ខេត្តបាត់ដំបង ៖ ក្មេងប្រុស-ស្រី២នាក់ស្លា.ប់ដោយសារផ្ទុះគ្រាប់ CKC ឡង់ ខណៈដែលពួកគេរើសបានយកមកដំលេង កាលពីរសៀលថ្ងៃទី២១ កុម្ភៈ ២០១៤ ស្ថិតនៅចំណុចក្បែរមាត់ស្រះមួយកន្លែង ក្នុងភូមិជ្រោយស្នា ឃុំខ្នាចរមាស ស្រុកបវេល ។
ខេត្តបាត់ដំបង ៖ ក្មេងប្រុស-ស្រី២នាក់ស្លាប់ដោយសារផ្ទុះគ្រាប់ CKC ឡង់ ខណៈដែលពួកគេរើសបានយកមកដំលេង កាលពីរសៀលថ្ងៃទី២១ កុម្ភៈ ២០១៤ ស្ថិតនៅចំណុចក្បែរមាត់ស្រះមួយកន្លែង ក្នុងភូមិជ្រោយស្នា ឃុំខ្នាចរមាស ស្រុកបវេល ។
ប្រភពបានឱ្យដឹងថា ក្មេងរងគ្រោះទាំង២នាក់ ម្នាក់ឈ្មោះហង់ ណារិន ភេទស្រី អាយុ៧ឆ្នាំ និងម្នាក់ទៀតឈ្មោះរឿង រិត ភេទប្រុស អាយុ៧ឆ្នាំដូចគ្នា ។ តាមប្រភពពីឪពុករបស់ក្មេងប្រុសរងគ្រោះបានឱ្យដឹងថា លោកមិនបានដឹងថា មានគ្រាប់នៅក្បែររបងផ្ទះរបស់លោកទេ លុះកូនប្រុសគាត់ និងក្មេងស្រីម្នាក់ទៀតទៅលេងក្បែរនោះ ហើយរើសយកមកដំលេងផ្ទុះ ទើបលោកដឹង ។ គាត់បានបន្តថា បន្ទាប់ពីឮសំឡេងផ្ទុះលាន់កក្រើកមេឃនោះហើយ លោកបានរត់ទៅមើល ក៏ស្រាប់តែឃើញកូនប្រុស និងក្មេងស្រីម្នាក់នោះដេកស្លាប់ក្បែរគ្នាក្នុងថ្លុកឈាមយ៉ាងអាណោចអាធ័ម ដែលមានស្នាមរបួសសុះសាច់មើលទៅគួរឲ្យរន្ធត់បំផុត។
មន្រ្តីកងរាជអាវុធហត្ថបានចុះទៅត្រួតពិនិត្យនៅកន្លែងកើតហេតុបាននិយាយថា គ្រាប់ដែលក្មេងរងគ្រោះរើសមកលេងនោះ ទំនងជាគ្រាប់ដែលអ្នកកាយស្រះប្រទះឃើញ ហើយរើសយកមកទុកគុម្ពោធព្រៃក្បែររបង ដោយមិនបានប្រគល់ ឬរាយការណ៏ជួនមន្រ្តីជំនាញឡើយ ទើបក្មេងៗរើសយកមកដំលេងបែបនេះ ។
ចែករំលែកព័តមាននេះ