ខេត្តបន្ទាយមានជ័យ ៖ ស្រូវ-អង្ករខ្មែររាប់សិបតោន ត្រូវបានកកស្ទះនៅតាមបន្ទាត់ព្រំដែនក្នុងស្រុកថ្មពួក ខណ:ភាគីថៃរឹតបន្តឹងសន្តិសុខតាមព្រំដែនអស់រយ:ពេលជិតមួយសប្ដាហ៍មកហើយ ។
ខេត្តបន្ទាយមានជ័យ ៖ ស្រូវ-អង្ករខ្មែររាប់សិបតោន ត្រូវបានកកស្ទះនៅតាមបន្ទាត់ព្រំដែនក្នុងស្រុកថ្មពួក ខណ:ភាគីថៃរឹតបន្តឹងសន្តិសុខតាមព្រំដែនអស់រយ:ពេលជិតមួយសប្ដាហ៍មកហើយ ។
រថយន្តផ្ទុកអង្ករ និងស្រូវសុទ្ធតែជាប្រភេទយីឌុប បានចតត្រៀបត្រានៅបន្ទាត់ព្រំដែនក្នុងឃុំគោករមៀត ស្រុកថ្មពួក ហើយរាល់អ្នកបើកបរសុទ្ធតែរអ៊ូររទាំថា ពួកខ្លួនខ្លះដេកចាំការបើកឲ្យដំណើរការពីខាងភាគីថៃអស់រយៈពេល៥ថ្ងៃ ឯអ្នកខ្លះទៀតថាប្រហែលមួយសប្ដាហ៍មកហើយ ។
ក្រុមអ្នកបើកបរបន្តថា បើច្រករបៀងវិញ នៅតាមបន្ទាត់ព្រំដែន គេមិនបើកដំណើរការទេ ពួកខ្លួនក៏មិនអាចដេកចាំយូរខាតពេលវេលានោះដែរ បានឱ្យឈ្មួញទម្លាក់ទំនិញលើរថយន្តចុះ ដើម្បីវិលត្រឡប់ទៅស្រុកកំណើតវិញ ។អង្ករ-ស្រូវនៅលើរថយន្តទាំងអស់ ត្រូវក្រុមអ្នកបើកបរប្រាប់ថា យកមកពីខេត្តកំពង់ធំ, ស្វាយរៀង, ព្រៃវែង និងបាត់ដំបង ។ ការកកស្ទះមិនអាចនាំចេញបាននេះ ត្រូវបានប្រភពអះអាងថា ដោយសារភាគីថៃរឹតបណ្តឹងសន្តិសុខតាមបន្ទាត់ព្រំដែនរបស់គេ ។អង្ករនិងស្រូវខ្មែរដែលនាំចេញទៅលក់ប្រទេសថៃតាមច្រករបៀងក្នុងខេត្តបន្ទាយមានជ័យ គេកត់សម្គាល់ថាក្នុងមួយឆ្នាំៗមិនតិចឡើយ ប៉ុន្តែពាក់ព័ន្ធនិងតម្លៃទីផ្សារមិនមាននរណាម្នាក់ប្រាប់នោះទេ។
ចែករំលែកព័តមាននេះ