រាជធានីភ្នំពេញ ៖ កោះសន្តិភាព បានទទួលលិខិត១ច្បាប់ពីនិវត្តជនមួយរូបកាលពីថ្ងៃទី២០ កុម្ភៈ កន្លងមកនេះ ។ ដោយយល់ថា អាចជាការផ្តល់នូវមតិមួយ សម្រាប់ក្រសួងសង្គមកិច្ច ក៏ដូចជារាជរដ្ឋាភិបាល លិខិតដែលមិនបញ្ចេញឈ្មោះនេះ ត្រូវបានសម្រេចចុះផ្សាយដូចក្រោមនេះ៖
រាជធានីភ្នំពេញ ៖ កោះសន្តិភាព បានទទួលលិខិត១ច្បាប់ពីនិវត្តជនមួយរូបកាលពីថ្ងៃទី២០ កុម្ភៈ កន្លងមកនេះ ។ ដោយយល់ថា អាចជាការផ្តល់នូវមតិមួយ សម្រាប់ក្រសួងសង្គមកិច្ច ក៏ដូចជារាជរដ្ឋាភិបាល លិខិតដែលមិនបញ្ចេញឈ្មោះនេះ ត្រូវបានសម្រេចចុះផ្សាយដូចក្រោមនេះ៖
គោរពជូន លោកចាងហ្វាងសារព័ត៌មាន កោះសន្តិភាពយើងខ្ញុំជានិវត្តជន មានកិត្តិយសសូមការអនុញ្ញាតពីលោកចាងហ្វាងសារព័ត៌មាន ដើម្បីបានចុះផ្សាយនូវព័ត៌មានអំពីបញ្ហារបស់និវត្តជន ដែលក្នុងនោះមានចំណុចដូចតទៅ៖
១-តើនិវត្តជនជាអ្វី ? និវត្តន៍ជន=០? និវត្តជនពិតជាមិនមែនជាបុព្វហេតុនៃការចូលរួមកសាងសង្គមជាតិឬ?
២-តើនិវត្តជនត្រូវតែកាត់ផ្តាច់ទាំងស្រុងនូវរាល់កម្រៃ ថវិកា (បៀវត្សរ៍) និងផលប្រយោជន៍ផ្សេងៗទៀតរបស់រដ្ឋ? (ឧទាហរណ៍៖ ផលកម្រៃបានមកពីធនធានធម្មជាតិ, ទេសចរណ៍, រ៉ែត្បូងមានតម្លៃ, រ៉ែប្រេងកាត, រ៉ែធ្យូងថ្ម…។ល។ និង…។ល។
៣-តើនិវត្តជនត្រូវតែដេករង់ចាំសេចក្តីស្លាប់ដែលនឹងត្រៀមមកដល់ក្រោយពេលដែលត្រូវបានដាក់ឱ្យចូលនិវត្តន៍ ដោយគ្រាន់តែទទួលបាននូវបៀវត្សរ៍ ត្រឹមតែប្រាក់ដែលត្រូវបានកំណត់ចុងក្រោយប៉ុណ្ណោះ ?
ទាំងបីចំណុចដូចបានជម្រាបខាងលើនេះ យើងខ្ញុំនិវត្តជនចង់បាននូវដំណោះស្រាយមួយសមស្រប ពីរាជរដ្ឋាភិបាល ពីព្រោះយើងខ្ញុំទទួលបានការបំភ្លឺពីអង្គភាព មន្ទីរសង្គមកិច្ច អតីតយុទ្ធជន និងយុវនីតិសម្បទា ថា សេចក្តីសម្រេចរបស់រាជរដ្ឋាភិបាលកន្លងមក គឺពុំមានបញ្ជាក់ពីការដំទ្បើងប្រាក់បន្ថែមជូននិវត្តជនទ្បើយ គឺបន្ថែមជូនតែមន្ត្រីសកម្មក្នុងក្របខណ្ឌ ក.ខ.គ.ឃ តែប៉ុណ្ណោះ ។
សូមលោកចាងហ្វាងសារព័ត៌មានកោះសន្តិភាព ទទួលនូវការគោរពដ៏ខ្ពង់ខ្ពស់អំពីយើងខ្ញុំ ។
សូមប្រសិទ្ធពរជូនសារព័ត៌មានទាំងអស់ទទួលបាននូវប្រជាប្រិយភាពកាន់តែទូលំទូលាយដូចអារ្យប្រទេសលើសាកលលោក ៕
រាជធានីភ្នំពេញ ថ្ងៃទី២០ កុម្ភៈ ឆ្នាំ២០១៤
និវត្តជន
ចែករំលែកព័តមាននេះ