សមាគមព្រៃឈើ និងផលិតផលរុក្ខាប្រមាញ់វៀតណាម(Viforest)បាននិយាយកាលពីថ្ងៃសុក្រថា ប្រទេសវៀតណាម រំពឹងថានឹងរកចំណូលបាន៦,២ពាន់លានដុល្លារអាមេរិកពីការនាំចេញឈើ និងផលិតផលដែលពាក់ព័ន្ធនៅក្នុងឆ្នាំ២០១៤នេះ ពោលគឺកើនឡើង៩%បើធៀបនឹងរយៈពេលដូចគ្នាកាលពីឆ្នាំ ។
សមាគមព្រៃឈើ និងផលិតផលរុក្ខាប្រមាញ់វៀតណាម(Viforest)បាននិយាយកាលពីថ្ងៃសុក្រថា ប្រទេសវៀតណាម រំពឹងថានឹងរកចំណូលបាន៦,២ពាន់លានដុល្លារអាមេរិកពីការនាំចេញឈើ និងផលិតផលដែលពាក់ព័ន្ធនៅក្នុងឆ្នាំ២០១៤នេះ ពោលគឺកើនឡើង៩%បើធៀបនឹងរយៈពេលដូចគ្នាកាលពីឆ្នាំ ។
លោក Nguyen Ton Quyen អគ្គលេខាធិការសមាគមខាងលើបាននិយាយនៅក្នុងបទសម្ភាសន៍ជាមួយរដ្ឋាភិបាលកាលពីថ្ងៃសុក្រថា ទស្សនវិស័យនៃវិស័យព្រៃឈើនៅក្នុងឆ្នាំ២០១៤ កំពុងត្រូវបានកំណត់គោលដៅ នៅគ្រាដែលក្រុមហ៊ុននាំចេញឈើវៀតណាមបានចុះកិច្ចព្រមព្រៀងដែលមានតម្លៃជាង៣ពាន់លានដុល្លារចាប់តាំងពីដើមឆ្នាំនេះ ។
លោកបន្ថែមថា ឆ្នាំ២០១៣ត្រូវបានមើលឃើញថា ជាឆ្នាំជោគជ័យនៃការនាំចេញឈើរបស់វៀតណាម ចំពេលដែលពិភពលោកមាននិន្នាការធ្លាក់ចុះវិស័យកសិកម្ម ។ លោកថា កាលពីឆ្នាំ២០១៣ ចំណូលបានពីការនំាចេញឈើមានចំនួន៥,៣៧ពាន់លានដុល្លារ ។ ចំណូលនាំចេញអាចឈានដល់ជិត៦ពាន់លានដុល្លារ ប្រសិនបើគេរាប់បញ្ចូលសិប្បកម្មផ្តៅ និងឫស្សី ។
ទីផ្សារនាំចេញឈើធំបំផុតរបស់វៀតណាមកាលពីឆ្នាំ២០១៣ គឺអាមេរិក អឺរ៉ុប និងជប៉ុនជាដើម ។ យ៉ាងណាក៏ដោយប្រទេសចិនគឺជាទីផ្សារឈើរបស់វៀតណាមដែលមានកំណើនឆាប់រហ័សកាលពីឆ្នាំ២០១៣ដែរ ដែលមានកំណើន៣៥,២៣%បើធៀបនឹងរយៈពេលដូចគ្នាកាលពីឆ្នាំមុន រហូតធ្វើឲ្យទីផ្សារនាំចេញឈើនៅក្នុងទីផ្សារមួយនេះឈានដល់១ពាន់លានដុល្លារ ។
បើទោះបីជាទស្សនវិស័យនាំចេញឈើរបស់វៀតណាម នៅក្នុងឆ្នាំ២០១៤ នេះនៅតែភ្លឺច្បាស់ក៏ដោយ ក៏វិស័យកែច្នៃឈើរបស់វៀតណាម កំពុងប្រឈមមុខនឹងបញ្ហាជាច្រើន ដូចជា អត្រាប្រាក់ចំណេញទាប និងតម្លៃបន្ថែម នេះក៏ដោយសារតែតម្លៃវត្ថុធាតុដើមក្នុងស្រុកខ្ពស់ដូចជា សាំង អគ្គិសនី ទឹក កម្លាំងពលកម្មជាដើម ៕
ចែករំលែកព័តមាននេះ