រាជធានីភ្នំពេញ ៖ នៅលើសង្វៀនទូរទស្សន៍រាជធានីភ្នំពេញបុ៉ស្តិ៍លេខ៣ ថ្ងៃអាទិត្យ ទី២៣ កុម្ភៈសប្តាហ៍នេះប្រជុំទៅដោយអ្នកប្រដាល់ទាំងជើងចាស់ និងជើងថ្មីចំនួន៥គូដែលត្រូវឡើងសាកកណ្តាប់ដៃគ្នាជូនទស្សនិកជនបានទស្សនាកម្សាន្តនាថ្ងៃសម្រាកចុងសប្តាហ៍ ។
រាជធានីភ្នំពេញ ៖ នៅលើសង្វៀនទូរទស្សន៍រាជធានីភ្នំពេញបុ៉ស្តិ៍លេខ៣ ថ្ងៃអាទិត្យ ទី២៣ កុម្ភៈសប្តាហ៍នេះប្រជុំទៅដោយអ្នកប្រដាល់ទាំងជើងចាស់ និងជើងថ្មីចំនួន៥គូដែលត្រូវឡើងសាកកណ្តាប់ដៃគ្នាជូនទស្សនិកជនបានទស្សនាកម្សាន្តនាថ្ងៃសម្រាកចុងសប្តាហ៍ ។
ក្នុងចំណោមកីឡាករទាំង៥គូនេះ គេចាប់អារម្មណ៍ខ្លាំងជាងគេលើជំនួបប្រកួតរវាងអ្នកប្រដាល់ជើងថ្មី ធី តុងហុី មកពីក្លិបសាលវ័ន្តកីឡា ដែលថ្លើមធំចង់សាកកម្លាំងជាមួយអ្នកប្រដាល់ចាស់វស្សា នួន ភិរក្ស មកពីសមាគមកីឡាប្រដាល់ក្រសួងមហាផ្ទៃ ។ រវាង ធី តុងហុី និងនួន ភិរក្ស បើនិយាយពីប្រវត្តិឡើងសង្វៀនប្រកួតវិញនោះគឺខុសគ្នាឆ្ងាយណាស់ ។ ធី តុងហុី ទើបតែលេចមុខនៅលើសង្វៀនមិនសូវជាយូរបុ៉ន្មានទេ ឯ នួន ភិរក្ស វិញគេបានឈានជើងឡើងសង្វៀនជាយូរមកហើយ។ ទោះបីយ៉ាងណា ការមកប៉ះ ធី តុងហុី លើកនេះគេនៅមិនទាន់ដឹងថា អាចបង្ក្រាបអ្នកប្រដាល់ជើងថ្មីម្នាក់នេះបានឬអត់នោះទេ ។
ធី តុងហុី មួយរយៈមកនេះយីអ៊ុនរបស់គេឡើងខ្ពស់គួរសម គឺប្រកួតមិនសូវដែលចាញ់ឡើយ បុ៉ន្តែសម្រាប់តែអ្នកប្រដាល់ជើងថ្មីដូចគ្នាបុ៉ណ្ណោះ ចំពោះការមកប៉ះកីឡាករចាស់វស្សាដូចជា នួន ភិរក្ស លើកនេះមិនដឹងថា គេអាចទៅរួចឬអត់នោះទេ ។ នួន ភិរក្ស បើនិយាយពី កម្លាំងគឺខ្សោយជាងមុនបន្តិចហើយ តែបើនិយាយពីល្បិចប្រយុទ្ធទាំងស្នៀតកែង និងជង្គង់គឺនៅល្អដដែល ។ តាមពិត បើសិនជា នួន ភិរក្ស នៅមានកម្លាំងខ្លាំងដូចមុននោះ ប្រហែលជា ធី តុងហុី មិនថ្លើមធំរហូតហ៊ានបបួលគេឡើងរេញវាយគ្នាបែបនេះដែរ ។ ចាំ មើល នួន ភិរក្ស ប្រើស្នៀតអីវាយដើម្បីបញ្ចប់ភាពក្អេងក្អាងរបស់ ធី តុងហុី ឬក៏ត្រូវសិស្សប្អូនរូបនេះបំបាក់ឱ្យខ្មាសគេ។
នៅលើសង្វៀនដដែល ក្រៅពីគូចាប់អារម្មណ៍នេះទៅនៅមានការប្រកួតរវាងកីឡាករផាន់ សុវណ្ណ មកពីក្លិបមិត្តប៉ូលិស និងកីឡាករភុន សោភ័ណ្ឌ មកពីក្លិបយុវកីឡាខេត្តកណ្តាល។ កីឡាករផាន់ ពិសិដ្ឋ មកពីក្លិបគជសារកីឡា ជួបជាមួយកីឡាករអាន សុផល មកពីក្លិបមិត្តប៉ូលិស ។
កីឡាករងួន គា មកពីសមាគមកីឡាប្រដាល់ក្រសួងការពារជាតិ ជួបជាមួយកីឡាករស្រិល ទ្រី មកពីក្លិបគជសារកីឡា និងកីឡាករតូច ទូ មកពីក្លិបកងយោធពលខេមរភូមិន្ទ ជួបជាមួយកីឡាករសុខ ចំរើន មកពីមជ្ឈមណ្ឌលសកម្មភាពកម្ចាត់មីនកម្ពុជា ៕
ចែករំលែកព័តមាននេះ