ចង់ជិះរទេះសេះកម្សាន្ត អាចទៅក្រុងដូនកែវ ក្នុងខេត្តតាកែវ
- តាកែវ
ខេត្តតាកែវបានបង្កើតសេវាជិះរទេះសេះ ឬជិះសេះកម្សាន្តនៅក្រុងដូនកែវ ដើម្បីជាការទាក់ទាញភ្ញៀវទេសចរណ៍ ។ សេវាកម្មកម្សាន្តបែបថ្មីនេះ ត្រូវបាន លោក វ៉ី សំណាង អភិបាលខេត្តតាកែវ…
ខេត្តតាកែវបានបង្កើតសេវាជិះរទេះសេះ ឬជិះសេះកម្សាន្តនៅក្រុងដូនកែវ ដើម្បីជាការទាក់ទាញភ្ញៀវទេសចរណ៍ ។
សេវាកម្មកម្សាន្តបែបថ្មីនេះ ត្រូវបាន លោក វ៉ី សំណាង អភិបាលខេត្តតាកែវ ផ្សព្វផ្សាយនៅលើបណ្តាញសង្គមរបស់លោកកាលពីថ្ងៃទី០៧ ខែកញ្ញា ថ្មីៗនេះ ។
លោកបានលើកឡើងថា ក្រុងដូនកែវ ខេត្តតាកែវ ឥឡូវនេះមានសេវាជិះសេះ និងរទេះសេះទស្សនាទេសភាពនៅជុំវិញទីក្រុងហើយ អាចមកសាកល្បងបាន ។
ក្រោយពេលផ្សព្វផ្សាយបែបនេះ មានប្រជាពលរដ្ឋចែករំលែក និងបញ្ចេញយោបល់ព្រោងព្រាត នៅក្នុងនោះ ក៏មានអ្នកបញ្ចេញទស្សនៈថា ល្អណាស់ ដែលខេត្តតាកែវបាននឹកឃើញនូវមធ្យោបាយដឹកជញ្ជូនរបៀបបុរាណ ។
អ្នកបញ្ចេញទស្សនៈនោះបានលើកឡើងថា «ស៊ីក្លូជិតបាត់បង់ ឯរទេះសេះក៏ជិតបាត់បង់ដែរ ទាំងអស់គ្នាត្រូវតែគិតគូរ និងអភិរក្សឡើងវិញ ។ ខ្ញុំសូមកោតសរសើរ» ។
ដោយឡែក ពលរដ្ឋម្នាក់ទៀត បានបន្ថែមថា ក្នុងនាមជាកូនខ្មែរមួយរូប គឺពិតសូមកោតសសើរ ដែលខេត្តចេះគិតចេះគូរកសាងអភិឌ្ឍន៍ដល់ប្រយោជន៍ពលរដ្ឋជាធំ លើកស្ទួយកិត្តិយសខេត្ត ៕
ចែករំលែកព័តមាននេះ