ប្រពន្ធ​​​​និង​កូន​ៗ​ឮ​ដូច្នេះ​នាំ​គ្នា​ដើរទៅ​មើល ពុទ្ធោ​! ឃើញ​ម៉ូតូ និង​អាវ​ប្រឡាក់​ឈាម ចុះ​​មនុស្ស​…


ខេត្តឧត្តរមានជ័យ ៖ បើ​តាម​សេចក្តីរាយការណ៍​បឋម​បានឱ្យ​ដឹង​ថា បុរស​ម្នាក់​បាន​បាត់​ខ្លួន​ពី​ផ្ទះ​អស់​រយៈ​ពេល​៣​ថ្ងៃ​មក​ហើយ ដោយ​ប្រពន្ធ​និង​កូន​កូន​ៗ រួម​ទាំង​សាច់ញាតិ​ខំ​ដើរ​រក តែ​មិនឃើញ​នោះ​ទេ ស្រាប់តែ​ត្រូវ​ប្រជាពលរដ្ឋ​ប្រទះ​ឃើញ​តែ​ម៉ូតូ​ជន​រង​គ្រោះ ដោយ​មាន​ជាប់​ទាំង​អាវ​ប្រឡាក់​ឈាម​ទៀត បង្ករ​ឱ្យ​ការ​ភ្ញាក់ផ្អើល​កាលពី​ព្រឹក​ថ្ងៃ​ទី​១៥ ខែសីហា ឆ្នាំ​២០១៩ នៅ​ចំណុច​ក្បែរ​គល់​ស្ពាន​អូរ​ជីក តាម​បណ្តោយ​​ផ្លូវ​ជាតិ​លេខ​៦៧B ស្ថិត​ក្នុងភូមិ​អូរ​ជញ្ជៀន ឃុំ​អន្លង់​វែង ស្រុក​អន្លង់​វែង​។

សេចក្តីរាយការណ៍​បន្ត​ថា ជន​រង​គ្រោះ​ដែល​បាត់​ពី​ផ្ទះ​ខាងលើ​ឈ្មោះ ផាត់ ហាត់ ភេទ​ប្រុស អាយុ​៦៨​ឆ្នាំ ជិះ​ម៉ូតូ​ម៉ាក C125 ស៊េរី​២០១៥ ពាក់​ស្លាក​លេខ ឧត្តរមានជ័យ 1B. 28950 រស់នៅ​ភូមិ​-​ឃុំ​កើត​ហេតុ​ខាងលើ​។

យោង​តាម​ការ​អះអាង​ពី​ស្ត្រី​ម្នាក់​ឈ្មោះ យេ​ង សំអាង អាយុ​៤២​ឆ្នាំ មុខរបរ​កសិករ ត្រូវជា​កូនប្រសា​របស់​ជន​រង​គ្រោះ​ដែល​បាត់​ខ្លួន​ពី​ផ្ទះ​បានឱ្យ​ដឹង​ថា ឪពុកក្មេក​របស់​ខ្លួន​បាន​ជិះ​ម៉ូតូ​ម៉ាក C125 ចេញពីផ្ទះ​កា​ល​ពី​ម៉ោង​១២​ថ្ងៃត្រង់ ថ្ងៃ​ទី​១៣ សីហា ដោយ​ត្រូវ​បាន​អ្នក​ស្គាល់គ្នា​ហៅ​ឱ្យ​ឌុ​ប​គេ ហើយ​មិនដឹង​ថា​ទៅ​ទីណា​នោះ​ទេ ។ ក្រោយ​ពី​ជន​រង​គ្រោះ​បាត់​ខ្លួន ប្រពន្ធ កូន​ៗ និង​សាច់ញាតិ​ជន​រង​គ្រោះ​បាន​នាំ​គ្នា​ជួយ​ដើរ​រុករក​តាំងពី​ថ្ងៃ​បាត់​ដំបូង​ម្ល៉េះ ប៉ុន្តែ​រក​មិនឃើញ​ឡើយ​។

ស្ត្រី​ដដែល​បញ្ជាក់​ថា លុះ​នៅ​ព្រឹក​ថ្ងៃ​ទី​១៥ សីហា​នេះ អ្នក​ភូមិ​ក៏​ប្រទះ​ឃើញ​ម៉ូតូ​មួយ​គ្រឿង និង​អាវ​មួយ​ប្រឡាក់​ទៅ​ដោយ​ឈាម​ជោក ដែល​ស្ថិត​នៅ​ចំណុច​ក្បែរ​ផ្លូវជាតិ​លេខ​៦៧B ក្នុងភូមិ​-​ឃុំ​កើតហេតុ ខណៈ​នោះ​ប្រពន្ធ និង​កូន​ៗ​បានឮ​ដូច្នេះ ក៏​នាំ​គ្នា​ដើរទៅ​មើល បានឃើញ និង​ស្គាល់​ច្បាស់​ជា​ម៉ូតូ​របស់​ជន​រង​គ្រោះ ដោយឡែក​សាកសព​ពុំ​បាន​រក​ឃើញ​នោះ​ទេ​។

ក្រោយ​ពេល​កើតហេតុ សមត្ថកិច្ច​បាន​យក​ម៉ូតូ​នោះ​ទៅ​រក្សា​ទុក​នៅ​កន្លែង​អធិការ​ស្រុក​។

ទាក់ទិន​នឹង​ករណី​ខាងលើ​នេះ សមត្ថកិច្ច​ស្រុក​អន្លង់​វែង បានឱ្យ​ដឹង​នៅ​រសៀល​ក្នុង​ថ្ងៃ​ដដែល​ថា ហេតុ​ការណ៍​នេះ សមត្ថកិច្ច​នៅ​មិន​ទាន់​ស្គាល់​ពី​អត្តសញ្ញាណ​ជនសង្ស័យ​នៅឡើយ​ទេ តែ​ទោះជា​បែប​ណា​នោះ សមត្ថកិច្ច​កំពុង​តែ​ដុតដៃដុតជើង​វែក​រកមុខ​សញ្ញា ដើម្បី​យក​មក​ផ្តន្ទាទោស​ជាក់​ជា​មិន​ខាន នា​ពេល​ដ៏​ខ្លី​ខាង​មុខ​នេះ​។ (​កែសម្រួល​ដោយ ៖ បុប្ផា​)

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ