យោងតាមទីភ្នាក់ងារព័ត៌មានកូរ៉េខាជើង YONHAP ថា សរុបជនជាតិកូរ៉េខាងត្បូង៨២នាក់ ជាសមាជិកនៃបណ្ដាគ្រួសារដែលព្រាត់គ្នាចាប់តាំងពីសង្គ្រាមកូរ៉េមកបានធ្វើដំណើរមកកាន់ភ្នំ KUMGANG ក្នុងទឹកដីកូរ៉េខាងជើង កាលពីព្រឹកថ្ងៃទី២០ កុម្ភៈ ។ នេះជាការបើកជាថ្មីនៃការជួបជុំសាច់ញាត់គ្រួសារព្រាត់គ្នា ក្រោយពីផ្អាកអស់រយៈពេល៣ឆ្នាំ និង៤ខែរួចមក ។
យោងតាមទីភ្នាក់ងារព័ត៌មានកូរ៉េខាជើង YONHAP ថា សរុបជនជាតិកូរ៉េខាងត្បូង៨២នាក់ ជាសមាជិកនៃបណ្ដាគ្រួសារដែលព្រាត់គ្នាចាប់តាំងពីសង្គ្រាមកូរ៉េមកបានធ្វើដំណើរមកកាន់ភ្នំ KUMGANG ក្នុងទឹកដីកូរ៉េខាងជើង កាលពីព្រឹកថ្ងៃទី២០ កុម្ភៈ ។ នេះជាការបើកជាថ្មីនៃការជួបជុំសាច់ញាត់គ្រួសារព្រាត់គ្នា ក្រោយពីផ្អាកអស់រយៈពេល៣ឆ្នាំ និង៤ខែរួចមក ។
បណ្ដាមនុស្សដែលសម្រាំងសម្រាប់ការជួបជុំជាមួយសាច់ញាតិនៅកូរ៉េខាងជើង នឹងអាចស្នាក់អាស្រ័យរយៈពេល៣ថ្ងៃ នៅកូរ៉េខាងជើង ហើយសរុបជនជាតិកូរ៉េខាងត្បូងដល់ទៅ១៧៨នាក់ អាចបានមកជួបជុំសាច់ញាតិក្នុងនោះមានលោកតាម្នាក់ដែលឈឺក្រោកមិនរួចអាយុ ៩១ឆ្នាំ ផងដែលចង់ជួបមុខពួកកូនៗគាត់នៅជីវិតចុងក្រោយ ។
ព្រឹកថ្ងៃទី២០ កុម្ភៈ ជាមួយការចូលរួមរបស់រដ្ឋមន្ដ្រីក្រសួងបង្រួបបង្រួមលោក RYOO KHIL-JAE ផងបណ្ដារថយន្ដបឺសដឹកអ្នកទាំងនោះចាកចេញពីទីក្រុង SOKCHO ទៅកាន់តំបន់ហាមមិនឱ្យមានកងទ័ព ស្ថិតនៅចម្ងាយ៥០គីឡូម៉ែត្រ ភាគខាងជើងទីក្រុង ជាប់មាត់សមុទ្រនោះ ។ ពេលទៅដល់ប៉ុស្ដិ៍ព្រំដែន ក្រុមនោះនឹងឡើងជិះរថយន្ដបឺសបន្ដដំណើរទៅកាន់ភ្នំ KUMGANG ។ រថយន្ដបឺស ដែលរត់ក្នុងទឹកដីកូរ៉េខាងជើងនោះជារបស់ក្រុមហ៊ុន HYUNDAI ASAN ជាក្រុមហ៊ុនគ្រប់គ្រងដាច់មុខទីតាំងទេសចរណ៍អន្ដរកូរ៉េនៅតំបន់ភ្នំ KUMGANG ។ ក៏ប៉ុន្ដែចាប់តាំងពីការស្លាប់នារីអ្នកទេសចរកូរ៉េខាងត្បូងម្នាក់កាលពីឆ្នាំ២០០៨ ដោយសារគ្រាប់កាំភ្លើងរបស់ទាហានកូរ៉េខាងជើងមក ទេសចរណ៍អន្ដរកូរ៉េនៅតំបន់ភ្នំនោះត្រូវផ្អាក ខណៈកូរ៉េខាងជើងស្វះស្វែងជំរុញឱ្យបើកសកម្មភាពទេសចរណ៍នេះឡើងវិញ ។
ការជួបជុំសាច់ញាតិគ្រួសារព្រាត់គ្នា ត្រូវចាប់ផ្ដើមនាថ្ងៃទី២០ កុម្ភៈ ពីម៉ោង១៥ទៅនៅសណ្ឋាគារ KUMGANGSAN ហើយមានពិធីជប់លៀងមួយរៀបចំដោយកូរ៉េខាងជើងចាប់ពីម៉ោង១៩ទៅ ។ បណ្ដាសមាជិកគ្រួសារនឹងបានជួបគ្នា៦ដង ដែលមានរយៈពេលសរុប១១ម៉ោង រយៈពេល៣ថ្ងៃនោះ រួមទាំងម៉ោងស្រស់ស្រូបអាហារផង ។ ៦០ឆ្នាំក្រោយសង្គ្រាម មនុស្សជាច្រើនមានបំណងចង់ជួបសាច់ញាតិដែលបែកគ្នា រស់នៅក្នុងប្រទេសកូរ៉េទាំង២ ។
ចំនួនជនជាតិកូរ៉េខាងត្បូងដែលចុះឈ្មោះក្នុងបញ្ជីអ្នកចង់ជួបជុំសាច់ញាតិគ្រួសារបែកគ្នា មានដល់១២៩.២៦៤នាក់ ចាប់តាំងពីឆ្នាំ១៩៨៨មក ហើយ៤៤,៧% នៃពួកគេស្លាប់បាត់អស់ទៅហើយ ។ ចំនួនមនុស្សដែលនៅរស់ក្នុងបញ្ជីរបស់កូរ៉េខាងត្បូងមាន៧១.៤៨០នាក់ ។ ចំនួនអ្នកដែលអាចជួបជុំសាច់ញាតិកូរ៉េខាងជើងមានត្រឹមតែ ២៥.០០០នាក់ប៉ុណ្ណោះ រយៈពេល៣០ឆ្នាំកន្លងមកនេះ ៕
ចែករំលែកព័តមាននេះ