ខេត្តកំពង់ធំ ៖ ឯកឧត្តម គង់ វិមាន អភិបាល នៃគណៈអភិបាលរងខេត្តកំពង់ធំ បានអញ្ជើញជាអធិបតីចូលរួមក្នុងកម្មវិធីសិក្ខាសាលាតម្រង់ទិសថ្នាក់ក្រុង ស្តីអំពីកម្មវិធីទប់ស្កាត់បទល្មើស សុវត្ថិភាពសហគមន៍ (ទ.ប.ស.ស) និងមូលនិធិភាពជាដៃគូ នៅសាលប្រជុំសាលាក្រុងស្ទឹងសែន កាលពីព្រឹកថ្ងៃទី១៩ កុម្ភៈ ២០១៤។
ខេត្តកំពង់ធំ ៖ ឯកឧត្តម គង់ វិមាន អភិបាល នៃគណៈអភិបាលរងខេត្តកំពង់ធំ បានអញ្ជើញជាអធិបតីចូលរួមក្នុងកម្មវិធីសិក្ខាសាលាតម្រង់ទិសថ្នាក់ក្រុង ស្តីអំពីកម្មវិធីទប់ស្កាត់បទល្មើស សុវត្ថិភាពសហគមន៍ (ទ.ប.ស.ស) និងមូលនិធិភាពជាដៃគូ នៅសាលប្រជុំសាលាក្រុងស្ទឹងសែន កាលពីព្រឹកថ្ងៃទី១៩ កុម្ភៈ ២០១៤។
លោក អ៊ឹង សុភ័ណ អនុប្រធាននាយកដ្ឋានកិច្ចការនយោបាយ និងជាសហប្រធានលេខាធិការដ្ឋានគម្រោង (ស៊ីស៊ីចេប-CCJAP) បានអានមតិស្វាគមន៍ចំពោះវត្តមាន ឯកឧត្តម គង់ វិមាន ដែលបានឆ្លៀតពេលវេលាដ៏មានតម្លៃអញ្ជើញចូលរួមក្នុងសិក្ខាសាលានាព្រឹកនេះ មានគោលបំណងតម្រង់ទិសថ្នាក់ក្រុង គម្រោងភាពជាដៃគូ នៃជំនួយយុត្តិធម៌សហគមន៍នៅកម្ពុជា ស៊ីស៊ីចេប ផ្តល់ការណែនាំ និងតម្រង់ទិសដល់ក្រុមប្រឹក្សាសង្កាត់ទាំងអស់ស្វែងយល់ពីទស្សនៈទាន នៃការទប់ស្កាត់បទល្មើស និងសុវត្ថិភាពសហគមន៍ (ទ.ប.ស.ស)។
បង្កើនការយល់ដឹងអំពីការផ្សាភ្ជាប់គ្នារវាងសកម្មភាព (ទ.ប.ស.ស) និងកម្មវិធីវិនិយោគសង្កាត់ (CIP) ព្រមទាំងគោលការណ៍ណែនាំ ស្តីពីមូលនិធិគាំទ្រភាពជាដៃគូ (PSF) ដើម្បីធានាដល់ការអនុវត្តការតាមដាន និងការវាយតម្លៃគាំទ្រចំពោះកម្មវិធីទប់ស្កាត់បទល្មើស និងសុវត្ថិភាពសហគមន៍ (ទ.ប.ស.ស) នៅថ្នាក់សង្កាត់ ប្រកបដោយប្រសិទ្ធភាព។
ឯកឧត្តម គង់ វិមាន បានអញ្ជើញមានប្រសាសន៍ថា ក្នុងនាមរូបលោកតំណាងឲ្យថ្នាក់ដឹកនាំខេត្ត សូមសម្តែងនូវសេចក្តីសោមនស្សរីករាយយ៉ាងជ្រាលជ្រៅក្រៃលែងចំពោះការខិតខំប្រឹងប្រែងរបស់គម្រោង (ស៊ីស៊ីចេប-CCJAP) ធ្វើយ៉ាងណាឲ្យប្រជាពលរដ្ឋយើងនៅក្នុងសង្កាត់ មានភាពរីកចម្រើន និងចូលរួមអភិវឌ្ឍន៍ប្រទេសជាតិ ជាមួយរាជរដ្ឋាភិបាល ដែលមាន សម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី លោកខិតខំកៀងគររកជំនួយពីបរទេសមកជួយដល់កម្ពុជាយើង ដើម្បីកាត់បន្ថយភាពក្រីក្ររបស់ប្រជាពលរដ្ឋក្នុងខេត្តកំពង់ធំ។
ហេតុដូច្នេះហើយ យើងទាំងអស់គ្នាត្រូវតែពួតដៃរួមកម្លាំងគ្នាធ្វើយ៉ាងណាឲ្យជីវភាពរបស់ប្រជាពលរដ្ឋធូរធារជាលំដាប់ ចូលរួមចំណែកកាត់បន្ថយភាពក្រីក្ររបស់ប្រជាពលរដ្ឋជាមួយនិងរាជរដ្ឋាភិបាលកម្ពុជា នៃយើង៕
ចែករំលែកព័តមាននេះ