ខេត្តព្រៃវែង ៖ ព្រូឡានម្នាក់រងរបួសយ៉ាងធ្ងន់ធ្ងរ ខណៈដែលបើករថយន្តជ្រុលទៅបុកដើមស្រល់នៅចិញ្ចើមផ្លូវយ៉ាងពេញទំហឹង បណ្តាលឱ្យក្បាលរថយន្តក្រពិតរួញកៀបជាប់ជើងបុរសរងគ្រោះមួយចំហៀង កាលពីវេលាម៉ោង១០ និង៣០នាទីព្រឹកថ្ងៃទី២០ កុម្ភៈ ២០១៤ ស្ថិតនៅចំណុចគល់ស្ពានក្នុងភូមិលេខ៧ សង្កាត់កំពង់លាវ ក្រុងព្រៃវែង ។
ខេត្តព្រៃវែង ៖ ព្រូឡានម្នាក់រងរបួសយ៉ាងធ្ងន់ធ្ងរ ខណៈដែលបើករថយន្តជ្រុលទៅបុកដើមស្រល់នៅចិញ្ចើមផ្លូវយ៉ាងពេញទំហឹង បណ្តាលឱ្យក្បាលរថយន្តក្រពិតរួញកៀបជាប់ជើងបុរសរងគ្រោះមួយចំហៀង កាលពីវេលាម៉ោង១០ និង៣០នាទីព្រឹកថ្ងៃទី២០ កុម្ភៈ ២០១៤ ស្ថិតនៅចំណុចគល់ស្ពានក្នុងភូមិលេខ៧ សង្កាត់កំពង់លាវ ក្រុងព្រៃវែង ។
ប្រភពបានឱ្យដឹងថា ជនរងគ្រោះឈ្មោះប៊ូ ផូ អាយុ៣៤ឆ្នាំ (រងរបួសដាច់ប្រអប់ជើង) រីឯអ្នកបើកបរឈ្មោះយី ធា អាយុ២៨ឆ្នាំ ពុំមានរងរបួសធ្ងន់ធ្ងរនោះទេ បានរត់គេចបាត់ស្រមោល ។
ប្រភពបានបន្តថា មុនពេលកើតហេតុ គេឃើញរថយន្តខាងលើ ម៉ាកហ៊ីយ៉ាន់ដាយដឹកស្រូវមួយគ្រឿងពាក់ស្លាកលេខភ្នំពេញ 3C-2033 ធ្វើដំណើរពីទិសខាងត្បូង ឆ្ពោះទៅខាងជើង លុះមកដល់ចំណុចកើតហេតុដែលជាទីតាំងការដ្ឋានកំពុងជួសជុលស្ពាន រថយន្តនោះក៏បត់បានបត់ឆ្វេងចុះតាមផ្លូវវាង តែមិនដឹងយ៉ាងម៉េច ស្រាប់តែរថយន្តជ្រុលចង្កូតទៅបុកម៉ូតូមួយគ្រឿងម៉ាកឌ្រីម ដែលម្ចាស់ចតទុកនៅចិញ្ចើមផ្លូវ បណ្តាលឱ្យដួលបែកកាងខាងក្រោយ ហើយរថយន្តក៏បន្តជ្រុលទៅបុកដើមស្រល់ពេញទំហឹងតែម្តង ។
ចែករំលែកព័តមាននេះ