យោង​តាម​គេ​ហទំ​ព័រ​​បរទេស​ចេញ​ផ្សាយ​​កាល​ពី​ពេល​​ ថ្មី​ៗ​នេះ​ ​​ឱ្យ​ដឹង​ថា​ ក្រុម​ហ៊ុន​ សាំ​សុង​ ​បាន​ណែ​នាំ​ពី​ផលិត​ផល​ជំនាន់​ថ្មី​របស់​ខ្លួន​ គឺ​ Galaxy Mega Plus ។ ​លក្ខណៈ​ពិសេសរបស់​វា គឺ​ ​ទំហំ​អេ​ក្រង់​ ៥,៨​អីុញ ​កម្រិត​ពន្លឺ​​ភ្លឺ​ច្បាស់​ qHD TFT (960×540 ភិច​ស៊ែល) ប្រភេទ​​ Processor Quad-Core ដែល​ប្រើ​ប្រាស់​​ក្នុង​ល្បឿន​ ១.២​ GHz កាមេរ៉ា​មុខ​មាន​ទំហំ​ ១.៩​មេហ្គាភិច​ស៊ែល​ ​និង​កាមេរ៉ា​ក្រោយ​​មាន​ទំ​ហំ​ ៨មេហ្គា​ភិច​ស៊ែល​ ​។

ចំណែក​ឯ​​ថាម​ពល​ថ្ម​ប្រើ​ប្រាស់​ ​២៦០០ mAh ប្រើ​ប្រាស់​​ប្រព័ន្ធ​​ប្រតិ​បត្តិ​​ការ​ Android OS 4.2 Jelly Bean ហើយ​ថែម​ទាំង​​ភ្ជាប់​​ប្រព័ន្ធ​​ទាក់​ទង​​ HSPA+21/5.76។ ក្រៅ​ពីនេះ​ វាភ្ជាប់​ប្រព័ន្ធ​ Wi-Fi a/b/g/n, BT 4.0 (BLE), USB 2.0 H/S, GPS (GLONASS) ម៉្យាង​វិញ​ទៀតវា​អាច​ប្រើ​ប្រាស់​​ស៊ីម​បាន​២​ទៀតផង​ គឺ​ (3G+2G) ។ អ្វី​ដែល​​កាន់​តែ​​ពិសេស​ជាង​នេះ​ទៅ​ទៀត​នោះ គឺ​ផលិត​ផល​​នេះ​​ បាន​ប្រើ​ប្រាស់​​ Sensors ដែល​ជា​ការ​កំណត់​​តាម​ឧបករណ៍​​អេ​ទ្បិច​​ត្រូនិក​ពិសេស​ដូច​ជា​ ​Accelerometer, Geomagnetic, Proximity, Light និង​ Gyroscope ជា​ដើម​ ។

​ផលិត​ផល​​ស៊េរី​ថ្មី​មួយ​នេះ​​ មាន​លក្ខណៈ​​ស្រដៀង​​​នឹង​​ Galaxy Mega 5.8 ប៉ុន្តែ​ក្រុម​ហ៊ុន​សាំសុង​ ​បាន​រួម​បញ្ចូល​​ការ​ច្នៃ​​ប្រឌិត​ ពិសេសៗ​​មួយ​ចំនួន​​​ ដែល​បាន​បង្ហាញ​​នោះ​​ ដើម្បី​​ធ្វើ​ឱ្យ​​វា​កាន់​តែ​​ទាន់​សម័យ​​មួយ​កម្រិត​ទៀត​ផង​ ។ ​«Galaxy Mega Plus» នឹង​​​ដាក់​លក់​​ជា​ផ្លូវ​​ការ​ក្នុង​ប្រទេស​​ចិន​ តែទោះ​ជា​យ៉ាង​ណា​​ក៏​ដោយ​ ក្រុម​ហ៊ុ​ន​មិន​បាន​បញ្ជាក់​​ពី​តម្លៃ​ និង​​កាល​បរិច្ឆេទ​ច្បាស់​លាស់​​នៅ​ទ្បើយ​ទេ​ ៕