទឹកប្រាក់ប្រមាណជា១៩៥លានដុល្លារ ជាការរំលោ.ភបំពានលើការហ៊ុមព័ទ្ធសម្រេចដោយអ.ស.ប ប្រឆាំងក្រុងតេហេរ៉ង់។
យោងតាមឯកសារនានាដែលរ៉យទ័រ អាចទទួលបានថា ប្រទេសអុីរ៉ង់បានចុះហត្ថលេខាលើកិច្ចព្រមព្រៀងមួយដើម្បីលក់អាវុធ និងគ្រាប់រំសេវឱ្យដល់រដ្ឋាភិបាលអុីរ៉ាក់ ដែលកំពុងតែប្រឈមមុខតតាំងជាមួយបណ្តាក្រុមប្រដាប់អាវុធស៊ុននីត ។ កិច្ចព្រមព្រៀងនោះមានទឹកប្រាក់ប្រមាណជា១៩៥លានដុល្លារ ជាការរំលោភបំពានលើការហ៊ុមព័ទ្ធសម្រេចដោយអ.ស.ប ប្រឆាំងក្រុងតេហេរ៉ង់។
ប្រទេសទាំង២សម្រេចបានកិច្ចព្រមព្រៀងនោះ កាលពីដំណាច់ខែវិច្ឆិកា ប៉ុន្មានសប្តាហ៍ក្រោយទស្សនកិច្ចរបស់នាយករដ្ឋមន្ត្រីអុីរ៉ាក់ លោក នូរី អាល់ម៉ាលីគី នៅសហរដ្ឋអាមេរិក ដែលនៅទីនោះលោកទាមទារអាវុធថែមទៀត ដើម្បីតស៊ូប្រឆាំងបណ្តាក្រុមមានទំនាក់ទំនងជាមួយអាល់កៃដា ។
យោងតាមសមាជិកសភាអុីរ៉ាក់ជាច្រើនរូបថា លោក នូរី អាល់ម៉ាលីគី ទីបំផុតបានងាកទៅ រកអុីរ៉ង់ មកពីការរារែករបស់ក្រុងវ៉ាសុីនតោន ។អ្នកនាំពាក្យម្នាក់របស់ប្រមុខរដ្ឋាភិបាលអុីរ៉ាក់បានបដិសេធមិនបញ្ជាក់ ឬក៏បដិសេធព័ត៌មាននោះ ក៏ប៉ុន្តែបានពន្យល់ថា ការសម្របសម្រួលគ្នាបែបនេះអាចជាការយោគយល់គ្នា ព្រោះគិតទៅដល់សភាពការណ៍ក្នុងប្រទេស ។
អ្នកនាំពាក្យរូបនេះ លោក អាលី បូសាហ្វី ថ្លែងថា យើងធ្វើសង្គ្រាមមួយប្រឆាំងភេរវកម្ម ហើយយើងចង់ឈ្នះសង្គ្រាមនោះ ។ គ្មានអ្វីត្រូវរារាំងយើងក្នុងការទិញអាវុធ និងគ្រាប់រំសេវពីប្រទេសណាមួយឡើយ ។ចំណែកក្រុងតេហេរ៉ង់វិញ បានបដិសេធរាល់កិច្ចព្រមព្រៀងប្រភេទនោះ ដែលអាចមានជាលើកដំបូងរវាងអីុរ៉ង់ និងអីុរា៉ក់ ជាប្រទេស២មានពួកសីុអីុតភាគច្រើនដូចគ្នា ។
អ្នកទទួលខុសត្រូវជាន់ខ្ពស់អាមេរិកម្នាក់ ដែលរ៉យទ័រសាកសួរពីរឿងនេះនិយាយថា កិច្ចព្រមព្រៀងមួយស្តីពីការលក់អាវុធ នឹងអាចធ្វើឱ្យស្មុគស្មាញដល់ការចរចាដែលកំពុងធ្វើដើម្បីសម្រាលទណ្ឌកម្មប្រឆាំងក្រុងតេហេរ៉ង់ ជាថ្នូរនឹងដំណោះស្រាយបញ្ហាកម្មវិធីនុយក្លេអែ៊រអីុរ៉ង់ ។
អ្នកទទួលខុសត្រូវអាមេរិករូបនេះនិយាយថា បើរឿងនោះជាការពិតវានឹងជាការព្រួយបារម្ភយា៉ងខ្លាំង ព្រោះរាល់ការនាំចេញអាវុធរបស់អីុរ៉ង់ទៅកាន់ប្រទេសទី៣មួយ គឺជាការរំលោភបំពានដោយផ្ទាល់ លើកាតព្វកិច្ចរបស់អីុរ៉ង់ចំពោះដំណោះស្រាយ១៧៤៧របស់ក្រុមប្រឹក្សាសន្តិសុខ អ.ស.ប ៕
ចែករំលែកព័តមាននេះ