យោង​តាម​គេហ​ទំព័រ​បរទេស​ចេញ​ផ្សាយ​កាល​ពី​ពេល ​ថ្មីៗ​​នេះ ​ឱ្យ​ដឹង​ថា​ ក្រុម​ហ៊ុន​ជប៉ុន​ Sony បាន​បង្កើត tablet ស៊េរី​ថ្មី​​របស់​ខ្លួន​គឺ​ Sony Xperia ZZ ។ លក្ខណៈ​ពិសេស​​​របស់ Tablet ស៊េរី​ថ្មី​នេះ​គឺ ​មាន​ទំហំ​អេក្រង់​១០.១អីុញ​, កម្រិត​ពន្លឺ​ភ្លឺ​ច្បាស់​ Triluminus ១៩២០x​១២០០​ភិច​ស៊ែល, ប្រភេទ​ Processor quad-core ប្រើ​ប្រាស់​ក្នុង​ល្បឿន​២.៣​GHz, ទំហំ​ Ram 3GB ដែល​អាច​ផ្ទុក​អង្គ​ចង​ចាំ​រហូត​ដល់​១៦GB ។ កាមេរ៉ា​មុខ​មាន​ទំហំ​២​មេហ្គា​ភិច​សែល​ និង​កាមេរ៉ា​ក្រោយ​មាន​ទំហំ​៨​មេហ្គា​ភិច​ស៊ែល , ប្រើ​ប្រាស់​ Memory កាត​ microSD គាំ​ទ្រ​ដោយ​​ប្រព័ន្ធ​ប្រតិ​បត្តិ​ការ​ Android 4.4 Kitkat ចំណែក​​ឯ​ថាម​ពល​ថ្ម​​ប្រើ​ប្រាស់​​ ៦០០០mAh ។

ក្រៅ​ពី​លក្ខណៈ​ពិសេស​​នោះ​ tablet Sony xperia ZZ ​រច​នា​ឱ្យ​មាន​​​រូប​រាង​ស្តើង​​​កម្រាស់​៦,៤​មីល្លី​ម៉ែត្រ​ ។ ​ផលិត​ផល​មួយ​នេះ​ បង្កើត​​ឡើង​​ពី​​លោហៈ​  ពិសេស​​ដើម្បី​ការពារ​​ការ​ជ្រាប​ទឹក និង​កញ្ចក់​ដែល​មាន​សភាព​រឹង​មាំ ។ ក្រុម​ហ៊ុន Sony មិន​បាន​​អះ​អាង​បញ្ជាក់​ពី​តម្លៃ​​​របស់ tablet ​មួយ​​ប្រភេទ​នេះ​ទេ តែ​​តួលេខ​ជាក់​ស្តែង​របស់វា​នឹង​ត្រូវ​បាន​ដាក់​បង្ហាញ​ជា​ផ្លូវ​ការ​ក្នុង​​សន្និ​បាត​បូក​សរុប​​ទូរស័ព្ទ​ដៃ​ពិភព​លោក​ ។

Tablet ​xperia ZZ គឺ​ជា​ tablet ដែល​មាន​​រាង​ស្តើង​ជាង​គេ​ ប្រើ​​ប្រៀប​ធៀប​ជាមួយ​​ tablet ​xperia ZZ ​ហើយ​វា​​ជា​ប្រភេទ  tablet ​ មាន​រាង​ស្តើង​ជាង​គេ​បំផុត​ក្នុង​ចំណោម  tablet ដទៃ​ទៀត​​នៅ​លើ​ពិភព​លោក​​ ៕