រាជធានីភ្នំពេញ៖ កម្មករកម្មការិនីជាង៧០០នាក់ បម្រើការងារនៅរោងចក្រ ភី ស៊ី អូ ហ្កាមិន ដែលមានទីតំាងស្ថិតនៅក្នុងភូមិព្រៃកំបុត សង្កាត់ចោមចៅ ខណ្ឌពោធិសែនជ័យ នៅព្រឹកថ្ងៃទី២១ កុម្ភៈ ២០១៤ បានប្រមូលផ្តុំគ្នានៅខាងមុខរោងចក្រ ប្រយោជន៏ដើម្បីទាមទារលក្ខខណ្ឌការងារចំនួន២៥ចំណុច ។
រាជធានីភ្នំពេញ៖ កម្មករកម្មការិនីជាង៧០០នាក់ បម្រើការងារនៅរោងចក្រ ភី ស៊ី អូ ហ្កាមិន ដែលមានទីតំាងស្ថិតនៅក្នុងភូមិព្រៃកំបុត សង្កាត់ចោមចៅ ខណ្ឌពោធិសែនជ័យ នៅព្រឹកថ្ងៃទី២១ កុម្ភៈ ២០១៤ បានប្រមូលផ្តុំគ្នានៅខាងមុខរោងចក្រ ប្រយោជន៏ដើម្បីទាមទារលក្ខខណ្ឌការងារចំនួន២៥ចំណុច ។
បើតាមអ្នកឆ្លើយឆ្លងព័ត៌មានកោះសន្តិភាពបានបញ្ជាក់ឲ្យដឹងទៀតថា នៅក្នុងការតវ៉ានៅព្រឹកមិញផងដែរ ក៏មានកម្មករចំនួន៣នាក់បានរងរបួសដោយសារមានក្រុមជើងកាងប្រមាណ១០នាក់ ដែលគេមិនស្គាល់អត្តសញ្ញាណនិងចេញមកពីប្រភពណា បានមកវ៉ៃក្រុមកម្មករដែលកំពុងធ្វើការតវ៉ា។
សេចក្តីរាយការណ៏បានបន្តថា ដោយសារមានក្រុមជើងកាងចេញមកវ៉ៃកម្មករ ទើបក្រុមកម្មករបាននំាគ្នាបំបែក រួចហើយនំាគ្នាដើរឆ្ពោះមកសាលាសង្កាត់ចោមចៅ ដើម្បីសុំអន្តរាគមន៏ឃាត់ចាប់ក្រុមជើងកាងទំាងនោះ ប៉ុន្តែត្រូវបានខាងសង្កាត់បា្រប់ឲ្យទៅសុំអន្តរាគមន៏ពីខាងសហជីពវិញ ។
លក្ខខណ្ឌការងារទំាង២៥ចំណុចដែលក្រុមកម្មករបានទាមទារនោះរួមមាន ៖ ទាមទារលុយបាយពេលថ្ងៃត្រង់ចំនួន២៥០០រៀល ធ្វើការមិនបង្ខិតបង្ខំថែមម៉ោងតាមការស្ម័គ្រចិត្ត សុំចេញម៉ោង៤ កុំឲ្យមានកម្មករអណ្តែត ស្រ្តីមានផ្ទៃពោះពេលទៅពិនិត្យសុខភាពមិនត្រូវកាត់លុយ សុំលុយថែមម៉ោង (១ម៉ោង ២៥០០រៀល) និង ទាមទារលុយស្នាក់នៅ លុយធ្វើដំណើរ ១៥ដុល្លារជាដើម ៕
ចែករំលែកព័តមាននេះ