Man Utd ដាក់កំហិតឱ្យ Marcus Rashford រកគ្រាប់បាល់ឱ្យបាន២០ នៅរដូវកាលនេះ
តាមប្រភពព័ត៌មាន The Sun បានឱ្យដឹងថា គ្រូបង្វឹកក្លិបបិសាចក្រហមលោក Ole Gunnar Solskjaer បានកំណត់គោលដៅឱ្យខ្សែប្រយុទ្ធ Marcus…
តាមប្រភពព័ត៌មាន The Sun បានឱ្យដឹងថា គ្រូបង្វឹកក្លិបបិសាចក្រហមលោក Ole Gunnar Solskjaer បានកំណត់គោលដៅឱ្យខ្សែប្រយុទ្ធ Marcus Rashford រកឱ្យ២០គ្រាប់ជូនក្លិបនៅរដូវកាលនេះ ។
កីឡាករអង់គ្លេសរូបនេះបានចូលលេងនៅរដូវកាលថ្មីជាមួយនឹង United ក្នុងនាមជាខ្សែប្រយុទ្ធចម្បង ហើយក៏បានរកគ្រាប់បាល់ជូនក្រុមពេលប្រកួតជាមួយនឹង Chelsea កាលពីថ្ងៃអាទិត្យផងដែរ ។ តែកីឡាកររូបនេះមិនដែលបានស៊ុតគ្រាប់បាល់បញ្ចូលទីជូនក្រុមបានលើសពី១៤គ្រាប់ឡើងក្នុងមួយរដូវកាល ។
គ្រូបង្វឹកក្លិបបិសាចក្រហមលោក Ole ត្រូវបានគេដឹងថា បានចំណាយពេលជាច្រើនក្នុងការយកកីឡាករអាយុ២១ឆ្នាំ រូបនេះចេញមកពីសាលាបាល់ទាត់ ។ ដូចនេះហើយលោកក៏បានកំណត់គ្រាប់បាល់ឱ្យរកជូនក្រុមដែរ ។
ប្រភពពីក្លិបបានប្រាប់ថា៖ « Ole បាននិយាយជាមួយនឹង Marcus កាលពីសប្តាហ៍មុន ។ វា គឺជារឿងល្អមួយ ។ ពួកគេបាននិយាយគ្នាកន្លះម៉ោងអំពីអ្វីដែលលោក Ole ចង់ឃើញចេញពីសមត្ថភាពរបស់ Marcus។ Ole នឹងបន្តជួយដល់កីឡាកររូបនេះសម្រាប់ការរៀបចំក្បួនឱ្យលេងលើតារាង។»
គួរបញ្ជាក់ផងដែរថា កីឡាកររូបនេះត្រូវបានគេគ្រប់គ្នារំពឹងថា នឹងចូលទៅជំនួសកន្លែងរបស់ Romelu Lukaku ជាមួយនឹងកីឡាករ Anthony Martial, Alexis Sanchez និង Mason Greenwood៕ កែសម្រួលដោយ ៖ សុឃាក់
ចែករំលែកព័តមាននេះ