រ៉យទ័រផ្សាយថា អាជ្ញាធរកូសូវ៉ូ បានប្រកាសលក្ខខណ្ឌចែកចាយ«ទឹក» ក្នុងទីក្រុងព្រីស្ទីណា ដែលមានប្រជាជនច្រើនជាង ៤៦៥.០០០នាក់ រួមទាំងតំបន់នៅជុំវិញ ត្រូវឆ្លាស់គ្នាទៅតាមពេលវេលា ។ ការចែកចាយទឹកនឹងដំណើរបន្ត ដរាបណាគ្រោះរាំងស្ងួតដ៏អាក្រក់ ក្នុងអំទ្បុងពេលជាង៣០ឆ្នាំ បានធូរស្រាល ។
រ៉យទ័រផ្សាយថា អាជ្ញាធរកូសូវ៉ូ បានប្រកាសលក្ខខណ្ឌចែកចាយ«ទឹក» ក្នុងទីក្រុងព្រីស្ទីណា ដែលមានប្រជាជនច្រើនជាង ៤៦៥.០០០នាក់ រួមទាំងតំបន់នៅជុំវិញ ត្រូវឆ្លាស់គ្នាទៅតាមពេលវេលា ។ ការចែកចាយទឹកនឹងដំណើរបន្ត ដរាបណាគ្រោះរាំងស្ងួតដ៏អាក្រក់ ក្នុងអំទ្បុងពេលជាង៣០ឆ្នាំ បានធូរស្រាល ។
ចុងក្រោយនេះរដ្ឋាភិបាលកូសូវ៉ូ ប្រកាសបន្ថយម៉ោងចែកចាយទឹក បន្ទាប់ពីអាងស្តុកទឹក ផ្សេងៗ ក្នុងប្រទេសនៅសល់ទឹកតិច គួរឱ្យបារម្ភ ដោយសារព្រិល និងភ្លៀងធ្លាក់តិចជាងប្រក្រតី រហូតបង្កឱ្យប៉ះពាល់ដល់ការស្តុកទឹក សម្រាប់ប្រើប្រាស់ប្រចាំថ្ងៃ និងលើផ្នែកកសិកម្ម ។
លោកស្រីអាយ៉េតា មេគូ អ្នកនាំពាក្យរបស់ក្រុមហ៊ុនចែកចាយទឹក ស្ថិតក្រោមការគ្រប់គ្រងរបស់រដ្ឋាភិបាលកូសូវ៉ូ បានថ្លែងថា នៅក្នុងលក្ខខណ្ឌចែកចាយទឹកនេះ គឺផ្ទះរបស់ពលរដ្ឋនៅក្រុងព្រីស្ទីណា និងតំបន់នៅជុំវិញក្រុង នឹងទទួលការចែកចាយទឹកប្រើប្រាស់ក្នុងមួយថ្ងៃ១០ម៉ោង ដែលកាលពីមុនមានចំនួន១៤ម៉ោង ក្នុងមួយថ្ងៃ ដោយក្រុមហ៊ុននឹងផ្អាកការចែកចាយទឹកនៅពេលយប់ ។
ប្រទេសកូសូវ៉ូ កំពុងប្រឈមមុខនឹងគ្រោះរាំងស្ងួត និងខ្វះខាតទឹកតាំងពីឆ្នាំ១៩៨៣មក ធ្វើឱ្យប្រជាពលរដ្ឋប្រហែល១ភាគ៤ នៅក្នុងប្រទេសជួបការលំបាកក្នុងការរស់នៅ ។
លើសពីនេះ កូសូវ៉ូ ដែលប្រកាសឯករាជ្យបំបែកចេញពីស៊ែប៊ី កាលពីខែកុម្ភៈ ឆ្នាំ២០០៨ និងទើបតែទទួលជាសមាជិកថ្មី របស់ធនាគារពិភពលោក រួមទាំងមូលនិធិរូបិយវត្ថុអន្តរជាតិ (IMF) នៅតែជាប់ចំណាត់ថ្នាក់ជាប្រទេសក្រីក្រនៅតំបន់អឺរ៉ុប រួមទាំងទទួលសម្ពាធពីបញ្ហាសេដ្ឋកិច្ចនៅក្នុងប្រទេស ខណៈពេលអត្រាអ្នកគ្មានការងារកើនទ្បើងខ្ពស់ដល់ទៅ៤០% ៕
ចែករំលែកព័តមាននេះ