ADផ្ទាំងផ្សព្វផ្សាយពាណិជ្ជកម្ម

Picture

ចៀស​វាង​ពាក្យ​​​ថា«គ្រាន់​ជា​ឆាក​ល្ខោន»​លើករណីបំផ្លាញឡានដឹកឈើបាកុង

4 ឆ្នាំ មុន
  • មណ្ឌលគិរី

ខេត្តមណ្ឌលគិរី ៖ សេ​ចក្តីរាយការណ៍ឱ្យដឹងថា ​កាត់​បំផ្លាញ​ចោល​នូវរថយន្ត​បា​កុង​ចំនួន​១៣​គ្រឿង​បន្ថែម​ទៀត ដែល​កម្លាំង​បង្ក្រាប​បាន​នា​ពេល​ថ្មី​ៗ​នេះ ស្ថិតនៅ​​ស្រុក​កោះ​ញែក​ខេត្តមណ្ឌលគិរី​ ក្រោម​​បញ្ជា​ពី​នាយ​ឧត្តម​សេនី​យ៍ សៅ សុខា ប្រធាន​គណកម្មការ​ជាតិ​ដើម្បី​ទប់ស្កាត់…

ខេត្តមណ្ឌលគិរី ៖ សេ​ចក្តីរាយការណ៍ឱ្យដឹងថា ​កាត់​បំផ្លាញ​ចោល​នូវរថយន្ត​បា​កុង​ចំនួន​១៣​គ្រឿង​បន្ថែម​ទៀត ដែល​កម្លាំង​បង្ក្រាប​បាន​នា​ពេល​ថ្មី​ៗ​នេះ ស្ថិតនៅ​​ស្រុក​កោះ​ញែក​ខេត្តមណ្ឌលគិរី​ ក្រោម​​បញ្ជា​ពី​នាយ​ឧត្តម​សេនី​យ៍ សៅ សុខា ប្រធាន​គណកម្មការ​ជាតិ​ដើម្បី​ទប់ស្កាត់ បង្ក្រាប​បទល្មើស​ធនធានធម្មជាតិ​ និង​លោក​ឧត្តមសេនីយ៍ទោ សាន្ត ប៊ុ​ន​ធឿ​ន នាយ​រង​សេនាធិការ ​កងរាជអាវុធហត្ថ​លើ​ផ្ទៃ​ប្រទេស ។ លោ​ក​នាយ​​ឧត្តម​សេនី​យ៍ក៏​បាន​ឲ្យ​អ្នក​ពាក់​ព័​ន្ធ និង​អាជ្ញាធរ​គិតគូរ​ប្រមូល​វត្ថុ​តាង​រថយន្ត​ដឹក​ឈើ​ដែល​បាន​
កម្ទេច​ចោលទៅ​ទុក​នៅ​កន្លែង​ណាមួយ ក្នុង​តំបន់​ដែល​អាច​ឲ្យ​អ្នកទេសចរ​ណ៍​ ក៏​ដូច​ប្រជា​ពល​រដ្ឋ​ទូទៅ​អាច​មើលឃើញ ដើម្បី​បញ្ជាក់​ពី​សកម្មភាព​របស់​គណៈ​កម្ម​ធិ​ការ​ថ្នាក់​ជាតិ​បាន​ចុះ​ធ្វើ ចៀស​វាង​ពាក្យ​
ច​ចាម​អារ៉ាមថា នេះ​គ្រាន់តែ​ជា​ឆាកល្ខោន ។

សូមរំលឹកថា ក្នុងអំឡុងពេល​​ដឹកនាំ​ក្រុមការងារ​អន្តរក្រសួង​ ដើម្បី​ចុះ​ពិនិត្យ​ល​ទ្ធ​ផល​បង្ក្រាប​ការ​កាប់​បំផ្លាញ​ព្រៃឈើ ​ក្នុងស្រុក​កោះ​ញែក កាលពី​ថ្ងៃ​ទី​០៦ សីហា កន្លង​ទៅ​នេះ នាយ​ឧត្តម​សេនី​យ៍ សៅ សុខា បាន​ប្រាប់​ឲ្យ​កម្លាំង​ទាំងអស់ ​ត្រូវ​រឹត​បន្តឹង​គ្រប់​សកម្មភាពកាប់​ទន្ទ្រាន ដឹក​ជញ្ជូន ផល​អនុ​ផល​ព្រៃឈើ ដែល​ក្រុម​ទុ​ច្ច​រិ​ក​ផ្សំ​គំនិត​គ្នា បំផ្លាញ​ធនធានធម្មជាតិ​របស់​កម្ពុជា ​។

​​​ខេត្តមណ្ឌលគិរី​មាន​ក្រុមហ៊ុន​ប្រមូល​ផល អនុ​ផល​ព្រៃឈើ មាន​លិខិតអនុញ្ញាត​ចំនួន​១០​ក្រុមហ៊ុន និង​មាន​រោងសន្និធិ​ឈើ រោង​សិប្បកម្ម​កែ​ច្នៃ​ឈើ​ជិត​ព្រំដែន​ចំនួន​២​កន្លែង ហើយ​ក្រុមហ៊ុន​ទាំង​១០ មាន​ក្រុមហ៊ុន​ម៉ា​ស្ទ័​រ​ខេ​សាន់ ក្រុមហ៊ុន​យ៉ា​ន​ចាវ ក្រុមហ៊ុន​ថា​ច់​វូ​ដ ក្រុមហ៊ុន​វិ​ជ្ជ​រី ក្រុមហ៊ុន​ណេ​ង​ណា ក្រុមហ៊ុន​យូ​នី​ហ្គ្រី​ន ក្រុមហ៊ុន​ស្រ៊ុ​ន​ម៉េ​ង​លាង ក្រុមហ៊ុន​ផេ​ស៊ី​ហ្វិ​ក​ហ្គ្រេ​ន ក្រុមហ៊ុន​លឹ​ម​រ៉ូ​យ៉ា​ល់ និង​ក្រុមហ៊ុន​ទ្រី​ភាព ក្នុង​ចំណោម​ក្រុមហ៊ុន​ទាំងនេះ និង​រោង​សន្និធិ​ឈើ មាន​តែ​ក្រុមហ៊ុន​លឹ​ម​រ៉ូ​យ៉ា​ល់ និង​ឈើ​ដេញថ្លៃ​របស់​ក្រុមហ៊ុន​ទ្រី​ភាព ប៉ុណ្ណោះ​ដែល​ធ្វើ​ត្រឹមត្រូវ​តាម​ច្បាប់ ក្រៅពី​នោះ​គឺ​សុទ្ធតែ​រក​ឃើញ​បទល្មើស ​។ (សម្រួលដោយ៖ ស្រីណា)

ព័ត៌មានបន្ថែមនឹងមានផ្សាយជូនលើទំព័រកាសែតកោះសន្តិ​ភាព ។

អត្ថបទសរសេរ ដោយ