នូវែលសេឡង់ ៖ អ្នកប្រដាល់ជើងខ្លាំងគុនខ្មែរលន បញ្ញា ពិតជាធ្វើបានសម្រេចដូចការរំពឹងទុកមែន បន្ទាប់ពីរូបគេយកឈ្នះកីឡាករម្ចាស់ផ្ទះ Daniel Ruwangaដោយពិន្ទុក្លាយជាម្ចាស់ខ្សែក្រវាត់ក្នុងប្រភេទទម្ងន់៦៨គីឡូក្រាមក្នុងការប្រកួតកាលពីថ្ងៃទី២១ មិថុនា នៅលើសង្វៀននៃប្រទេសនូវែលសេឡង់លើកដំបូង។…
នូវែលសេឡង់ ៖ អ្នកប្រដាល់ជើងខ្លាំងគុនខ្មែរលន បញ្ញា ពិតជាធ្វើបានសម្រេចដូចការរំពឹងទុកមែន បន្ទាប់ពីរូបគេយកឈ្នះកីឡាករម្ចាស់ផ្ទះ Daniel Ruwangaដោយពិន្ទុក្លាយជាម្ចាស់ខ្សែក្រវាត់ក្នុងប្រភេទទម្ងន់៦៨គីឡូក្រាមក្នុងការប្រកួតកាលពីថ្ងៃទី២១ មិថុនា នៅលើសង្វៀននៃប្រទេសនូវែលសេឡង់លើកដំបូង។
លន បញ្ញា និងDaniel Ruwangaបានបង្ហាញភាពស្វិតស្វាញក្នុងការប្រកួត៥ទឹកពេញ ដោយ
អ្នកទាំងពីរបានដើរចូលវាយកែង និងជង្គង់ដាក់គ្នាគ្មានបង្អង់ឡើយធ្វើឱ្យការប្រកួតចាប់ពីទឹកទី១ដល់ទឹកទី៤ស្ថិតក្នុងសភាពប្រដំប្រសងគ្នា។ទោះបីជាយ៉ាងណាចូលដល់ទឹកទី៥លន បញ្ញាបានបង្កើនការវាយសម្រុកខ្លាំងជាងមុនបង្ខំឲ្យគូប្រកួតដកថយនិងស្ថិតក្នុងស្ថានភាពស្ទើរទប់ជំហរប្រកួតលែងបានម្ដងៗទៅហើយ។ ជាលទ្ធផលក្រោយចប់ការប្រកួតលន បញ្ញា ត្រូវបានកាត់ក្ដីឱ្យឈ្នះកីឡាករម្ចាស់ផ្ទះក្លាយជាម្ចាស់ខ្សែក្រវាត់ក្នុងប្រភេទទម្ងន់៦៨គីឡូក្រាម។
ចំណែកគូប្រកួតដណ្ដើមខ្សែក្រវាត់ចំនួន២គូទៀត កីឡាករ ឡៅ ចន្ទ្រា ត្រូវកីឡាករSuran Juanmiry វាយឲ្យសន្លប់នៅត្រឹមទឹកទី១ ខណះកីឡាករថៃ រ៉េត ក៏ត្រូវកីឡាករម្ចាស់ផ្ទះArshia Ebadiវាយឲ្យសន្លប់ត្រឹមទឹកទី៣ ។ កីឡាករថៃ រ៉េត បានវាយគូប្រកួតឲ្យរាប់ម្ដងនៅទឹកទី១ ប៉ុន្តែបែរជាបាត់បង់ឱកាសនៅត្រឹមទឹកទី៣ទៅវិញ។
ដោយឡែកសម្រាប់គូប្រកួតមិត្តភាពវិញកីឡាករធន់ ចាន់តាក់ បានផ្ដួលកីឡាករIssac Tshikulaឲ្យសន្លប់ត្រឹមទឹកទី១ និងកីឡាករធន់ វណ្ណា ចាញ់ពិន្ទុកីឡាករDominic Reed។
ការប្រកួតលើកនេះទទួលបានការចាប់អារម្មណ៍ខ្លាំងមែនទែនពីអ្នកគាំទ្រទាំងខ្មែរ និងបរទេស ជាពិសេសប្រជាពលរដ្ឋនូវែលសេឡង់ផ្ទាល់តែម្ដង បានចូលទស្សនាផ្ទាល់យ៉ាងច្រើនកុះករ ។ ការចូលរួមគាំទ្រនេះហើយធ្វើឱ្យកម្ពុជាកាន់តែមានមោទនភាពថែមទៀតក្នុងការផ្សព្វផ្សាយក្បាច់គុនខ្មែរនៅលើឆាកអន្តរជាតិ៕
ចែករំលែកព័តមាននេះ