ក្នុងសេចក្តីប្រកាសមួយផ្នែកទំនាក់ទំនងសាធារណៈរបស់កងទ័ពប៉ាគីស្ថានគូសបញ្ជាក់ថា បណ្តាយន្តហោះចម្បាំងរបស់កងទ័ពប៉ាគីស្ថានបានសម្លា.ប់ពួកសកម្មប្រយុទ្ធ៣៨នាក់ និងធ្វើឱ្យរបួសជាច្រើននាក់ទៀតក្នុងការវាយប្រហារតាមអាកាសមួយចំនួននៅជ្រលងភ្នំទីរាហ៍ តំបន់ KHYBER ជាតំបន់របស់ពួកឧទ្ទាមមួយស្ថិតនៅជាប់ព្រំដែនជាមួយអាហ្វហ្គានីស្ថាន ។សេចក្តីប្រកាសនេះបន្ត
ក្នុងសេចក្តីប្រកាសមួយផ្នែកទំនាក់ទំនងសាធារណៈរបស់កងទ័ពប៉ាគីស្ថានគូសបញ្ជាក់ថា បណ្តាយន្តហោះចម្បាំងរបស់កងទ័ពប៉ាគីស្ថានបានសម្លាប់ពួកសកម្មប្រយុទ្ធ៣៨នាក់ និងធ្វើឱ្យរបួសជាច្រើននាក់ទៀតក្នុងការវាយប្រហារតាមអាកាសមួយចំនួននៅជ្រលងភ្នំទីរាហ៍ តំបន់ KHYBER ជាតំបន់របស់ពួកឧទ្ទាមមួយស្ថិតនៅជាប់ព្រំដែនជាមួយអាហ្វហ្គានីស្ថាន ។សេចក្តីប្រកាសនេះបន្តថា មេបញ្ជាការសំខាន់ៗរបស់ក្រុមឧទ្ទាមនានា ក៏ត្រូវស្លាប់ក្នុងការវាយប្រហារតាមអាកាសកាលពីថ្ងៃទី២៣ កុម្ភៈ នោះលើមូលដ្ឋានផ្សេងៗនៃតំបន់នោះដែរ។
ក្នុងសេចក្តីរាយការណ៍មួយ ទូរទស្សន៍ក្នុងស្រុក PAKISTAN TELEVISION គូសបញ្ជាក់ថា ក្នុងការវាយប្រហារតាមអាកាសទាំងនេះ កងទ័ពបានកម្ទេចផងដែរនូវរោងចក្រផលិតគ្រាប់បែកមួយរបស់ពួកឧទ្ទាម ។ សម្ភារជាគ្រឿងផ្ទុះយ៉ាងច្រើនក្នុងរោងចក្រត្រូវភ្លើងឆេះបំផ្លាញ ហើយរោងចក្រនោះក្លាយទៅជាផេះផង់។
នេះជាការវាយប្រហារតាមអាកាសដ៏សំខាន់លើកទី៣ ហើយក្នុងបណ្តាតំបន់ពួកឧទ្ទាមរយៈពេល៥ថ្ងៃចុងក្រោយនេះ ។
មុននេះកាលពីថ្ងៃទី២២ កុម្ភៈ ពួកឧទ្ទាម៩នាក់បានត្រូវស្លាប់ក្នុងការវាយប្រហារតាមអាកាសរបស់កងទ័ពប៉ាគីស្ថាននៅតំបន់ជុំវិញទីក្រុងហានហ្គូ ។ ក្នុងការវាយប្រហារដូចគ្នានេះដែរ កាលពីថ្ងៃទី១៩ កុម្ភៈ នៅវ៉ាហ្ស៊ីរីស្ថានខាងជើង និងនៅតំបន់កុលសម្ព័ន្ធ KHYBER បណ្តាលឱ្យពួកសកម្មប្រយុទ្ធស្លាប់ជាង៤០នាក់។
កងទ័ពប៉ាគីស្ថានបានបើកធ្វើការវាយប្រហារលើពួកសកម្មប្រយុទ្ធនៅតំបន់កុលសម្ព័ន្ធភាគពាយ័ព្យប្រទេស ក្រោយការសម្រេចចិត្តរបស់នាយករដ្ឋមន្ត្រីលោកណាវ៉ាសសារីហ្វ ឱ្យធ្វើការវាយប្រហារតាមអាកាស បន្ទាប់ពីការពិគ្រោះយោបល់ជាមួយបណ្តាមេដឹកនាំកងទ័ព ហើយជាការសងសឹកចំពោះការសម្លាប់ទាហានជាច្រើននាក់ ដែលពួកតាលីបង់ចាប់ជាចំណាប់ខ្មាំង ៕
ចែករំលែកព័តមាននេះ