រាជធានីភ្នំពេញ ៖ សាខាកាកបាទក្រហមកម្ពុជារាជធានីភ្នំពេញ កាលពីព្រឹកថ្ងៃទី២០ កុម្ភៈ ២០១៤ នេះ បាននាំយកអំណោយរបស់សប្បុរសជនជាអង្ករ ថវិកា និងគ្រឿងឧបភោគ បរិភោគជាច្រើនមុខ ជូនលោកយាយចាស់ជរាអាយុ១០៧ឆ្នាំ ដែលរស់នៅម្នាក់ឯង នៅក្នុងខណ្ឌមានជ័យ រាជធានីភ្នំពេញ។ អំណោយត្រូវបានយកទៅប្រគល់ជូនលោកយាយដោយលោកវឿន នី តំណាងឱ្យលោកឌួង
រាជធានីភ្នំពេញ ៖ សាខាកាកបាទក្រហមកម្ពុជារាជធានីភ្នំពេញ កាលពីព្រឹកថ្ងៃទី២០ កុម្ភៈ ២០១៤ នេះ បាននាំយកអំណោយរបស់សប្បុរសជនជាអង្ករ ថវិកា និងគ្រឿងឧបភោគ បរិភោគជាច្រើនមុខ ជូនលោកយាយចាស់ជរាអាយុ១០៧ឆ្នាំ ដែលរស់នៅម្នាក់ឯង នៅក្នុងខណ្ឌមានជ័យ រាជធានីភ្នំពេញ។ អំណោយត្រូវបានយកទៅប្រគល់ជូនលោកយាយដោយលោកវឿន នី តំណាងឱ្យលោកឌួង អេលីត នាយកពិធីការកាកបាទក្រហមកម្ពុជា និងលោកយ៉ិន វុធ ចៅសង្កាត់ច្បារអំពៅ២ ។
លោកយាយយុគ ជិន រស់នៅភូមិដើមចាន់១ សង្កាត់ច្បារអំពៅ២ ខណ្ឌមានជ័យ រាជធានីភ្នំពេញ ដែលសព្វថ្ងៃលោកយាយរស់នៅម្នាក់ឯង គ្មានកូនចៅ ឬសាច់ញាតិណានៅជាមួយនោះទេ ។ កន្លងមក លោកយាយរស់បាន គឺដោយសារអ្នកជិតខាងរបងជាមួយមានការអាណិតអាសូរ បានជួយផ្តល់ជាអាហារ ឬគ្រឿងបរិភោគផ្សេងៗសម្រាប់បរិភោគទ្រទ្រង់ជីវិត។
អំណោយដែលត្រូវផ្តល់ជូនលោកយាយមាន អង្ករ៥០គីឡូក្រាម ទឹកសុទ្ធឱរ៉ាល់១កេស ត្រីខ១យួរ ឃីតមួយកញ្ចប់ ។ ដោយឡែក គ្រឿងឧបភោគ បរិភោគមួយចំនួនទៀត មានមីបួនកេស ទឹកដោះគោ១០កំប៉ុង ទឹកផ្លែឈើ ត្រីខ ទឹកត្រី ទឹកស៊ីអ៊ីវ និងថវិកា១០ម៉ឺនរៀល ជាអំណោយរបស់ហាងវ៉ែនតាឡាច ប៊ុនអាន ។
ចែករំលែកព័តមាននេះ