ADផ្ទាំងផ្សព្វផ្សាយពាណិជ្ជកម្ម

ស្រែកថាជួយផងភ្ញាក់ផ្អើលទាំងយប់មនុស្សម្នានាំគ្នារត់ទៅជួយទីបំផុតមនុស្សវិកលចរិក

11 ឆ្នាំ មុន

២២ ខែ កុម្ភៈ ឆ្នាំ ២០១៤ ម៉ោង ០៩:២៦

ខេត្តបន្ទាយមានជ័យ ៖ បន្ទាប់ពីឮសំឡេងស្រែកដង្ហោយឲ្យជួយកណ្ដាលដីទំនេរគ្មានគេរស់នៅ បានធ្វើឲ្យអ្នកស្រុកនាំក្នាភ្ញាក់ផ្អើល មិនតែប៉ុណ្ណោះថែមទាំងរាយការណ៍ដល់សមត្ថកិច្ចចុះដល់កន្លែងកើតហេតុភ្លាមៗ ហើយមនុស្សម្នាជាច្រើនបាននាំគ្នាសម្រុកចូលកន្លែងកើតហេតុ កាលពីវេលាម៉ោង ៨ និង ៣០នាទី យប់ ថ្ងៃទី២២ កុម្ភៈ ២០១៤ នៅភូមិមិត្តភាព សង្កាត់ និងក្រុងប៉ោយប៉ែត ព្រោះសង្ស័យថា ជាអំពើប្លន់ ឬករណីផ្សេងអ្វីមួយ តែទីបំផុតជាមនុស្សវិកលចរិក។

ជនវិកលចរិកបង្កភ្ញាក់ផ្អើលនោះ មានឈ្មោះ ចន្ថា ពៅ ភេទប្រុស អាយុ ២៤ឆ្នាំ ស្នាក់នៅក្នុងផ្សារមិត្តភាព ក្នុងភូមិឃុំកើតហេតុ។ បន្ទាប់ពីមនុស្សម្នាជាច្រើននាំគ្នាគ្រាជននេះ មកដល់ទីតាំងស្នាក់ប៉ូលិស បែរជាត្រូវឪពុកម្ដាយ និងអ្នកស្រុកប្រាប់ថា ជននេះ ជាជនវិកលចរិកទៅវិញធ្វើឲ្យគ្រប់គ្នាវិលត្រលប់ទៅវិញទាំងសំណើចលែងចេញ រួមទាំងសមត្ថកិច្ចផងដែរ។

តាមបុរសជាឪពុកឈ្មោះ ប៉ក់ ចន្ថា អាយុ ៥២ឆ្នាំ បានប្រាប់ថា កូនរបស់គាត់កើតជំងឺវិកលចរិកនេះ តាំងពី ៣ឆ្នាំ មុន គឺក្រោយពីដួលម៉ូតូរបួសធ្ងន់ចំក្បាលនៅឯស្រុកបាកាន ខេត្តពោធិ៍សាត់៕