រាជធានីភ្នំពេញ ៖ យោង​តាម​សេចក្តីប្រកាស​ព័ត៌មាន​របស់ស្ថាន​ទូតអាមេរិក​បាន​ឲ្យដឹង​កាលពីថ្ងៃទី​២១ កុម្ភៈ ថា ស្ថានទូត​សហរដ្ឋ​អាមេ​រិក​នៅរាជធានីភ្នំពេញ មាន​សេចក្តីរីករាយ​សូមប្រកាសថា ក្រុមតន្រ្តីប្រពៃណី​អាមេរិក​ដែលមាន​មូលដ្ឋាន​នៅទី​ក្រុង Nashville និង​មា​ន​ឈ្មោះ​ថា Blended 328 នឹង​មក​សម្តែង​នៅក្នុង​ប្រទេសកម្ពុជា​ពីថ្ងៃទី​២៤ កុម្ភៈ ដល់ថ្ងៃទី​២៧ កុម្ភៈ នៅក្នុង​កម្មវិធី​របស់​ខ្លួន​ស្តីពី​តន្រ្តីអាមេរិក​ សម្រាប់​ការដើរសម្តែង​ក្នុងពិភពលោក​ជាផ្នែកមួយនៃកម្មវិធី​បេសកជនសិល្បៈ​របស់ក្រសួងការ​បរទេស​សហរដ្ឋ​អាមេរិក ។

អ្នក​សិល្បៈ និង​តន្រ្តី​ករ ដែលចូលរួមក្នុងកម្មវិធីបេស​កជន​សិល្បៈធ្វើដំណើរទៅ​តាមប្រទេស​នៅជុំវិញ​ពិភពលោក ដើម្បីបង្ហាញ​វប្បធម៌ និងគុណ​តម្លៃ​របស់សហរដ្ឋ​អាមេរិកដល់​ទស្សនិកជន​បរទេស ។ នៅក្នុងប្រទេសកម្ពុជា ​ក្រុម​តន្រ្តី Blended 328 នឹងធ្វើសិក្ខា​សាលា​ជាមួយ​សិស្ស​ និងតន្រ្តីករ​កម្ពុជា ។ ​ដោយមាន​ជំនួយផ្នែកផលិត​ពីអង្គការ​សិល្បៈ Amrita Performing Arts ក្រុមតន្រ្តីនេះ​នឹងធ្វើការ​ប្រគំជូន​សាធារណជនដោយ​ឥតគិតថ្លៃនៅ​ខេត្តតាកែវ​ និងក្រុងព្រះសីហនុ​ដោយបង្ហាញ​លក្ខណៈ​ ពិសេស​ដោយឡែក​នៃតន្រ្តី​ប្រពៃណី​របស់អា​មេរិក ។
​
ការប្រគំតន្រ្តីដោយ​ឥតគិតថ្លៃខេត្តតាកែវ៖ ថ្ងៃអង្គារទី​២៥  កុម្ភៈ នៅអូរ​ចំបក់​វេលាម៉ោង​៧​យប់ក្រុងព្រះសីហនុ៖ ថ្ងៃពុធទី​២៦ ​កុម្ភៈ​នៅស្ថានីយ​រថយន្ត​ក្រុង​ចាស់​វេលាម៉ោង​៧​យប់ សមាជិកក្រុម​តន្រ្តី Blended 328 នឹងមានពេលវេលា​ជួបអ្នក​សារព័ត៌មាន​ដើម្បី​និយាយ​អំពីការសម្តែង​នៅក្នុងប្រទេសកម្ពុជា​នៅថ្ងៃចន្ទទី​២៤​ កុម្ភៈ វេលាម៉ោង​១១​ព្រឹក​នៅសាកល​វិទ្យាល័យភូមិន្ទ​វិចិត្រសិល្បៈ​ក្នុង​រាជ​ធានីភ្នំពេញ ។ ចំពោះ​ព័ត៌​មានបន្ថែម​ស្តីពីពិធីនេះ សូមទាក់ទង​លោកស្រី Hannah Stevens ដែលធ្វើការនៅ​អង្គការ​សិល្បៈ Amrita Performing Arts តាមអ៊ីម៉េល hannah@amritaperformingarts.org ។ ចំពោះព័ត៌មាន បន្ថែម​ស្តីពីក្រុមតន្រ្តី Blended 328 និងកម្ម​វិធីសម្តែង​របស់​គេ សូមចូលមើល​គេហទំព័រ​ដែលមាន​អាសយដ្ឋាន http://www.blended328.com ៕