រាជធានីភ្នំពេញ ៖ បុរសម្នាក់ស្រវឹងស្រាបើករថយន្តបុកកៀរពីក្រោយម៉ូតូស្ត្រីម្នាក់មានផ្ទៃពោះ៣ខែបណ្តាលឱ្យដួលហើយបែរជានិយាយថា បុកប៉ុណ្ណឹងសងរាប់រយដុល្លារដែរ ដឹងអញ្ចឹងបុកឱ្យស្លា.ប់តែម្តង។ ហេតុការណ៍នេះបានកើតឡើងកាលពីវេលាម៉ោង៨ និង៤០នាទីយប់ ថ្ងៃទី២៤ កុម្ភៈ ២០១៤ នៅចំណុចផ្លូវលេខ២៧១កែង៤៣២ សង្កាត់ទួលទំពូងទី២ ខណ្ឌចំការមន។
រាជធានីភ្នំពេញ ៖ បុរសម្នាក់ស្រវឹងស្រាបើករថយន្តបុកកៀរពីក្រោយម៉ូតូស្ត្រីម្នាក់មានផ្ទៃពោះ៣ខែបណ្តាលឱ្យដួលហើយបែរជានិយាយថា បុកប៉ុណ្ណឹងសងរាប់រយដុល្លារដែរ ដឹងអញ្ចឹងបុកឱ្យស្លាប់តែម្តង។ ហេតុការណ៍នេះបានកើតឡើងកាលពីវេលាម៉ោង៨ និង៤០នាទីយប់ ថ្ងៃទី២៤ កុម្ភៈ ២០១៤ នៅចំណុចផ្លូវលេខ២៧១កែង៤៣២ សង្កាត់ទួលទំពូងទី២ ខណ្ឌចំការមន។
ប្រភពព័ត៌មានបានឱ្យដឹងថា រថយន្តបង្កម៉ាកម៉ុងតេរ៉ូល ពណ៌ស ពាក់ស្លាកលេខភ្នំពេញ២B៥៣៣៨ ធ្វើដំណើរតាមផ្លូវលេខ៤៣២ក្នុងទិសដៅពីកើតទៅលិចបើកដោយបុរសម្នាក់ក្នុងស្ថានភាពស្រវឹងបានជ្រុលចង្កូតទៅកៀរបុកពីក្រោយម៉ូតូហ្វីណូ ពណ៌ឈាមជ្រូកលាយស ពាក់ស្លាកលេខភ្នំពេញ១AY៧២៦២ ជិះដោយស្ត្រី៣នាក់ ក្នុងនោះស្ត្រីម្នាក់មានផ្ទៃពោះ៣ខែបណ្តាលឱ្យដួលរងរបួសស្រាល ត្រូវសាច់ញាតិដឹកទៅមន្ទីរពេទ្យដើម្បីពិនិត្យផ្ទៃពោះខ្លាចក្រែងប៉ះពាល់ដល់ទារកក្នុងផ្ទៃ។
បន្ទាប់ពីសាច់ញាតិដឹកស្ត្រីមានផ្ទៃពោះទៅមន្ទីរពេទ្យបាត់ ស្រាប់តែអ្នកបើកបររថយន្តមានធុំក្លិនស្រាបានចុះពីរថយន្តមកអះអាងថា រូបគេមិនបានស្រវឹងស្រាទេ និងបានប្រើពាក្យសម្តីមិនសមរម្យថា គ្រាន់តែបុកប៉ុណ្ណឹងសងរាយរយដុល្លារដែរ ដឹងអញ្ចឹងបុកឱ្យស្លាប់តែម្តង។
ក្រោយពីនិយាយឡូឡារួចសមត្ថកិច្ចបានមកដល់ធ្វើការវាស់វែង និងឃាត់ខ្លួនទាំងរថយន្ត និងអ្នកបើកបរបញ្ជូនទៅអធិការដ្ឋានខណ្ឌចំការមនដើម្បីដោះស្រាយ៕
ចែករំលែកព័តមាននេះ