ADផ្ទាំងផ្សព្វផ្សាយពាណិជ្ជកម្ម

សពទារកម្នាក់ត្រូវគេប្លុងចោលនៅម្តុំវាលស្រែមួយរយក្រុងស្ទឹងសែន បង្កការភ្ញាក់ផ្អើល

11 ឆ្នាំ មុន

២០ ខែ កុម្ភៈ ឆ្នាំ ២០១៤ ម៉ោង ០៣:៤៣

ខេត្តកំពង់ធំ ៖ សពទារកម្នាក់ ត្រូវប្រជាពលរដ្ឋប្រទះឃើញប្លុងចោលនៅម្តុំវាលស្រែមួយរយ ខណៈដែលសពមានសភាពរលួយទៅហើយ បង្កឱ្យភ្ញាក់ផ្អើលកាលពីវេលាម៉ោងរសៀលថ្ងៃទី១៩ កុម្ភៈ ២០១៤ ស្ថិតក្នុងភូមិកំពង់រទេះ សង្កាត់កំពង់រទេះ ក្រុងស្ទឹងសែន ខេត្តកំពង់ធំ ។

បើតាមការសន្និដ្ឋានពីសមត្ថកិច្ចបានឱ្យដឹងថា សពទារកត្រូវគេយកមកបោះចោលក្នុងលូទឹកអំឡុងប្រហែល៣ ទៅ៤ថ្ងៃមកហើយ ដែលធ្វើឱ្យពិបាកក្នុងការត្រួតពិនិត្យ ព្រោះមានសភាពរលួយស្អុយ ។

ជុំវិញករណីនេះ ប្រជាពលរដ្ឋខ្លះនិយាយថា មិនដឹងជាម្តាយ ឬជាអ្នកណានោះទេ មានចិត្តតិរច្ឆានណាស់ ចេះបង្កើតកូនហើយ តែបែរជាគ្មានចិត្តធម៌មេត្តាសោះ សុខចិត្តយកមកបោះចោលយ៉ាងដូច្នេះ ។ អ្វីដែលផ្តោតការចាប់អារម្មណ៍នោះ គឺនៅជិតកន្លែងកើតហេតុ ជាកន្លែងភោនីយដ្ឋាន និងខារ៉ាអូខេដែលប្រមូលផ្តុំដោយស្ត្រីរកស៊ីផ្លូវភេទផងដែរ ។