អ្នកប្រហែលជាធ្លាប់ឮមនុស្សជាច្រើននិយាយហើយថា ការមានបរិញ្ញាប័ត្រសិក្សា ឬការបន្តការសិក្សាថ្នាក់ខ្ពស់មិនធានាថា អ្នកអាចរកបានការងារដែលមានប្រាក់ខែខ្ពស់ឡើយ ប៉ុន្តែអ្នកក៏គួរចង់ចាំថា ការឆ្លងកាត់ការសិក្សាថ្នាក់ខ្ពស់ក៏ផ្តល់ឱកាស និងជម្រើសឲ្យអ្នកច្រើនជាងអ្នកដែលមិនបានឆ្លងកាត់ដែរ ។ យ៉ាងណាក្តីគ្រាន់តែឆ្លងកាត់សាកលវិទ្យាល័យមិនជួយធានាថា អ្នកអាចរកបានការងារប្រាក់ខែខ្ពស់ទេ…
អ្នកប្រហែលជាធ្លាប់ឮមនុស្សជាច្រើននិយាយហើយថា ការមានបរិញ្ញាប័ត្រសិក្សា ឬការបន្តការសិក្សាថ្នាក់ខ្ពស់មិនធានាថា អ្នកអាចរកបានការងារដែលមានប្រាក់ខែខ្ពស់ឡើយ ប៉ុន្តែអ្នកក៏គួរចង់ចាំថា ការឆ្លងកាត់ការសិក្សាថ្នាក់ខ្ពស់ក៏ផ្តល់ឱកាស និងជម្រើសឲ្យអ្នកច្រើនជាងអ្នកដែលមិនបានឆ្លងកាត់ដែរ ។
យ៉ាងណាក្តីគ្រាន់តែឆ្លងកាត់សាកលវិទ្យាល័យមិនជួយធានាថា អ្នកអាចរកបានការងារប្រាក់ខែខ្ពស់ទេ ព្រោះវាអាស្រ័យលើកត្តាជាច្រើន ។ ដូច្នេះដើម្បីកុំឲ្យខ្ជះខ្ជាយថវិកា និងកម្លាំង និស្សិតគួរតែអនុវត្តជំហានខាងក្រោមដែលអាចផ្តល់ឱកាសឲ្យពួកគេកាន់តែច្រើនពេលដែលបញ្ចប់ការសិក្សា និងចូលក្នុងទីផ្សារការងារ ។
១. ទាក់ទងទីប្រឹក្សាការងារក្នុងសាកលវិទ្យាល័យ ៖ មិនមានសាកលវិទ្យាល័យណាមួយដែលចង់ឲ្យនិស្សិតខ្លួនបញ្ចប់ការសិក្សា និងធ្វើការងារដែលមិនល្អទេ ។ សាកលវិទ្យាល័យឯកជនមួយចំនួនមានទីប្រឹក្សាប្រចាំសាកលវិទ្យាល័យដែលផ្តល់មតិយោបល់ជំនាញក្នុងការណែនាំនិស្សិត ដើម្បីឲ្យពួកគេអាចដើរតាមផ្លូវដែលត្រូវ និងមានប្រសិទ្ធិភាពជាងអ្នកដទៃ ។ ពួកគេអាចរៀបចំផែនការ ឬជំរុញទឹកចិត្តនិស្សិត ព្រមទាំងតម្រង់ទិសដៅនិស្សិតឲ្យដើរទៅមុខបានច្បាស់លាស់ជាដើម ។ ដូច្នេះប្រសិន បើសាកលវិទ្យាល័យរបស់អ្នកមានសេវាកម្មនេះ អ្នកគួរតែចាប់យកឱកាសនិងទាក់ទងទៅអ្នកជំនាញទាំងនេះ ។
២. ជ្រើសរើសជំនាញឲ្យបានឆ្លាតវៃ ៖ អ្នកប្រហែលជាឮដំបូន្មាននេះជាច្រើនលើកច្រើនសារមកហើយ ប៉ុន្តែវាក៏ជាដំបូន្មានដែលត្រឹមត្រូវមួយដែរ ។ ប្រសិនបើអ្នកចង់មានការងារល្អ និងប្រាក់ខែច្រើន អ្នកគួរតែជ្រើសរើសជំនាញដែលមានតម្រូវការទីផ្សារខ្ពស់ ។ ប្រទេសកម្ពុជាជាប្រទេសកំពុងតែអភិវឌ្ឍន៍ និងកំពុងត្រូវការធនធានមនុស្សជាច្រើន ។ ដូច្នេះអ្នកត្រូវដឹងថា តើប្រទេសយើងកំពុងតែត្រូវការមនុស្សមានជំនាញអ្វីច្រើនជាងគេ ។ ប្រាកដណាស់ ព្រោះតែការធ្វើបដិវដ្តន៍សេដ្ឋកិច្ច 4.0 ស្ថាប័នអប់រំជាច្រើនបានលើកតម្កើងឲ្យនិស្សិតជ្រើសរើសជំនាញដែលទាក់ទិននឹង STEM តែវិស័យផ្សេងៗក៏មានតម្រូវការខ្ពស់ដែរ ។
៣. ធ្វើការងារដកបទពិសោធន៍ ៖ និស្សិតតែងតែសប្បាយរីករាយរាល់ពេលវិស្សមកាលព្រោះវាជាពេលលំហែកាយ បន្ទាប់ពីការសិក្សានឿយហត់អស់ពីរត្រីមាសមក ។ ប៉ុន្តែវាក៏ជាឱកាសមួយដែលនិស្សិតគួរតែយកទៅដកបទពិសោធន៍ និងស្គាល់មនុស្សក្នុងវិស័យកាន់តែច្រើនដែរ ។
ទីផ្សារការងារបច្ចុប្បន្ននេះ មានឱកាសច្រើនណាស់សម្រាប់សិស្សនិស្សិត ដូច្នេះអ្នកមិនគួរគិតថា អ្នកមិនមានសមត្ថភាព ឬបទពិសោធន៍គ្រប់គ្រាន់ ដើម្បីធ្វើការទាំងនោះទេ ។ ប្រសិនបើអ្នកមានការងារហើយអ្នកក៏ត្រូវចេះបង្កើតទំនាក់ទំនងល្អជាមនុស្សក្នុងស្ថាប័នដែរ ព្រោះវាអាចបង្កើនឱកាសដែលអ្នកទទួលបានការងារច្បាស់លាស់មួយនៅថ្ងៃអនាគត ៕ កែសម្រួលដោយ ៖ សុឃាក់
ចែករំលែកព័តមាននេះ