រាជធានីភ្នំពេញ ៖ រឿងរ៉ាវដែលចាស់ៗតែងតំណាលថា ប្រមាត់ប្រមង់ចាប់កូនក្មេង ពេលខ្លះក៏ក្លាយជាការពិតដែរ ។ ជាក់ស្តែង កាលពីរសៀលថ្ងៃទី១៩ កុម្ភៈ ស្ត្រី២នាក់បងប្អូនបានលួងលោមចាប់ក្មេងប្រុសម្នាក់ពីភូមិអរិយក្សត្រ ឃុំអរិយក្សត្រ ស្រុកល្វាឯម ខេត្តកណ្តាល យកមកលាក់ទុកនៅភូមិដើមមាក់ក្លឿ សង្កាត់ច្បារអំពៅទី១ ខណ្ឌមានជ័យ ។
រាជធានីភ្នំពេញ ៖ រឿងរ៉ាវដែលចាស់ៗតែងតំណាលថា ប្រមាត់ប្រមង់ចាប់កូនក្មេង ពេលខ្លះក៏ក្លាយជាការពិតដែរ ។ ជាក់ស្តែង កាលពីរសៀលថ្ងៃទី១៩ កុម្ភៈ ស្ត្រី២នាក់បងប្អូនបានលួងលោមចាប់ក្មេងប្រុសម្នាក់ពីភូមិអរិយក្សត្រ ឃុំអរិយក្សត្រ ស្រុកល្វាឯម ខេត្តកណ្តាល យកមកលាក់ទុកនៅភូមិដើមមាក់ក្លឿ សង្កាត់ច្បារអំពៅទី១ ខណ្ឌមានជ័យ ។
ទោះជាយ៉ាងណា សកម្មភាពនេះត្រូវបានម្តាយឪពុកកុមាររងគ្រោះរកឃើញ និងប្តឹងសមត្ថកិច្ចឱ្យចាប់ខ្លួននៅរសៀលថ្ងៃទី២០ កុម្ភៈ ហើយកសាងសំណុំរឿងបញ្ជូនទៅស្នងការដ្ឋាននគរបាលខេត្តកណ្តាល និងរំដោះក្មេងប្រុសរងគ្រោះទៅឱ្យឪពុកម្តាយវិញ ។ ជុំវិញករណីខាងលើនេះ មន្ត្រីនគរបាលបុ៉ស្តិ៍ច្បារអំពៅទី១ និយាយថា ក្មេងប្រុសដែលស្ត្រីទាំង២នាក់បងប្អូនលួងលោមយកមកដល់ច្បារអំពៅនោះឈ្មោះ អ៊ុក សុចិត្រា អាយុ២ឆ្នាំ មានម្តាយឈ្មោះ អ៊ុក ចរិយា អាយុ៣៥ឆ្នាំ និងឪពុកឈ្មោះ ប៊ុន ហេង ។ ក្មេងប្រុសត្រូវបានស្ត្រីទាំង២នាក់ យកមកទម្លាក់ចោល កាលពីថ្ងៃទី១៩ កុម្ភៈ នៅក្នុងហាងមួយស្ថិតនៅចំណុចខាងលើ ។ មន្ត្រីនគរបាលដដែលបន្តថា ដើមឡើយស្ត្រីទាំង២នាក់ខាងលើធ្វើដំណើរតាមម៉ូតូដោយឌុបក្មេងប្រុសរូបនេះ និងក្មេងប្រុសម្នាក់ទៀត ឈ្មោះគង់ ផានិត អាយុ១២ឆ្នាំ តាំងពីស្រុកល្វាឯមមកទុកនៅច្បារអំពៅ ដោយបានមកដល់ហាងផឹកស៊ីយីហោ «ឆែលស៊ី» ដែលឈប់ប្រកបមុខរបរហើយ តែស្ត្រីទាំង២នាក់រស់នៅទីនោះ។ តាមព័ត៌មានថា ពួកគេបានទុកក្មេងប្រុសអាយុ២ឆ្នាំ នៅទីនោះ រួចហើយដឹកក្មេងប្រុសអាយុ១២ឆ្នាំត្រឡប់ទៅភូមិវិញ ។ ពេលនោះក្មេងប្រុសអាយុ១២ឆ្នាំ បានទៅប្រាប់ស្ត្រីម្នាក់ដែលជាមេដោះរបស់កុមារអ៊ុក សុចិត្រា ទើបបង្កឱ្យមានការភ្ញាក់ផ្អើល រាយការណ៍ទៅសមត្ថកិច្ច ហើយឈានទៅដាក់ពាក្យបណ្តឹងស្រាវជ្រាវ និងឃាត់ខ្លួនស្ត្រីទាំង២នាក់ ព្រមទាំងនាំយកក្មេងរងគ្រោះឱ្យឪពុកម្តាយរបស់គេវិញ ។
ស្ត្រីទាំង២នាក់ដែលត្រូវសាច់ញាតិក្មេងរងគ្រោះចោទប្រកាន់ពីការចាប់យកកូនរបស់ខ្លួននោះ ម្នាក់ឈ្មោះសំ កញ្ញាដាលីស អាយុ២៦ឆ្នាំ និងម្នាក់ទៀតឈ្មោះស៊ុំ ស្រីណែត អាយុ៣១ឆ្នាំ។ ស្ត្រីទាំង២នាក់ត្រូវបាននគរបាលប៉ុស្តិ៍ច្បារអំពៅទី១ ប្រគល់ឱ្យនគរបាលស្នងការដ្ឋានខេត្តកណ្តាលចាត់ការតាមច្បាប់ ។ តាមការសាកសួរស្ត្រីទាំង២នេះបានឆ្លើយថា ពួកគេបានឃើញក្មេងតូចនេះឈររេរាក្បែររបងវត្តក៏នាំយកមកបម្រុងប្រគល់ទៅឱ្យអង្គការ ព្រោះស្មានថាក្មេងតូចនេះអាចរងនឹងទារុណកម្ម ។ ការឆ្លើយបែបនេះមិនទាន់ត្រូវបានវាយតម្លៃបែបណានៅឡើយទេ ពីក្រុមសមត្ថកិច្ច ៕
ចែករំលែកព័តមាននេះ