រាជធានីភ្នំពេញ ៖ បុរសអ្នករត់ម៉ូតូឌុបប្រចាំអាកាសយានដ្ឋានអន្តរជាតិភ្នំពេញម្នាក់ ត្រូវជនមិនស្គាល់មុខវាយឱ្យសន្លប់ប្លន់យកម៉ូតូ រួចអូសទម្លាក់ក្នុងស្រះទឹក ហើយសពត្រូវប្រជាពលរដ្ឋប្រទះឃើញ កាលពីវេលាម៉ោង៦និង១៥នាទីព្រឹក ថ្ងៃទី២១ កុម្ភៈ ២០១៤ ស្ថិតក្នុងភូមិអង្គ្រង សង្កាត់ក្រាំងធ្នង់ ខណ្ឌពោធិ៍សែនជ័យ ។
រាជធានីភ្នំពេញ ៖ បុរសអ្នករត់ម៉ូតូឌុបប្រចាំអាកាសយានដ្ឋានអន្តរជាតិភ្នំពេញម្នាក់ ត្រូវជនមិនស្គាល់មុខវាយឱ្យសន្លប់ប្លន់យកម៉ូតូ រួចអូសទម្លាក់ក្នុងស្រះទឹក ហើយសពត្រូវប្រជាពលរដ្ឋប្រទះឃើញ កាលពីវេលាម៉ោង៦និង១៥នាទីព្រឹក ថ្ងៃទី២១ កុម្ភៈ ២០១៤ ស្ថិតក្នុងភូមិអង្គ្រង សង្កាត់ក្រាំងធ្នង់ ខណ្ឌពោធិ៍សែនជ័យ ។
សពបុរសរងគ្រោះត្រូវបានគេស្គាល់ឈ្មោះ ស្រ៊ុន លុច អាយុ៤៨ឆ្នាំ ជាអ្នករត់ម៉ូតូឌុបប្រចាំអាកាសយានដ្ឋានអន្តរជាតិភ្នំពេញ ស្នាក់នៅក្នុងភូមិស្លែងរលើង សង្កាត់ទឹកថ្លា ខណ្ឌសែនសុខ ជិះម៉ូតូម៉ាកវ៉េវ ពណ៌ខ្មៅ ពាក់ស្លាកលេខភ្នំពេញ 1AB-7280 ។
បើតាមប្រភពព័ត៌មានបានឱ្យដឹងថា ជនរងគ្រោះបានបាត់ខ្លួន ចន្លោះម៉ោង៣ទៅ៤ទៀបភ្លឺថ្ងៃទី២០ កុម្ភៈ ព្រោះនៅអាកាសយានដ្ឋានអន្តរជាតិភ្នំពេញ ពេលចេញចូលត្រូវស៊ីញ៉េគ្រប់ពេល ។
ក្រោយពីកើតហេតុ សពត្រូវបានសមត្ថកិច្ចជំនាញចុះធ្វើកោសល្យវិច័យ ដោយឃើញមានស្នាមបែកថ្ងាសខាងឆ្វេង បែកប្រអប់មាត់ និងជាំភ្នែកខាងស្តាំ ៕
ចែករំលែកព័តមាននេះ