ខេត្តបន្ទាយមានជ័យ ៖ នៅបញ្ជាការដ្ឋាននគរបាលវរសេនាតូចការពារព្រំដែនគោកលេខ៨៩១ កាលពីរសៀលថ្ងៃទី២០ កុម្ភៈ ២០១៤ នេះ មានរៀបចំពិធីប្រកាសមុខតំណែង និងបំពាក់ឋានន្តរស័ក្តិជូនដល់មន្ត្រីនគរបាលជាតិ វរសេនាតូចការពារព្រំដែនគោកលេខ៨៩១ នៃស្នងការដ្ឋាននគរបាលខេត្តបន្ទាយមានជ័យចំនួន២៦រូប ក្រោមអធិបតីភាពលោកវរសេនីយ៍ឯក សំ ជិត ស្នងការរងទទួលការងារ
ខេត្តបន្ទាយមានជ័យ ៖ នៅបញ្ជាការដ្ឋាននគរបាលវរសេនាតូចការពារព្រំដែនគោកលេខ៨៩១ កាលពីរសៀលថ្ងៃទី២០ កុម្ភៈ ២០១៤ នេះ មានរៀបចំពិធីប្រកាសមុខតំណែង និងបំពាក់ឋានន្តរស័ក្តិជូនដល់មន្ត្រីនគរបាលជាតិ វរសេនាតូចការពារព្រំដែនគោកលេខ៨៩១ នៃស្នងការដ្ឋាននគរបាលខេត្តបន្ទាយមានជ័យចំនួន២៦រូប ក្រោមអធិបតីភាពលោកវរសេនីយ៍ឯក សំ ជិត ស្នងការរងទទួលការងារព្រំដែន តំណាងឱ្យលោកឧត្តមសេនីយ៍ត្រីខេង ស៊ុំ ស្នងការនគរបាលខេត្តបន្ទាយមានជ័យ ។
នាឱកាសនោះ ក៏មានការអញ្ជើញចូលរួមពីលោកនាយការិយាល័យបុគ្គលិក, លោកមេបញ្ជាការ, មេបញ្ជាការរង និងមន្ត្រីនគរបាលនៃវរសេនាតូចការពារព្រំដែនគោកលេខ៨៩១ជាច្រើននាក់ទៀត ។
លោកវរសេនីយ៍ទោ ហាំ វណ្ណៈ មេបញ្ជាការវរសេនាតូចលេខ៨៩១ បានធ្វើសេចក្តីរាយការណ៍ជុំវិញសភាពការណ៍នៅតាមបន្ទាត់ព្រំដែន និងកិច្ចសហប្រតិបត្តិការ រក្សាការពារសន្តិសុខ សណ្តាប់ធ្នាប់ ជូនប្រជាពលរដ្ឋរស់នៅតាមខ្សែបន្ទាត់ព្រំដែន ។ លោកវរសេនីយ៍ទោម៉ក់ ឧត្តម នាយការិយាល័យបុគ្គលិក អានសេចក្តីសម្រេច របស់អគ្គស្នងការនគរបាលជាតិសម្រេច ត្រូវដំឡើង និងបំពាក់ឋានន្តរស័ក្តិជូនមន្ត្រីនគរបាលនៃវរសេនាតូចការពារព្រំដែនគោកលេខ៨៩១ ចំនួន២៦រូប មានឋានៈជានាយនាយរងប៉ុស្តិ៍ នាយនាយរងផ្នែក និងមន្ត្រី ក្នុងនោះមានថ្នាក់អនុសេនីយ៍ឯកចំនួន៧រូប, ថ្នាក់អនុសេនីយ៍ទោចំនួន១៦រូប និងថ្នាក់អនុសេនីយ៍ត្រីចំនួន៣រូប ហើយក៏ត្រូវបានដំឡើងតំណែងមកជាថ្នាក់មេបញ្ជាការរងនៃវរសេនាតូចលេខ៨៩១ ក្នុងម្នាក់។
ចែករំលែកព័តមាននេះ