ប្រធានាធិបតីអ៊ុយក្រែន លោក វិកទ័រ អុីយ៉ានូកូវីត ប្រកាស កាលពីយប់ថ្ងៃទី១៩ កុម្ភៈ ពីការចុះហត្ថលេខាលើការផ្អាកការប្រទូស្តរ៉ាយគ្នា ជាមួយពួកប្រឆាំងដែលការប្រកាសនោះធ្វើឡើងប៉ុន្មានម៉ោងប៉ុណ្ណោះ មុនកិច្ចប្រជុំវិសាមញ្ញមួយរបស់រដ្ឋមន្ត្រីការបរទេសសហភាពអឺរ៉ុបដែលផ្តោតលើទណ្ឌកម្មនានាជាយថាហេតុ ប្រឆាំងអ៊ុយក្រែន ។
ប្រធានាធិបតីអ៊ុយក្រែន លោក វិកទ័រ អុីយ៉ានូកូវីត ប្រកាស កាលពីយប់ថ្ងៃទី១៩ កុម្ភៈ ពីការចុះហត្ថលេខាលើការផ្អាកការប្រទូស្តរ៉ាយគ្នា ជាមួយពួកប្រឆាំងដែលការប្រកាសនោះធ្វើឡើងប៉ុន្មានម៉ោងប៉ុណ្ណោះ មុនកិច្ចប្រជុំវិសាមញ្ញមួយរបស់រដ្ឋមន្ត្រីការបរទេសសហភាពអឺរ៉ុបដែលផ្តោតលើទណ្ឌកម្មនានាជាយថាហេតុ ប្រឆាំងអ៊ុយក្រែន ។
កិច្ចព្រមព្រៀងនោះក្នុងពេលចរចាគ្នាសម្រេចបានពេលអ៊ុយក្រែនធ្លាក់ក្នុងអំពើហិង្សា កាលពីថ្ងៃទី១៨ កុម្ភៈ បន្ទាប់មកនាពេលយប់ ។ ការផ្អាកនោះគឺមុននឹងធ្វើការចរចាគ្នា លើគោលដៅបញ្ចប់ការបង្ហូរឈាម និងអស្ថិរភាព ដើម្បីផលប្រយោជន៍នៃសន្តិភាពសង្គម ។
ក្នុងសេចក្តីប្រកាសមួយ វិមានប្រធានាធិបតីអ៊ុយក្រែន គូសបញ្ជាក់ថា កិច្ចព្រមព្រៀងនោះត្រូវបានចរចាគ្នា ជាមួយមេដឹកនាំបាតុកម្មសំខាន់ ៣នាក់គឺអតីតរដ្ឋមន្ត្រីសេដ្ឋកិច្ច លោក អាសឺនី អុីយ៉ាតសឺនីអ៊ុក អតីតកីឡាករប្រដាល់លោក វីតាលី គ្លីតស្កូ និងអ្នកជាតិនិយម លោក អូឡេហ៍ ទីយ៉ានីបុក ។
ការប្រកាសផ្អាកការប្រទូស្តរាយគ្នានោះ ត្រូវបានធ្វើប៉ុន្មានម៉ោងប៉ុណ្ណោះមុនការមកដល់ទីក្រុងគៀវរបស់លោក Laurent Fabius រដ្ឋមន្ត្រីការបរទេសបារាំង និងសមភាគីអាល្លឺម៉ង់ លោក Frank-Walter Steinmeier ព្រមទាំងសមភាគីប៉ូឡូញ លោក Radoslaw Sikorski ។ ប្រមុខការទូតទាំងបីរូបនោះ ត្រូវមកដល់ទីក្រុងគៀវ នាព្រឹកថ្ងៃទី២០ កុម្ភៈ មុនកិច្ចប្រជុំចាប់ពីម៉ោង១៥ទៅនៅក្រុងព្រុចសែល របស់រដ្ឋមន្ត្រីការបរទេសសហភាពអឺរ៉ុប ។
ការផ្អាកប្រទូស្តរ៉ាយគ្នា ប្រកាសដោយលោក អុីយ៉ានូកូវីត អាចមានន័យផងដែរថា កងកម្លាំងសន្តិសុខដែលដណ្តើមកាន់កាប់មួយផ្នែកនៃទីលានឯករាជ្យកាលពីយប់ថ្ងៃទី១៨ មក ១៩ កុម្ភៈ នឹងមិនធ្វើការវាយលុកទៀតឡើយ ។ដោយទទួលការគាំទ្រពីក្រុងមូស្គូ ហើយទោះបីមានការគំរាមដាក់ទណ្ឌកម្មពីសហភាពអឺរ៉ុប និងសហរដ្ឋអាមេរិកក្តី លោក អុីយ៉ានូកូវីត បានបរិហារពីការប៉ុនប៉ងដណ្តើមអំណាចដោយអ្នកនយោបាយមួយចំនួន ចំណែកឯទីភ្នាក់ងារសន្តិសុខរដ្ឋ SBU ប្រកាសបើកធ្វើប្រតិបត្តិការប្រឆាំងភេរវកម្មមួយនៅទូទាំងប្រទេស ។
អំពើហិង្សាកាលពីថ្ងៃទី១៨ កុម្ភៈ និងនាពេលយប់ ជាអំពើហិង្សាបង្ហូរឈាមបំផុតចាប់តាំងពីអ៊ុយក្រែន ទទួលបានឯករាជ្យកាលពីឆ្នាំ១៩៩១មក បណ្តាលឱ្យមនុស្សស្លាប់២៦នាក់ ហើយមនុស្សជាង៦០០នាក់ត្រូវរបួស ។
ប្រទេសរុស្ស៊ីសន្យាប្រើប្រាស់ឥទ្ធិពលរបស់ខ្លួនដើម្បីនាំមកនូវសន្តិភាពវិញ ក្នុងរដ្ឋជាបងប្អូនមួយនេះ ហើយបរិហារអំពើហិង្សាដែលខ្លួនយល់ថា នោះជាអំពើរបស់ពួកជ្រុលនិយមដែលប៉ុនប៉ងធ្វើរដ្ឋប្រហារមួយ ៕
ចែករំលែកព័តមាននេះ