រាជធានីភ្នំពេញ ៖ ប្រជាពលរដ្ឋសហគមន៍បុរីកីឡា បាននាំគ្នាមកដុតធូបនៅមុខព្រះអង្គដងកើ កាលពីវេលាម៉ោង៣រសៀលថ្ងៃទី២០កុម្ភៈ ២០១៤ ក្នុងថ្ងៃទិវាយុត្តិធម៌សង្គមពិភពលោក ដើម្បីបួងសួង ក៏ដូចជាអំពាវនាវដល់រាជរដ្ឋាភិបាលអាណត្តិថ្មីនេះ ជួយផ្តល់យុត្តិធម៌ដល់ប្រជាពលរដ្ឋសហគមន៍បុរីកីឡា ដែលរងគ្រោះក្នុងការបណ្តេញចេញពីលំនៅឋាន ។
រាជធានីភ្នំពេញ ៖ ប្រជាពលរដ្ឋសហគមន៍បុរីកីឡា បាននាំគ្នាមកដុតធូបនៅមុខព្រះអង្គដងកើ កាលពីវេលាម៉ោង៣រសៀលថ្ងៃទី២០កុម្ភៈ ២០១៤ ក្នុងថ្ងៃទិវាយុត្តិធម៌សង្គមពិភពលោក ដើម្បីបួងសួង ក៏ដូចជាអំពាវនាវដល់រាជរដ្ឋាភិបាលអាណត្តិថ្មីនេះ ជួយផ្តល់យុត្តិធម៌ដល់ប្រជាពលរដ្ឋសហគមន៍បុរីកីឡា ដែលរងគ្រោះក្នុងការបណ្តេញចេញពីលំនៅឋាន ។
ស្ត្រីម្នាក់ដែលស្ថិតក្នុងសហគមន៍បុរីកីឡា បានចូលរួមមកដុតធូបនៅព្រះអង្គដងកើបាននិយាយថា ប្រជាពលរដ្ឋសហគមន៍បុរីកីឡាភូមិទី១២ ស្ថិតក្នុងសង្កាត់វាលវង់ ខណ្ឌ៧មករា បានរងគ្រោះដោយសារតែក្រុមហ៊ុនផានអ៊ីម៉ិច ប្រើកម្លាំងប្រដាប់អាវុធចម្រុះមកឈូសឆាយ និងកម្ទេចផ្ទះរបស់ប្រជាពលរដ្ឋកាលពីខែមករា ២០១២ កន្លងទៅ ទាំងអយុត្តិធម៌ ធ្វើឱ្យប្រជាពលរដ្ឋរងទុក្ខយ៉ាងវេទនា ហើយបង្ខំចិត្តរស់នៅក្បែរគំនរសំរាម និងក្រោមជណ្តើររហូតដល់បច្ចុប្បន្ន ដោយពួកគាត់រង់ចាំឱ្យរាជរដ្ឋាភិបាលថ្មីផ្តល់ភាពយុត្តិធម៌ តែរហូតមកដល់ថ្ងៃនេះ គឺសូន្យដដែល ។
នៅពេលថ្មីៗនេះទៀត ប្រជាពលរដ្ឋសហគមន៍បុរីកីឡា ត្រូវកម្លាំងសមត្ថកិច្ចចម្រុះខណ្ឌ៧មករាប្រើអំពើហិង្សាដោយបណ្តេញចេញពីអគារទី៩ និងបានវាយដំដល់ប្រជាពលរដ្ឋប្រុស-ស្រីឲ្យរងរបួសទៀតផង ។ ដោយអស់សង្ឃឹមទៅលើអាជ្ញាធរ ក៏ដូចជាតុលាការទើបនៅរសៀលថ្ងៃទី២០ កុម្ភៈ ២០១៤ ដែលត្រូវនឹងថ្ងៃទិវាយុត្តិធម៌សង្គមពិភពលោក បងប្អូនប្រជាពលរដ្ឋសហគមន៍បុរីកីឡានាំគ្នាជិះរ៉ឺម៉កម៉ូតូកង់បួនមកព្រះអង្គដងកើដើម្បីនាំគ្នាដុតធូបបុណ្យ បន់ស្រន់សុំឲ្យរាជរដ្ឋាភិបាលអណត្តិថ្មីនេះ ជួយផ្តល់យុត្តិធម៌ជូនប្រជាពលរដ្ឋបុរីកីឡា ដែលកំពុងគ្មានទីជម្រករស់នៅនេះ ។
ចែករំលែកព័តមាននេះ