ខេត្តស្វាយរៀង ៖ ក្មេងស្ទាវអាយុ១៧ឆ្នាំម្នាក់ត្រូវសមត្ថកិច្ចចាប់ខ្លួនពីបទចាប់ប្អូនស្រីជីដូនមួយអាយុ៧ឆ្នាំរំលោភសេពសន្ថវៈរហូតបានសម្រេច និងគំរាមមិនឱ្យនិយាយប្រាប់គេ បើប្រាប់នឹងត្រូវវាយសម្លាប់ចោល ។ ករណីនេះកើតឡើងកាលពីថ្ងៃទី១៩ កុម្ភៈ វេលាម៉ោង៨ព្រឹក នៅចំណុចគុម្ពអំពៅ ខាងត្បូងផ្ទះក្មេងស្ទាវរូបនេះចម្ងាយប្រមាណជាង១០ម៉ែត្រស្ថិតនៅភូមិថ្នល់កែង សង្កាត់ពោធិ៍តាហោ ក្រុងស្វាយរៀង ។
បើតាមនគរបាលប៉ុស្ដិ៍រដ្ឋបាលសង្កាត់ពោធិ៍តាហោ បានឱ្យដឹងថា ក្មេងស្ទាវរូបនេះឈ្មោះចិន ចិន្ដា អាយុ១៧ឆ្នាំ មានទីលំនៅក្នុងភូមិកើតហេតុខាងលើ ។ ប្រភពដដែលបន្តទៀតថា មុនពេលកើតហេតុឈ្មោះចិន្ដានេះបានហៅប្អូនស្រីជីដូនមួយដែលមានផ្ទះជាប់គ្នាឱ្យមកផ្ទះរបស់ខ្លួន រួចឱ្យបេះផ្លែស្វាយហូប ពេលបេះបានផ្លែស្វាយរួចក៏បបួលទៅហូបនៅអង្រឹងចងក្រោមដើមស្វាយខាងត្បូងផ្ទះក្នុងចម្ការអំពៅចម្ងាយប្រមាណជាង១០ម៉ែត្រ ក្រោយពីកុមារីរងគ្រោះហូបស្វាយហើយក៏បបួលរួមភេទ ពេលនោះប្អូនស្រីជីដូនមួយមិនព្រម ក៏ចាប់អូសដៃនាងចូលក្នុងគុម្ពអំពៅរួចយកដៃខ្ទប់មាត់សម្លុតមិនឱ្យស្រែកហើយចាប់រំលោភទាំងកំរោលរហូតបានសម្រេចធ្វើឱ្យក្មេងស្រីរងគ្រោះទើបតែអាយុ៧ឆ្នាំឈឺចាប់យ៉ាងខ្លាំង តែមិនហ៊ានស្រែកឬប្រាប់គេទេ ម្យ៉ាងម្ដាយនិងបងៗមិននៅផ្ទះទុកឱ្យនាងតូចចាំផ្ទះតែម្នាក់ឯងទៀត ។ រីឯក្មេងស្ទាវនេះមានឪពុកឈឺស្លាប់មួយចំហៀងខ្លួនដេកក្នុងផ្ទះ ចំណែកម្ដាយនិងបងៗក៏ទៅធ្វើការអស់ដែរ ទើបឆក់ឱកាសបបួលប្អូនស្រីជីដូនមួយមកចាប់រំលោភតែម្ដង ។
ប្រភពបន្តថា លុះដល់ម៉ោង៩និង៣០នាទីព្រឹកថ្ងៃដដែលបងស្រីកុមារីរងគ្រោះមកដល់ឃើញឈាមប្រឡាក់ក៏បានសួរនាំ ទើបដឹងរឿងក៏ទៅហៅម្ដាយមកប្ដឹងលោកអធិការក្រុងស្វាយរៀង ចាប់ខ្លួនជននេះបាននៅវេលាម៉ោង៣រសៀល ក៏ប៉ុន្តែក្មេងស្ទាវឡើងកនេះបានប្រកែក ។ ក្រោយមកសមត្ថកិច្ចបាននាំកុមារីរងគ្រោះទៅមន្ទីរពេទ្យខេត្តដើម្បីពិនិត្យហើយឃើញថា ប្រដាប់ភេទរបស់នាងតូចដាច់ដោចមានរបួសធ្ងន់ធ្ងរ ក៏បានឱ្យសមត្ថកិច្ចទៅពិនិត្យកន្លែងកើតហេតុគឺពិតជាមានការចាប់រំលោភប្រាកដមែន ហើយក៏យកកុមារីរងគ្រោះនៅសម្រាកព្យាបាលនៅមន្ទីរពេទ្យបង្អែកខេត្ត រួចឃាត់ខ្លួនជនសង្ស័យនៅអធិការដ្ឋាននគរបាលក្រុងដើម្បីកសាងសំណុំរឿងបញ្ជូនទៅស្នងការដ្ឋាននគរបាលខេត្តចាត់ការបន្ត ។
រហូតមកដល់ថ្ងៃទី២០ កុម្ភៈ េវលាម៉ោង១រសៀល លោកអធិការមិនអនុញ្ញាតឱ្យថតរូបក្មេងស្ទាវរូបនេះទេ ដោយប្រាប់ថា សមត្ថកិច្ចកំពុងស៊ើុបអង្កេត ៕
ចែករំលែកព័តមាននេះ