រាជធានីភ្នំពេញ ៖ កម្លាំងអាវុធហត្ថខណ្ឌសែនសុខ សហការជាមួយអាវុធហត្ថខណ្ឌទួលគោក នគរបាលព្រហ្មទណ្ឌកម្រិតស្រាលរាជធានីភ្នំពេញ ចុះឡោមព័ទ្ធបង្ក្រាបបានក្រុមចោរប្លន់០៤នាក់ កាលពីវេលាម៉ោង១និង៣៥នាទីរសៀលថ្ងៃទី២២ កុម្ភៈ ២០១៤ នៅក្នុងហាងកែសម្ផស្សមួយកន្លែង យីហោ សៀង ម៉ី មេកអាប់ កាត់សក់បុរសនារី តាមផ្លូវ១៩៨៦
រាជធានីភ្នំពេញ ៖ កម្លាំងអាវុធហត្ថខណ្ឌសែនសុខ សហការជាមួយអាវុធហត្ថខណ្ឌទួលគោក នគរបាលព្រហ្មទណ្ឌកម្រិតស្រាលរាជធានីភ្នំពេញ ចុះឡោមព័ទ្ធបង្ក្រាបបានក្រុមចោរប្លន់០៤នាក់ កាលពីវេលាម៉ោង១និង៣៥នាទីរសៀលថ្ងៃទី២២ កុម្ភៈ ២០១៤ នៅក្នុងហាងកែសម្ផស្សមួយកន្លែង យីហោ សៀង ម៉ី មេកអាប់ កាត់សក់បុរសនារី តាមផ្លូវ១៩៨៦ ក្បែរស្ថានីយប្រេងឥន្ធនៈសូគីម៉ិច សង្កាត់ភ្នំពេញថ្មី ខណ្ឌសែនសុខ ដោយដកហូតបានម៉ូតូ២គ្រឿង និងឃាត់ខ្លួនម្ចាស់ហាងផងដែរ។ ប្រតិបត្តិការនេះ ដឹកនាំដោយលោក មាស ច័ន្ទពិសិដ្ឋ ព្រះរាជអាជ្ញារងអមសាលាដំបូងរាជធានីភ្នំពេញ ។
តាមសេចក្តីរាយការណ៍បានឱ្យដឹងថា ជនសង្ស័យខាងលើទី១ឈ្មោះ ម៉េង ហត់ ភេទប្រុស អាយុ២៨ឆ្នាំ ,ទី២-ឈ្មោះ អោក ឆៃឌី ភេទប្រុស អាយុ២៥ឆ្នាំ,ទី៣-ឈ្មោះ អ៊ាង វាសនា ភេទប្រុស ជាប្អូនប្រុសម្ចាស់ហាង និងម្នាក់ទៀតមិនទាន់ត្រូវបានគេស្គាល់ឈ្មោះនៅឡើយ ចំណែកម្ចាស់ហាងខាងលើឈ្មោះ អ៊ាង សៀងម៉ី អាយុ២៧ឆ្នាំ ។
បើតាមជនរងគ្រោះជាម្ចាស់ម៉ូតូឈ្មោះ អ៊ាង វិច្ឆិកា បានឱ្យដឹងថា កាលពីយប់ថ្ងៃទី១០ កុម្ភៈ ខ្លួនបានបាត់ម៉ូតូនៅម្ដុំផ្លូវរថភ្លើងត្រឡោកបែក ស្រាប់តែឃើញជនសង្ស័យជិះម៉ូតូនៅមុខផ្សារសុវណ្ណា ហើយស្គាល់ច្បាស់ថា ជាម៉ូតូរបស់ខ្លួន ក៏ជិះតាមពីក្រោយ រហូតដល់ចំណុចកើតហេតុខាងលើ រួចរាយការណ៍ទៅសមត្ថកិច្ចចុះឡោមព័ទ្ធ ។
បើតាមលោកមេបញ្ជាការកងរាជអាវុធហត្ថខណ្ឌសែនសុខបានឱ្យដឹងថា ក្រុមចោរប្លន់ខាងលើ កាលពីប៉ុន្មានថ្ងៃមុន បានធ្វើសកម្មភាពប្លន់ម៉ូតូនៅតាមផ្លូវ៥៩៨ សង្កាត់ភ្នំពេញ ទើបសមត្ថកិច្ចស្រាវជ្រាវ ចុះឃាត់ខ្លួនបានតែម្តង ។
តាមប្រភពព័ត៌មានកន្លែងកើតហេតុ បានឱ្យដឹងថា នៅពេលសមត្ថកិច្ចនិងអ្នកកាសែត ចុះទៅថតរូបស្រាប់តែនារី ឈ្មោះ សៀង ម៉ី ជាម្ចាស់ហាង ចេញមកចង្អុលមុខ ជេរអ្នកកាសែតនិងសមត្ថកិច្ច ហើយគំរាមប្ដឹងទៀតផង ។
បច្ចុប្បន្ន ជនសង្ស័យខាងលើនិងម្ចាស់ហាងកែសម្ផស្ស ត្រូវបានសមត្ថកិច្ច បញ្ជូនទៅសាកសួរនៅការិយាល័យព្រហ្មទណ្ឌកម្រិតស្រាល ៕
ចែករំលែកព័តមាននេះ